المقامات الموسيقية

**unicorn** · #1 03/08/2009, 15h07

اقتباس:

المشاركة الأصلية كتبت بواسطة الألآتى

[/CENTER]

ماشى ياعم محمود .. نخش على الفايدة ..

الملف الموجود فى المرفقات .. فيه الطريقة إللى تخليك تعرف المقام من غير نوتة أو آلة موسيقية ..

........يا للهول
طيب شوف حتة التفاعل دى يا استاذ محمد أنا فهمت البياتى كدة ( طبعا ما فهمتوش لانه لسة ما اتقالش أكاديميا ) بس أقصد فى ودانى صح كدة ؟؟
النهر الخالد ( مسافر زاده الخيال......... ) بياتى
فكرونى ( كلمونى تانى عنك............. ) بياتى
جرَّبت زينة و عزيزة ما جوش معايا بياتى
دول مؤقتا لو ماشى كدة صح أقدر أعرف تانى
لو ماشى غلط بقى يبقى هابطل آكل فول أنا كمان

**عادل فؤاد رفاعى** · #2 03/08/2009, 16h58

مع انى مجال دراستى الهندسة الميكانيكية لكن بالصراحة الميكانيكا اسهل من علم الموسيقى.. الموضوع طلع صعب قوى

**غواص النغم** · #3 03/08/2009, 17h55

زمان سهرتي وتعيبتي وشيلتي
دي اغنية ست الحبايب اعتقد كلها بياتي
مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي
وفيه كمان استفسار في اغنية فوق غصنك يا لمونة يوجد موال قبل الكوبليه الثالث سمعت مرة في اذاعة المنستير بتونس زمان ان هذا الموال اللي بيقوله فريد وسط غنوة فوق غصنك يالمونة بيدرس او بيتعلموا منه طلبة المعهد الموسيقي المقام
لأن فريد بيقول المقام وبيحافظ عليه ولا يخرج عنه .
انا نسيت مقام ايه لكن ممكن يكون مقام البياتي صح؟

سؤال تاني:
حضرتك قلت انه فيه مقامات فرعية
ماهي المقامات الأصلية وماهي المقامات الفرعية او ماهي الأجناس الأصلية والأخرى الفرعية _لو السؤال سابق لأوانه ممكن تؤجل اجابته _
وكم عدد المقامات اللي يقدر نميزها عن بعض؟يعني هل توجد مقامات نادرة او طريقها صعب تمييزه؟
وهل توجد مقامات غنائية مهجورة؟

وشكرا للفنان محمود سعد اللي بسببه سمعنا الدرس صوتيا
اما اسمع بقى ملفات الاستاذ عثمان
ابو حسام
فكرتني بفوازير الخاطبة لما نيللي تقول نقول تاني
ربنا يعطيك الصبر على اسئلتنا
تحياتي

**غازي الضبع** · #4 03/08/2009, 18h53

اقتباس:

المشاركة الأصلية كتبت بواسطة غواص النغم

مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي

يا سلام عليك يا منعم
تصدق أنا كمان لما أسمع اسماء المقامات بييجي في ذهني بعض الألوان
بس مختلفة شوية عن ألوان مخيلتك
ولو إني ماليش في الألوان
يعني ماعرفش جل أسماء الألوان
لكن مقام نهاوند بيفكرني باللون اللي مقتبسه فوق ده

أما الحجاز ( وهو من أحب المقامات إلى قلبي ) بيفكرني باللون اللي باكتب بيه السطر ده
( ويا ريت حد يقوللي ده لونه إيه ؟ )

***

الله ينور يا شباب
زي ما توقعــت

**غواص النغم** · #5 03/08/2009, 19h11

اقتباس:

المشاركة الأصلية كتبت بواسطة غازي الضبع

يا سلام عليك يا منعم
تصدق أنا كمان لما أسمع اسماء المقامات بييجي في ذهني بعض الألوان
بس مختلفة شوية عن ألوان مخيلتك
ولو إني ماليش في الألوان
يعني ماعرفش جل أسماء الألوان
لكن مقام نهاوند بيفكرني باللون اللي مقتبسه فوق ده
أما الحجاز ( وهو من أحب المقامات إلى قلبي ) بيفكرني باللون اللي باكتب بيه السطر ده
( ويا ريت حد يقوللي ده لونه إيه ؟ )

***

الله ينور يا شباب
زي ما توقعــت

اللي فوق لون النهاوند اعتقد انه نهاوندي هذا لون البنفسج الخافت
اعتقد انه لونه فستقي
وهذا باذنجاني

**عفاف سليمان** · #6 03/08/2009, 20h06

شوفوا بقه ممكن ادخل الفصل ده معاكم
ولا اروح لابله الناظره واقول لها تذنبكم
ولا اقول للمدير المدرسه يضربكم كام عصايا حلوين
انا عن نفسى هقعد فى اخر تخته ورااااااااا خالص
علشان انا بليده جدااااااااااااااااا فى الموسيقى
يعنى بسمع حلو وكل حاجه وبغنى كمان بس المقامات
والسلالم دى انا كنت هقع من عليها وانا بقرائها امال لما ادرسها
والاوسط واللذى منه
شوفوا انا مش بأكل فول خالص علشان القولون لكن بجد
انا تنحت مكنتش اعرف ان الموسيقى صعبه قوى كده دا دراستى كانت اسهل بكتير
لكن اكيد بالصبر هنتعلم
انا عن نفسى بحب اعمل شجره او ارسم شجره
ايه رائيكم لو كل درس عرفناه نرسمه فى ورقه كبيره كشجره
والله اكيد هنتعلم حاجه
اما بخصوص انى هقعد اخر الفصل واخر تخته
علشان محدش ياخذ السندوتشات بتاعتى
وكمان ابقى اخر واحده تنضرب اوك
هههههههههههه
بجد والله جميل مجهوداتكم
الاستاذ محمد الالاتى
والاستاذ عثمان دلبانى
ربنا يكرمكم بالخير
ومن بكره هبداء ان شاء الله برسم الشجره
بس بالله عليكم واحده واحده لحسن انا اتخن مخ هنا
تحياتى لكم جميعا
يمكن افلح فى حاجه
على فكره
انا عندى اورج ياماها بتاع حماده ابنى ممكن اكتب عليه ال دو وال رى وا ل مى وال فا يعنى السلم الموسيقى
وعندى كمان اكورديون بتاع حماده وجيتار
بس اكيد هيبقى الاسهل لى الاورج
يارب يكرمكم بالخير
اختكم التلميذه الجديده فى فصل اولى اول
عفاف

**غازي الضبع** · #7 03/08/2009, 20h15

اقتباس:

المشاركة الأصلية كتبت بواسطة عفاف سليمان

شوفوا بقه ممكن ادخل الفصل ده معاكم
ولا اروح لابله الناظره واقول لها تذنبكم
ولا اقول للمدير المدرسه يضربكم كام عصايا حلوين
انا عن نفسى هقعد فى اخر تخته ورااااااااا خالص
علشان انا بليده جدااااااااااااااااا فى الموسيقى
يعنى بسمع حلو وكل حاجه وبغنى كمان بس المقامات
والسلالم دى انا كنت هقع من عليها وانا بقرائها امال لما ادرسها
والاوسط واللذى منه
شوفوا انا مش بأكل فول خالص علشان القولون لكن بجد
انا تنحت مكنتش اعرف ان الموسيقى صعبه قوى كده دا دراستى كانت اسهل بكتير
لكن اكيد بالصبر هنتعلم
انا عن نفسى بحب اعمل شجره او ارسم شجره
اسيه رائيكم لو كل درس عرفناه نرسمه فى ورقه كبيره كشجره
والله اكيد هنتعلم حاجه
اما بخصوص انى هقعد اخر الفصل واخر تخته
علشان محدش ياخذ السندوتشات بتاعتى
وكمان ابقى اخر واحده تنضرب اوك
هههههههههههه
بجد والله جميل مجهوداتكم
الاتساذ محمد الالاتى
والاستاذ عثمان دلبانى
ربنا يكرمكم بالخير
ومن بكره هبداء ان شاء الله برسم الشجره
بس بالله عليكم واحده واحده لحسن انا اتخن مخ هنا
تحياتى لكم جميعا
يمكن افلح فى حاجه
على فكره
انا عندى اورج ياماها بتاع حماده ابنى ممكن اكتب عليه الدو والرى والمى والفا يعنى السلم الموسيقى
وعندى كمان اكورديون بتاع حماده وجيتار
بس اكيد هيبقى الاسهل لى الاورج
يارب يكرمكم بالخير
اختكم التلميذه الجديده فى فصل اولى اول
عفاف

إيه يا عفاف ؟
كل ده رغي من أول حصة
مش شايفانا قاعدين لابسين المريلة ، ومركزين في الدروس
هاتشوّشري علينا من أولها
إوعي تكوني من النوع اللي بيشـَوشر على اللي جنبه ، ويروح هو يذاكر دكاكيني ..
روحي اقعدي في الدكة اللي هناك دي ، وطلعي كراسة الموسيقى المتجلـّدة بجلاد بمبي
وركزي .. يمكن تفهمي حاجة وتيجي تفهميني بعد كده

لحسن أنا قاعد متنح تـتنيحة ما يعلم بيها الا ربنا

**unicorn** · #8 03/08/2009, 22h53

اقتباس:

المشاركة الأصلية كتبت بواسطة غواص النغم

اللي فوق لون النهاوند اعتقد انه نهاوندي هذا لون البنفسج الخافت
اعتقد انه لونه فستقي
وهذا باذنجاني

اه ,
دة شئ جميل أوى ,
أفهم من كدة انك انت و غازى يا منعم فهمتوا المقامات كويس و هضمتوها تمام و شغالين دلوقتى فى التشطيب ,
بتلونوا المقامات و بتدهنوها بوية ,
مش تراعوا ان فيه عالم فاشلة معاكوا ؟؟
صحيح الناس مقامات

**الألآتى** · #9 03/08/2009, 22h31

اقتباس:

المشاركة الأصلية كتبت بواسطة غواص النغم

زمان سهرتي وتعيبتي وشيلتي

دي اغنية ست الحبايب اعتقد كلها بياتي

فعلاً .. الأغنية كلها بياتى .. فيما عدا تحويلة قصيرة جداً فى أخر كل كوبليه .. بيستخدم فيها عُربة صغيرة ويعود للبياتى مرة أخرى ..

اقتباس:

المشاركة الأصلية كتبت بواسطة غواص النغم

مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي

علشان كده بيسموا المقامات .. ألوان الموسيقى .. أو بيشبهوها بالألوان ..

اقتباس:

المشاركة الأصلية كتبت بواسطة غواص النغم

وفيه كمان استفسار في اغنية فوق غصنك يا لمونة يوجد موال قبل الكوبليه الثالث سمعت مرة في اذاعة المنستير بتونس زمان ان هذا الموال اللي بيقوله فريد وسط غنوة فوق غصنك يالمونة بيدرس او بيتعلموا منه طلبة المعهد الموسيقي المقام
لأن فريد بيقول المقام وبيحافظ عليه ولا يخرج عنه .
انا نسيت مقام ايه لكن ممكن يكون مقام البياتي صح؟

الموال إللى أنا سمعته من مقام العجم .. وبيحول لأكتر من مقام داخل الموال .. لكم مش بياتى .

اقتباس:

المشاركة الأصلية كتبت بواسطة غواص النغم

سؤال تاني:
حضرتك قلت انه فيه مقامات فرعية
ماهي المقامات الأصلية وماهي المقامات الفرعية او ماهي الأجناس الأصلية والأخرى الفرعية _لو السؤال سابق لأوانه ممكن تؤجل اجابته _

طبعاً .. فيه مقامات أصلية ومقامات فرعية .. والسؤال سابق لأوانه جداً .. سأجيب عليه فى الوقت المناسب ..

اقتباس:

المشاركة الأصلية كتبت بواسطة غواص النغم

وكم عدد المقامات اللي يقدر نميزها عن بعض؟يعني هل توجد مقامات نادرة او طريقها صعب تمييزه؟
وهل توجد مقامات غنائية مهجورة؟

عدد المقامات الأصلية والفرعية كتير جداً .. ولايمكن حصرها ..

وتوجد بالفعل مقامات نادرة .. ومقامات مهجورة .. وسأجيب على كل ذلك فى الوقت المناسب

اقتباس:

المشاركة الأصلية كتبت بواسطة غواص النغم

ابو حسام
فكرتني بفوازير الخاطبة لما نيللي تقول نقول تاني
ربنا يعطيك الصبر على اسئلتنا
تحياتي

لازم أصبر عليكم .. وإلا ماأنفعش مدرس ..

**الألآتى** · #10 03/08/2009, 22h18

اقتباس:

المشاركة الأصلية كتبت بواسطة حبيب عبد الوهاب

مع انى مجال دراستى الهندسة الميكانيكية لكن بالصراحة الميكانيكا اسهل من علم الموسيقى.. الموضوع طلع صعب قوى

مافيش حاجه صعبة ياأستاذ عادل على الغاوى ..