الفنان الكبير على فرج الجهانى ( على وبكا)

**محمد بوشيبه** · #1 23/07/2009, 21h30

نلقانى فى حال شينك غية.. رقى سمها ع الكبد جار عليا
*************
نلنقانى فى حاله.. والروح عندى صايفا مذباله
والعين تذرى دمعها هياله.. وين العرب ياخالقى ويش بيا
*************
ياخالقى ويش داير.. سحن كبدتى مولى الوجيه الناير
غلاه جارفى جاشى دارمغاير.. كــبر داى ماتنـــفع د باره ليا
**************
مالقيت من داوانى.. ولا لقيت من خاطر على بريانى
تميت ذايح والغرام خذانى ..باقى مــطوح ع الفراش رميه

**محمد بوشيبه** · #2 05/08/2009, 22h58

دويتو
شادى الجبل و على الجهانى

**********
جلسة خاصه

**محمد بوشيبه** · #3 08/08/2009, 19h08

اغنية
ضيم بوحلق نقض عليا امراضى .. وخطر عليا ما مضى م الماضى
يا منونه ..........حنى على كبدى لى مسحونه
فى مامضى كنتى نعم مرهونه
واليوم فاضيه وانا مثيلك فاضى
*************
ياريت مالاقيته..........وياريتنى بالعين ماحقيته
نظيف المجالى قبل قلت نمسيته
ووين ماخطر رقن معاه غراضى
*************
برول
ياريدى كنك جفال .. عليك امان الله تعال

كنك جافينا .. لاتنشد لاتسال علينا
ضاع وراك العقل احيينا .. من غيرك ماجا ع البال
*************************
كنك ماتجيش .. لاتنشد لاتسال عليش
فى حبك عقلى درويش .. مريض زايد بيه الحال
**************************
كلمات من تاليف الجهانى تغنى بها فى فترة السبعينات

**محمد بوشيبه** · #4 10/08/2009, 16h44

جنى السوايا م الحبيب الدانى
نوم الهنى لانعرفه لاجانى
*************
كلمات قديمة من التراث
2000م

**محمد بوشيبه** · #5 03/09/2009, 03h09

ياشوشان ماريتش غزالى
خوذ المال ولبشاره حلالى
********
اغنية قديمة تغنى بها الجهانى فى منتصف السبعينات يقال انها من نضم سالم الزواوى
وتغنى ايضا ..رد البال لبشاره حلالى

**محمد بوشيبه** · #6 03/09/2009, 04h19

ياصقر ماتنزل منازل بومه
ونزل منازل عاليه مقيومه
**********
مطلع من التراث اظاف الجهانى (خلال فترة السبعينات )

ماتنزل منازل بطه
ونزل منازل علو ماتوطى
بنادم إن كان خرب وعوج خطه
يطيح من عيون الناس يرخص سومه
*******************
اظاف الشاعر مصطفى حسين (خلال فترة السبعينات )
عد العواقب ديما
العوجه تدللها تبات سقيمه
الشيهان ماينزلش فوق رميمه
ولا البرق يشاكع إلا بغيومه
*************
خلك عالى
وماتنزله مسكن البوم الخالى
إلى مايعد العقب يندم تالى
إن غاليت عفن حسب حساب خصومه
**************
ثم غنى الجهانى

شقيت فى الغلا واجد عرفت انواعه
لقيته طريقه شوم لتباعه

مطلع لشادى الجبل وابيات لجهانى
***********
ثم غنى الجهانى برول من التراث ..
نبرم فيه اليوم برمته
غزلى م المسدا صرمته
*********
نبرم فيه اليوم بروحى
ناقضات على جروحى
ياعينى بالدمعه نوحى
عد الله عزيز دفنته
********
*****
***
**
*

**mrajaa** · #7 06/09/2009, 15h50

استاذي بوشيبة تحية خاصة لك انت والمبدع الكبير ابو عاصم ولجميع اعضاء المنتدى الكرام

اما بعد ؛
كان عندي شريط فية اغنية ياما ( زازيت بيها ) بيش نفرز كلامها وبعدها نفهمه و كيف ما حضرتكم عارفين ان (ويكنو ) كان عنده لذة في التعجيز با ستخدام كلمات غير متواردة المهم الاغنية الي ( شردتني ) و سببت في ريحت الشريط كان يقول مطلعها بشكل تقريبي ( شفاق بنيلة نعدوك يا ناقاش )

الزبدة

الي عنده الاغنية او سمع بيها او حافظها ينزلها الله يرحم ولديه

و شكرا امراجع صويد

**نجم_ليبيا** · #8 09/01/2010, 03h31

اقتباس:

المشاركة الأصلية كتبت بواسطة محمد بوشيبه

نلقانى فى حال شينك غية.. رقى سمها ع الكبد جار عليا

*************
نلنقانى فى حاله.. والروح عندى صايفا مذباله
والعين تذرى دمعها هياله.. وين العرب ياخالقى ويش بيا
*************
ياخالقى ويش داير.. سحن كبدتى مولى الوجيه الناير
غلاه جارفى جاشى دارمغاير.. كــبر داى ماتنـــفع د باره ليا
**************
مالقيت من داوانى.. ولا لقيت من خاطر على بريانى

تميت ذايح والغرام خذانى ..باقى مــطوح ع الفراش رميه

مش علي ويكة اللي يغني في هده الاعنية

**نجم_ليبيا** · #9 13/01/2010, 17h50

بالامكان تمييز صوت علي ويكة بسهولة حتى لما الفقهي يغني ويردد خلفه مع البقية وهدا الصوت ماهوش علي ويكة ولا الفقهي في هده الاغنية ولا الموال اللي قبلها . وياريت تنزيل جميع اعماله
لانه يعز عليا هلبــــــــة

**محمد بوشيبه** · #10 14/01/2010, 18h18

اقتباس:

المشاركة الأصلية كتبت بواسطة المتألق

الأخ العزيز نجم ليبيـــــا

من تغنى بأغنية

نلقاني في حال شينك غيــــة

هو فريد الأغنية الشعبية - سي علي و يكا - و كان في صحبته في تلك الحفلة

الفنان الراحل خالد الفقي ، و يقال بأن تلك الحفلة أٌقيمتـ في منتصفـ السبعيناتـ

أم عن و ضوح صوتـ - سي على - في هذه الأغنية بذاتـ فهو أمر بين للجميع

و أقصد بـ الجميع هنا

كل متتبعين فن هذا الرجل الذي أعطى الكثير

فرحمة الله على الحاج على الجهاني

اقتباس:

المشاركة الأصلية كتبت بواسطة نجم_ليبيا

بالامكان تمييز صوت علي ويكة بسهولة حتى لما الفقهي يغني ويردد خلفه مع البقية وهدا الصوت ماهوش علي ويكة ولا الفقهي في هده الاغنية ولا الموال اللي قبلها . وياريت تنزيل جميع اعماله
لانه يعز عليا هلبــــــــة

السلام عليكم ورحمة الله وبركاته
بحكم انى من رفع الأغنية حاب انى نقول شى مهم جدا لو ان الحاج على رحمه الله موجود بينا لماعرف التسجيل ليش ..؟
التسجيل فى ليبيا الى وقت قريب لم تطرء عليه اى تحسينات تذكر واقصد هنا التسجيل فى الحفلات الشعبية والخاصة منها
لوتعرفوا الطريقة لكان يعتمدوا عليها تستغربوا .. كانوا يستعملوا فى لاقط واحد طوال الحفل وكان يوضع على ألأرض معتمدين على نقاء حناجرهم القوية مثل الحاج على ومحمد الدرناوى وغيرهم لقلة ألأمكانيات
اما مايخص التسجل متاعنا الظن الراجح عندى (وبطبع سألت عليه من سمعوا الشريط قبلى) اكدوا انه للحاج رحمه الله وطبيعة حال ذاك الجيل انه كان يتبع طريقة غناء القرار كيف غناء اهل مرزق
دمتم يخير