والله رفعت معنوياتى يا أستاذ
و بعد كلامك ده لازم يكون فيه مزيد
***
الحلو بلدى و الفرن بلدى
طابور صوانى و الكحك وردى
ملبن و سادة سكر زيادة
يترش وشه و يديمها عادة
جيران تهادى و جيران تودى
***
يا مسحراتى يا بو صوت ملايكى
إشجينا تانى بكلام يبَّكى
على دق طبلك ماحد قبلك
قال زى قولك ولا الفلايكى
***
يا عبد إسعى دى الدنيا واسعة
تديها صرمة تلقاها راجعة
و إن شِلت همَّك هاتزيد فى غَمَّك
و الدنيا فانية قوم فوز بركعة
***
قوم شوف علومك و إنسى نومك
وإذكر إلهك على قد صومك
رتَّل و عَلِّى صوتك تمَلِّى
سبَّح و صَلِّى يِخْضَّر يومك
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رد: آن الأوان
العرض الشجري