بتطهرني من العصيان

[علاء طه ياسين]

الشاعر الرائع
يسري عطية
.......
يأسرني كرمك .. وجمال مداخلتك .. وردودك ..
وأين ما أكتبه أنا مما أقرأه لك ..
نحن في السفوح .. وأنتم في القمة ..
متعك الله بالصحة والعافية ..
.......
علاء

[Tarek Elemary]

الأنشودة اللانهائية للعشق و الموسيقى و الشاعرية و الرومانسية علاء يس

عارف أنا باحس إن كل مشاركاتك العامية ممكن تترص فى معلقة واحدة و راء بعضها فلا تشعر بإختلاف و كأنها كُتبت كلها فى وقت واحد بشعور نفسى و حسى واحد، كلها خرجت من معينٍ واحد متدفق لا ينضب ... ربنا يزيد و يبارك

أشعر عند قراءتى لك أننى طفل يمسك بقصة مصورة تستهويه ألوانها و شخوصها التى تدخله فى عالم فريد من الخيال و من الروعة لا تريد له أن ينتهى
تحياتى و إعجابى لا ينقطعان

[علاء طه ياسين]

حبيبي وأخويا الكبير
طارق العمري

أنا باحب اكتب شعر الحب ..
مش باحب أكتب أي مجال تاني ..
قريت كتير في نقد الأحوال ..
ومحاولة عدل الحال المايل بالكلام ..
ما استهوتنيش الكتابة في المواضيع دي ..
لأن ليها أربابها ..
الأقدر مني علي التعبير في المجالات دي ..
وكل ما أحاول أكتب عن كده مش باقدر ..
بارجع للحب مرة تاني ..

...........................

يمكن افتقدنا الحب والرومنسيات في الزمن ده ..
وانا باحاول اكون صوت للحب ..
علي قدي
.......................
أخويا الكبير طارق العمري
شاكر ليك جدا تشجيعك ليا
ووقوفك دايما جنبي

علاء

[عفاف سليمان]

المشاركة الأصلية كتبت بواسطة علاء طه ياسين

ياللي تمللي باشوفك دايما
روح شفافة وقلب حنون
اللي مابينا عمر بحاله
يمكن قبل بداية الكون
بتحبني أكتر من روحك
وبأحبك انا أوي بجنون
واتحديت في هواك العالم
واللي يكون ياحبيبي يكون

انت يا أجمل قلب صادفته
ونسيت ويا هواك الحيرة
بعد ما عشت انا طول ايامي
لدموعي وأحزاني أسيرة
شوفتك فجأة ف ليل أحلامي
فارس وانا في الحلم أميرة
حسيت إني بجد عرفتك
قبل سنين وليالي كتيرة

انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي

انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء

....

والله يا استاذ علاء
عايزه ملحن جميل
يلحن الكلمات الجميله دى
مع انها ملحنه نفسها
الا انها بس عايزه موسيقى وصوت جميل
وانت تشوف العجب
تحياتى لابداعاتك الغنائيه الجميله
سلمت يداك وسلمت من كل شر
ولك وللجميع خالص التحيه والتقدير
والينا مزيدا من الابداع والجمال
اختكم عفاف

[علاء طه ياسين]

شكرا جزيلا
علي هذا الرد الرقيق
أختي عفاف ..

بس مفيش حد يلحن لي ولو غنوة حتي صدقة ..
دامت طلتك الجميلة
ودام لك الهناء في ظلال أسرتك السعيدة
علاء

[عفاف سليمان]

والله والله يا أخى علاء لو بعرف الحن
لكنت لحنت لك على العموم ياريت
ترسل لاستاذنا محمد الالاتى او
الاستاذ مروان شلبى او بعض الملحنين اللى فى سماعى
اكيد هتلاقى حد يتبنى هذه الفكره واكيد
فى اغنيه هتعجبه من اغنياتك الجميله ويلحنها
ويا سيدى اغنيهالكم بس تسدوا ودانكم
هههههههههههههه
بجد اكيد ربنا راح يكرمك بس انت جرب ودور واتعب شويه
واكيد اكيد هنلاقى حاجه من انتاجك فى سماعى
لك التحيه والتقدير وربنا يوفقك
اختك عفاف