اقتباس:
المشاركة الأصلية كتبت بواسطة Tarek Elemary
الخلق تاهت فى السكك ...
و أنا وسطهم تايه كمان
عينى على كل الطرق ...
ماهى خطوتى مالهاش مكان
و من الشمال زى اليمين ...
كل الطرق مافيهاش أمان
و الحيرة فى السكة رفيق
طول الطريق ..
غير اللجان
و الناس عنيها مغمضة ..
بينفسوا عن كبتهم بالفضفضة
و المضمضة ...
بكلام يعبر عن ألم
و عن المهانة و الهوان
و الناس يفرحها أمل ..
يادوب أمل
يستقووا بيه على المرض
و على الزمان
بس الأمل فى بلدنا دايما يتسرق
و العشق قلبه يتحرق
و إن يوم غرق
تنهش فى لحمة كل أنواع الحيتان
و إن يوم صبر عاللى حصل
بيبقى صبر بدون أمل ...
زى الجمل
مجبر على شيل الحمول
و الصبر ده طبع الإبل
و البال طويل
لحد لما يفيض بدال الكيل
فى عمره ألف كيل
ينفض بكل الهمة
من فوق الكتاف
حمل الهوان
و الأصل و المعدن يبان
و مدد يا صوت الشعب
يا لحن الخلود
مدد يا ناس …
يا معجونين بالطين
من الأرض الولود
آن الأوان
فينك بقى
يا حلم أحلام الصبايا
الفلاحات و العاملات
حتى بنات الجامعات
حتى البغايا
فينك بقى
يا زينة الجدعان
يا أسمر م الشقى
إظهر بقى
كل البلد تنده عليك
كل البنات حالفة ما تفرد شعرها
إلا فى يوم الملتقى
حتى عصافير الشجر
نسيت نشيد الشقشقة
إظهر بقى ... فوق الحصان
صدقنى كل الناس
بتصرخ فى الفضا ...
بعد الزمان اللى إنقضى ... آن الأوان
يا رب يا رب القضا ... إئذن بقى
إنه يكون آن الأوان
|
اخى و صديقى الشاعر الجميل طارق
القصيدة تقراك ؛ والله من اجمل ما كتبت ؛ومن جل ما قرات ؛ ارى صدقك فيها ؛ واراها خرجت محمومه كالبركان
فانت كما عرفتك ؛ من قصائدك لا تمل ؛ و لا تكل ؛ ودوما ما فقدت الامل ؛ لكن اراك تصرخ صادقا ؛فانت دم و لحم
داخلك حلم تنتظره فطال ؛ ولكى يخرج من رحم هذا العالم ما تنتظره ؛لابد ان يكون هذا العالم على قدر استقبال هذا الضيف ؛والذى اراه عزيزا...
حلمك حلم الجميع ؛ لذا فقصيدتك تكاد تنطق بما فى صدور الناس ؛ (خاصة مع هذا الحر الشديد)
اى لفظة زهق
رد: آن الأوان
العرض الشجري