المقامات الموسيقية

**الألآتى** · #1 09/08/2009, 13h19

الحمد لله إن الفكرة وصلت .. ذاكر بقى وهات أسئلتك ..

لأن يظهر مافيش طالب غيرك فى المحاضرات ..

حتى صاحب الإقتراح .. مهياص وكلمنجى على الفاضى .. ولا بيذاكر ولا حاجة أبداً .

**غازي الضبع** · #2 09/08/2009, 13h49

اقتباس:

المشاركة الأصلية كتبت بواسطة الألآتى

حتى صاحب الإقتراح .. مهياص وكلمنجى على الفاضى .. ولا بيذاكر ولا حاجة أبداً .

أنا عارف كل حاجة بس مدكن

**الألآتى** · #3 09/08/2009, 13h59

اقتباس:

المشاركة الأصلية كتبت بواسطة غازي الضبع

أنا عارف كل حاجة بس مدكن

طيب يافالح .. أفلح إن صدق ..

يعنى حانفاجأ بوجود محمد عبد الوهاب مرة أخرى معنا فى المنتدى ؟ .. خير وبركة .

**عفاف سليمان** · #4 09/08/2009, 15h53

مساء الخير عليكم
انا بقه مش هكذب عليكم انا لحد الان بقراء الموضوع فقط
شفتوا فى منتهى الصراحه اهه مش بقول لكم اقعد اخر تخته احسن
بس بجد والله هخلى حماده يظبط لى الاورج بتاعه او ينفع الاكورديون بردوا ولا لا
وهذاكر بجد هخلى حماده يساعدنى واهو بالمره يتذكر الموسيقى بردوا لانه مهملها شويه
وربنا يوفق الجميع
مين عالم يمكن الحن ولا حاجه وانافس استاذنا الالاتى
ربنا يكرمك استاذنا ابو حسام ويقويك علينا يارب
ويسعدكم جميعا بالخير
اخى غازى انا بجد هعمل الشجره ان شاء الله
اختكم عفاف

**بوعاليا** · #5 16/09/2009, 18h34

السلام عليكم و رحمة الله و بركاتة
كل عام وحضراتكم جميعا بخير
انا عضو جديد فى المنتدى، وعجبنى الموضوع جدا، وماليش دعوه انا كمان عايز اقدم فى الفصل ده
بس لازم اشكر الاستاذ غازى على فتح هذا الموضوع وايضا اتوجه بشكر خاص للاستاذ/ محمد ، والاستاذ/ عثمان علي الشرح الجميل المبسط
بس بشويش عليا و تاتا تاتا
وعلى فكره انا بعرف اميز عن طريق السمع مقام النهاوند ، ومقام الصبا