أعمال من تنفيذ الفنان محمد الآلاتي

[الألآتى]

المشاركة الأصلية كتبت بواسطة غازي الضبع

حضـّرها على طبقة صوتي .. لغاية ماجيلك

أنا مستنيك .. من وأنا صغير ..

[الألآتى]

المشاركة الأصلية كتبت بواسطة صباح2015

أنا من المتابعين لأعمالك الجيدة بأستمرار
لكن لاتوجد عندى كلمات شكر وثناء تكفى لمجهود حضرتك
الأكثر من رائع

والله يامدام صباح .. أنا مايهمنيش كلمات الشكر ولا الثناء .. بالعكس ..

أنا بتكسف وأنا بسمع منكم هذا الكلام .. أنا عايز بس أعرف رأيكم ..

الأغنية حلوة .. وحشة .. أكمل .. ولا أبطل خالص وأريح المستمعين من أمثالى ..

لكن نحمل ونجرى .. زى منتديات الشباب الصغير المنتشرة .. المفروض إننا كلنا فنانين .. موسيقيين ومستمعين ..

[الألآتى]

المشاركة الأصلية كتبت بواسطة MUNIR MUNIRG

صوت متمكن ودارس
عظمه على عظمه

أهو إنت إللى ستين عظمة على عظمة ..

ربنا مايحرمنيش من تشجيعك ياأستاذ منير ..

[الألآتى]

المشاركة الأصلية كتبت بواسطة أبوكارم

إستمر ياأبو حسام

ونحن وراءك

أه والنبى يابو كارم .. خليكوا ورايا .. أحسن أقع على ضهرى .

ميرسيه بالقوى جداً خالص .

[الألآتى]

المشاركة الأصلية كتبت بواسطة السيد المشاعلى

تحياتى .. يا عم آلاتى

رائع أنت كعادتك
كنا يا صديقى قد اتفقنا على ألا يصيبك الإحباط من سلبية البعض إزاء ما تقدمه لنا من أعمال..هى غاية فى الجمال
( أنا أصبحت ــ مع الأسف ــ من هؤلاء البعض )
وآه لو أتمكن من شرح كيف تشق على نفسك وكيف تسهر الليالى لتخرج لنا بكل هذا الإبداع ..
وكيف تتنقل ما بين البيانو وجهاز الكمبيوتر مستخدما ــ بمهارة فائقة ــ عشرات من البرامج ومابها من آلاف الأوامر..
و مستندا إلى رصيد هائل من المعرفة بكل فنون الموسيقى وآلاتها ومقاماتها.. فلا تفوتك منها شاردة أو واردة
بل وأحيانا تشترك مع بعض الأخوة من دول عربية مختلفة
لتقدم لنا فنا راقيا ونظيفا
فلا تبتئس يا صديقى ولا تتكاسل عن إتحافنا بالمزيد ، فكلنا شوق لننهل من فيض إبداعاتك
ولعلك تذكر كم أخبرتك بأننى لم أعد أستمع منذ شهور عديدة إلا لأعمالك ..بصوتك وبأصوات المتميزين محمود وعفيفى والمشاعلى !!!
( ..وبهذه المناسبة أود أن أقدم اعتذارى عن سلبيتى تجاه شعرائنا الموهوبين
"كمال وأبو زهدة ويوسف وطارق ورائد وسعد وناصر وعلاء ويسرى وثروت .. وغيرهم"..مع حفظ الألقاب للجميع )

حفظكم الله جميعا أهل سماعى الأحباب

ربنا مايحرمنى منك يابو السيد .. ياصديقى الصدوق ..

وتأكد أنى لن أتكاسل .. ولن أحرمكم من إبداعاتى ..

[الألآتى]

المشاركة الأصلية كتبت بواسطة محمودسعد

وانا طبعا مش من الناس بتوع المشاهدات وانا لسه جاي حالا وشايف الاعجوبه اللي انت عاملها

ياعم محمود .. الكلام مش ليك .. ده إنت تقريباً الوحيد إللى بترد عليا وتشجعنى ..

ربنا مايحرمنا من بعض .

وبعدين أنا بقول الكلام ده من عشمى .. لأنى ماقدرش أزعل من حد .. كلهم حبايبى ..

[الألآتى]

المشاركة الأصلية كتبت بواسطة مروان شلبي

اخي العزيز الالاتي
لقد استمعت بامعان الى هذه الاغنية الرائعه وتتبعت العمل موسيقيا بدقة وقد تعجبت للصبر الذي تتحلى به ولحبك العظيم للموسيقي الذي جعلك تتكبد عناء العمل لساعات طويلة لانتاج هذا اللحن الذي اشترك في تسجيله اكثر من 50 عازفا لينجزه شخص واحد .
واعتقد يااخي بأنك حين تستمع الى هذا الأنجاز الرائع تشعر بالرضى والسعاده وفي هذا لذة كبيرة تعوضك عن تقصير بعض الزملاء (لظروف شتى )عن التعليق ولو بكلمات على هكذا اعمال .
وشكرا

هذا ماأنتظره من واحد فنان فاهم زيك ياأستاذ مروان ..

وبصراحة .. التعب والمجهود إللى أنا عملته فى الأغنية دى .. ماينفعش فيه أى تجاهل أو طناش ..

وبصراحة أكتر .. أنا مش راضى عن الشغل فى الأغنية دى .. كان ممكن تبقى أحسن .. والكمال لله ..

أشكرك حبيب قلبى ..

[محمودسعد]

[QUOTE=الألآتى;346817]

وبصراحة أكتر .. أنا مش راضى عن الشغل فى الأغنية دى .. كان ممكن تبقى أحسن .. والكمال لله


ياراجل ؟؟؟؟؟
كفايه الفكره يااستاذ ياعبقري الافكار وبعدين هو فيه كام واحد يفكر في الشغل ده الا واحد مجنون لدرجه الحكمه ؟
والفنون جنون
يااحلي مجنون عاقل ؟

انا عارفك بتحب مروان شلبي وكمانجه مروان شلبي واحساسه
زي ماتكونوا محرجين من بعض ؟
وبعدين ماهو فيه شغل بينك وبين مروان احنا كلنا في انتظاره في مصر والعالم ؟

[محمودسعد]

[QUOTE=الألآتى;346816]

ياعم محمود .. الكلام مش ليك .. ده إنت تقريباً الوحيد إللى بترد عليا وتشجعنى ..

ربنا مايحرمنا من بعض .

وبعدين أنا بقول الكلام ده من عشمى .. لأنى ماقدرش أزعل من حد .. كلهم حبايبى ..

طب مانا عارف

[Hisham Khala]

المشاركة الأصلية كتبت بواسطة الألآتى

إخوانى الأعزاء

قصيدة لست قلبى

من أحلى ماغنى عبد الحليم حافظ

شعر : كامل الشناوى

ألحان : محمد عبد الوهاب

توزيع : أندريا رايدر

قمت بتنفيذها بإمكانياتى المتواضعة ..

وغنيتها كمان .. ياللا .. مش حارمكم من حاجة .

برافو محمد الآلاتي رايدار
أنا سمعت الكونتربوينت شيللو - فلوت ، و الخلفيات المعمولة بالات النفخ و .....
برافو برافو .... ودنك حساسة جداً