المقامات الموسيقية

**غازي الضبع** · #1 02/08/2009, 05h23

إيه يا عم ؟
رحت فين ؟
إنت بتحضر درس ولا بتحضر عفريت

**غازي الضبع** · #2 02/08/2009, 11h12

أنا كنت ماشي معاك زي الفل .. لغاية ما وصلت هنا
فسلم القرار غير سلم الجواب غير السلم الأوسط .. ولنأخذ مثالاً للسلم الأوسط فى الموسيقى العربية ..

وبعدها تهت
إيه سلم القرار ، وسلم الجواب ، وسلم الوسط
قصدك يعني على الأورج
ولا إيه بالظبط ؟؟

**غواص النغم** · #3 02/08/2009, 11h34

جميل جدا انا فهمت
وطبعا المقصود بالمنطقة الوسطى مثل المنطقة الوسطى في البيانو يعني الأصابع الوسطى في البيانو حيث ان البيانو يتكون من ثلاث اوكتاف .. على حسب ما اتذكر ثمانية قرار وثمانية اوسط وثمانية جواب
واعرف ان الجهاركاه هو الرابعة جهار بالفارسية تعني اربعة
الدرس التاني

**غازي الضبع** · #4 02/08/2009, 12h18

اقتباس:

المشاركة الأصلية كتبت بواسطة غواص النغم

جميل جدا انا فهمت

وطبعا المقصود بالمنطقة الوسطى مثل المنطقة الوسطى في البيانو يعني الأصابع الوسطى في البيانو حيث ان البيانو يتكون من ثلاث اوكتاف .. على حسب ما اتذكر ثمانية قرار وثمانية اوسط وثمانية جواب
واعرف ان الجهاركاه هو الرابعة جهار بالفارسية تعني اربعة

الدرس التاني

الله ينور عليك يا منعم
كده انا فهمت
بس هل فعلا البيانو ثلاثة أوكتاف فقط
إوعى تكون بتتكلم عن البيانو اللعبة بتاعتك

متهيألي بيبقى أكتر من كده
**
بالمناسبة .. هل الدروس تستلزم أحد الآلات الموسيقية يا أستاذ محمد
لو كده أنا كمان عندي أورج ( لعبة )

ممكن نستخدمه مؤقتاً

**عثمان دلباني** · #5 02/08/2009, 12h29

طيب يا سي غازي انا حفهمك ايه الفرق في انتظار ان اخونا ابو حسام يسهلها لك اكثر

مثال 1 السلم على البيانو

في الموسيقى يا غازي موجود السبعة نوتات اللي هي (دو ري مي فا صول لا سي ) المثال 1
و انت عارف انه في آلة البيانو مثلا مفيهاش سبعة نوتات البيانو يا سيدي فيه 88 ملمس(زر) . منهم 36 ملمس باللون الاسود يعني و الباقي 52 لونهم ابيض كويس ؟؟؟؟ طيب

اللي باللون الابيض هي اللي تعطينا السلم الموسيقي الطبيعي

لو نقسم 52 على سبعة حتعطينا 7 و شوية يعني 7 سلالم واحد جنب الثاني

المثال 2 اورغ بـ 5 سلالم

شوف معاي هذا الاورغ و شوف الصورة الأولى اللي هي سلم موسيقي واحد ح تلاقي و كان السلم تكرر 5 مرات و شوية يعني ان هذه الآلة فيها 5 سلالم موسيقية

دخلنا الآن في الاهم يا سيدي لو طلب منا ان نعزف نغمة دو على البيانو حتبقى مشكلة لانه عندي 5 سلالم و كل سلم يبتدي بنغمة دو

اي دو فيهم المقصودة ؟؟؟؟
سهلة يا سيدي اذا كان دو من السلم الاول نسميه ( دو1) و اذا كان من السلم الرابع نسميه ( دو4)...و هكذا . يعني كل نغمة تنسب الى السلم الذي هي موجودة فيه ...

نيجي لسؤالك اللي هو مربط الفرس ، في الموسيقى العربية المسألة مش سهلة يا صديقي انتم فاكرين احنا بناكلها بالساهل ؟؟؟؟

ناخذ مثال درجة دو 1 اللي نسميها ( راست ) و نمشي سبعة درجات زي خلق الله لما نوصل للدرجة الثامنه اللي هي الجواب و اللي من المفرض حيكون اسمها ( راست2) يجولك اللي هم يقولوا لك لا ما اسمهاش (راست2)

هي الاسامي قلت و الا انعدمت ؟؟؟ نسميها (كردان ) .....

نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟

و بالمناسبة يا غازي كل سلم في الموسيقى العربية فيه اسماء الدرجات مختلفة عن الباقي و هذا للاسف اللي يخلي المبتدئين ينفروا من تعلم الصولفيج العربي و اسماء المقامات لانها في البداية بصراحة تصحيك من النوم .... تحياتي

**غازي الضبع** · #6 02/08/2009, 12h47

اقتباس:

المشاركة الأصلية كتبت بواسطة عثمان دلباني

ناخذ مثال درجة دو 1 اللي نسميها ( راست ) و نمشي سبعة درجات زي خلق الله لما نوصل للدرجة الثامنه اللي هي الجواب و اللي من المفرض حيكون اسمها ( راست2) يجولك اللي هم يقولوا لك لا ما اسمهاش (راست2)

هي الاسامي قلت و الا انعدمت ؟؟؟ نسميها (كردان ) .....

نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟

الله ينور عليك يا سي عثمان يا جميل
الحقيقة أنت أنرت ليا حقيقة كانت مبهمة بالنسبة لي من زمان
من خلال الرسومات الرائعة اللي أدرجتها وشرحك السلس
بس أنا وقفت لغاية النقطة دي ( المقتبسة أعلاه )
اللي فهمته دلوقتي إن الدو1 هايبقى اسمه راست
وبتقـول إننا هانمشي سبعة درجات .. يعني هانوصل للـ دو تاني بس من سلم جديد ( صح كده ؟ )
يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )

**unicorn** · #7 02/08/2009, 13h07

اقتباس:

المشاركة الأصلية كتبت بواسطة غازي الضبع

يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )

لا كدة انت خرجت عن الشريط طبعا ,
الكلام أن السلم الاول
أول سبعة أحرف ( أوج - حسينى - نوى - جهاركا - سيكا - دوكا - راست ) من اليسار الى اليمين
دة كدة أول سلم
يعنى الدور الاول فى العمارة يا غازى
الدور اللى بعده المسمى بيختلف تماما
يبقى الراست= دو و الدوكا = رى فى السلم الاول فقط.
ربنا يستر و ما ابقاش أنا اللى خرجت عن الشريط

**غازي الضبع** · #8 02/08/2009, 13h09

اقتباس:

المشاركة الأصلية كتبت بواسطة unicorn

لا كدة انت خرجت عن الشريط طبعا ,

الكلام أن السلم الاول
أول سبعة أحرف ( أوج - حسينى - نوى - جهاركا - سيكا - دوكا - راست ) من اليسار الى اليمين
دة كدة أول سلم
يعنى الدور الاول فى العمارة يا غازى
الدور اللى بعده المسمى بيختلف تماما
يبقى الدوكا له اسم تانى فى السلم اللى بعده
ربنا يستر و ما ابقاش أنا اللى خرجت عن الشريط

إنت لغبطني كده يا عم الحاج
إستنى بقى ما اروح أولع سيجارة ،، وابدأ أفهم من جديد
الموضوع شكله صعب بجد ولا إيه

**عثمان دلباني** · #9 02/08/2009, 13h12

اقتباس:

المشاركة الأصلية كتبت بواسطة غازي الضبع

الله ينور عليك يا سي عثمان يا جميل
الحقيقة أنت أنرت ليا حقيقة كانت مبهمة بالنسبة لي من زمان
من خلال الرسومات الرائعة اللي أدرجتها وشرحك السلس
بس أنا وقفت لغاية النقطة دي ( المقتبسة أعلاه )
اللي فهمته دلوقتي إن الدو1 هايبقى اسمه راست
وبتقـول إننا هانمشي سبعة درجات .. يعني هانوصل للـ دو تاني بس من سلم جديد ( صح كده ؟ )
يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )

انت خرجت و خبطت في الحيط

السلم الموسيقي : من اليسار الى اليمين

السلم العربي :
كردان ، اوج ، حسيني ، نوا ، جهاركاه ، سيكاه ، دوكاه ، راست
السلم الغربي : 8 7 6 5 4 3 2 1
دو2 ، سي ، لا ، صول ، فا ، مي ، ري ، دو1

الدوكاه يا غازي هي الدرجة الثانية في السلم الاول و الكردان حتبقى هي الدرجة الاولى في السلم الجديد يعني احنا نقدر دي الوقت نشكل سلم جديد نسميه السلم الثاني من درجة دو2 اللي هي الكردان ....تحياتي

**غازي الضبع** · #10 02/08/2009, 13h29

اقتباس:

المشاركة الأصلية كتبت بواسطة عثمان دلباني

انت خرجت و خبطت في الحيط

معلشي .. تاني والنبي
وهاركز قوي المرة دي