شجرة الدوم ..... أنس البن

**NAHID 76** · #1 06/07/2009, 09h57

بسم الله الرحمن الرحيم
خالى سعد
تحياتى وأحترامى للموهوبين بالفطره

**عفاف سليمان** · #2 06/07/2009, 10h24

انا قلت عارف قدر ربّى ومؤمن بيه
لكن فراق الاحبّه مرّ حاسس بيه
والصوره زكرى بتتكرّر بحكم القدر
واللى بينفع بشر لازم يخافوا عليه
,,,,,,
اللوحة عزّة علينا والقزاز مكسور
والدمعه جفّه ف عنيـنا والفؤاد محسور
والفرقه صعبه علينا بس نعمل ايه
واليوم لابد نلاقيه وعلى الجميع ح يدور
,,,,,
ياشجرة الدوم انا واخدك لرمز حبيب
مهما اختفيتى فى قلبى الصوره ما بتغيب
لكن امل وانزرع فى القلب جوايه
(دومى ) معايه ومكتوبنا قدر ونصيب
اقول انا بعد الكلام ده ايه
يا عم سعد الشرقاوى
الله يسعد ايامك وايامى
وايام الجميع
وبجد سعدت بوجودى معاكم
اشوف واسمع موالكم وغناكم
الله يديم ع الجميع المحبه
ويرحم شجره الدوم
اللى لها معانى كتير بالكوم
تحياتى للجميع
اختكم عفاف

**abuzahda** · #3 07/07/2009, 01h27

مرسوم فى عيننّا صور عاشت لكل الناس
نحتها حكم القدر بمرارة الاحساس
منقوشة فى القلب ظللها قمر غارب
بروازها شارب حنين الحب والاخلاص
,,,,,
الصورة جمعت احبّه م الرّياح ماشيـين
بيلوّحوا بالوداع فى ايديهم النياشين
جرّين وراهم تاريخ بالخير سنين فاتو
ويوم ما ماتوا لقيتهم فى القلوب عايشين

عمّي سعد

ممكن سؤال :

ويوم ما ماتوا لقيتهم فى القلوب عايشين

جبتها منين الصورة دي؟

أقصد يعني ، كنت عامل وِرْدْ مُعـَيَّن قبلها له علاقة بالفتوح ؟

يا عمّي ، و الله ، إنت زي ما قلتلك من كام جمعة فاتو :

أرغول حاضن ربابة