[QUOTE=ناصر دويدار;351493]
اقتباس:
المشاركة الأصلية كتبت بواسطة علاء قدرى
سيد الشعر و الادب الجميل ابو زهده
ذهب دماغة ذهب
هذا هو الحكيم
وساب خشب و صفيح
ترك الردئ للردئ
لعشاق الفن الردئ
وفات فنون العجب
وانة التباريح
(لم يعد يدهشه شئ)
مافرحش يوم و اكتاب
ولا ارتعش قلبه
ولا داق جمال التعب
والجهل لم تعبه
(يرى الحياة كما هى ) متعادلة الحسن و القبيح
وكان زمان انسان
تسكن بلاد جنبه
حكيم يسع الدنيا بقلبه
وكان لسان قلبه
قارئ العلوم و فصيح
اراه انت يا ابو زهده
(محاولة للقراءة من انسان يشبهه)
عذرا ان ضللت طريق الفهم
لكن النص حاله ارانى مندهشا من غموضها ووضوحها فى ان واحد
؛؛؛؛؛؛؛؛؛؛؛؛؛؛؛؛؛؛؛؛؛؛؛
خلى بالك يا علاء
أنا مبسوط من تعليقك
لكن عايز أضيف شئ مهم
وهو أن عنوان النص المجنون
فا أحنا بنرصد بالمنطق حالة جنان بالعكس
سيد ابو زهدة
لقط حالة ممكن تحصل فى ساعة
وممكن تحصل فى ثانية
يعنى لازم نخترع لغة اللا منطق
النقدية فى نقد النص
يعنى عايزين حالة
جنان نقدى
اوحالة نقدى مجنون
لما الدماغ تكون دهب وتروح
بتسيب فالصو
بتسيب خشب وصفيح
وتسيب التأمل والحب والدفا والإحساس والدهشة
والمغامرة والنصر بتسيب المشاعر اللى ممكن تخلق عالم ودنيا ويصبح البنى آدم مربى دقنه
لحد الأرض وحاطط سبّح كتيرة حوالين رقبته وماشى فى ملكوت ربنا ماتعرفش إذا كان حكيم
ولا لئيم
إذا كان حاسس ولا جبلة
إذا كان فاهم ولامش فاهم
هو كل التضاد ويحيرك معاه
هل تتغاظ منه ولا تتضامن معاه بحكم
أننا شايفين أبعد شوية
بالعكس انا حسيت بالمجنون ده أحساس صادق
واصطاد أبو زهدة لحظة فى منتهى التناقض وفى منتهى المأساوية
وخلى اللى بيقرأ النـــص
يحس أنه مش فاهم كده نجح أبو زهدة
أنه
صور المجنوووون
لان القصيدة مش اسمها العاقل عشان كده ماينفعش نتعامل معاها بمنطق العاقلين
وبعدين يا ابو زهدة أحنا ناقصينك أنت كمان
مش كفاية الجنان اللى حوالينا شمال ويمين وشرق وغرب جى كمان وفى رمضان تشقلب دماغنا على رأى كمال عبد الرحمن
منك لله يا شيخ
وشكلنا كده ح نتقابل آخر رمضان
فى السيدة نفيسة ومددددددددددددددددددددددددددددد
وحــــــــــىىىىىىىىىىىىىىى
وكل سنة وانت واهل بيتك بخير وبصحة يا ابو السيد يا حبيبى |
صحيح على رأي عمنا مجدي نجيب : الدنيا كلها شبابيك
و آديك يا 
عم ناصر شفت المجنون من شباكك
صح ! ، لحظات الإحباط اللي بتنقعنا في اللاجدوى ، تشبه حال الجنون . مع إنها يا جدع :عين العقل
تصدق يا عمّي ناصر ، أنا حبيت "المجنون" ده ، رجعلي مشاركات من النوع اللي بيخرفش على جدار القلب ...
حاجات من بتاعة زمااااااان
كل سنة و انت طيب يا عمّي ناصر
__________________
أستغفِرُ الله العظيم وهو التوّاب الرحيم
رد: المجنون
العرض الشجري