إبداعات الشاعر طارق العمرى ، بدون تعليقات

[Tarek Elemary]

أنا ليه بقيت زى الجميع ما تهزنيش كلمة وطن
ما بقيتش أشعر بالأمان ما بقتش فيه حالة شجن
أصل الوطن مش طوب و طين و مية جارية فى الترع
كلمة وطن كانت زمان كانت أمان كانت سكن
كانت مشاعر فى الشوارع فى الغيطان بين الجيران
كانت سواعد فى النهار بتضم بالحب العيدان
كانت عيون سهرانة صاحية ع الحدود رغم البعاد
كانت زغاريد الصبايا والبنات عند الفرح كانت أدان