فكر تاني

**علاء طه ياسين** · #1 30/06/2009, 14h08

...
ما تعودتش إنك تنسي
قلبي المحتاج منك همسة
همسة تصحي عيون الحب
همسة تخلي القلب يعيش

...
أحلامك كانت أحلامي
وكلامك كان نفس كلامي
فـ متبآاش إنت وأيامي
علي قلبي ولا ترحمونيش

...
شيء في كلامك سبق الهمس
رعشة قلبي بتلمسه لمس
خدني معاه لحدود الشمس
وَاسْتناك تيجي ومتجيش

...
فكّر تاني وتاني وتاني
قبل ما تبعد أو تنساني
ويضيع حب سنين في ثواني
والحدوتة تبقي مفيش

...

علاء ياسين

**NAHID 76** · #2 30/06/2009, 14h28

بسم الله الرحمن الرحيم
الشاعر الغنائى علاء يا سين
فكر تانى وتانى وتنانى
انك تكتب على طول على هذا المستوى من كلمات الأغانى
وياريت وبجد تسوق هذه الكلمات
اليوم الاغنيه جميله جدا تضاف لمحاسنك الكثيره
بس لفت نظر من وجهه نظرى
أنت بتكتب بالعاميه فقلت
ومتبقاش أنت وأيامى
علي قلبى ولا ترحمونيش
أعتقد ان حرف القاف اثقل الكلمه على الأذن
ويمكن أن تكون
ومتبأش أنت وأيامى علي قلبى ولا ترحمونيش
أما باقى الكلمات من وجهه نظرى البسيطه جميله جدا بها موسيقى خفيه سريعه الأيقاع قصيره الأسترسال

وطبعا محتاجين لأبو زهده وابو سالم وابو كمال
تحياتى

**علاء طه ياسين** · #3 30/06/2009, 17h53

المدهشة الحضور
مدام ناهد
....
يعني بعد كلامك الحلو ده فكرك انا أقدر أتكلم
انا لما بالاقي رد لحضرتك علي موضوعي
باحس إني فعلا أجدت ف اختيار كلمات النص بتاعي
.....

مش عارف كيف أشكرك
مش عندي غير كلمات بسيطة
اقبليها مني

انتي نسمة ليل رقيقة
جاية من وسط الغيطان
انتي غنوة شوق بريئة
كلها حب وحنان
أشكرك شكرا جزيل
يا ندي الفجر الجميل
يا ابتسامات النخيل
يا قمر مكسوف يبان

.....

أما بالنسبة لكلمة (فـ متبقيش) مكتوبة بلهجتي الصعيدية
مش عندنا (متبأيش)
وعلشان خاطرك تم تغييرها

.......

علاء

**حمدي السمر** · #4 30/06/2009, 21h19

استاذي القدير ... علا يا سين ...
اقبل مني هذه ...مع كل الحب

فكر تاني وتالت وعاشر
يا الكلماتك احلي مناظر
نحن وراك خلينا نباصر
سكة تعدي بينا وتمشي
وللاحــلام الفينا تشاطر

نباصر * = نتحسس

**عفاف سليمان** · #5 01/07/2009, 08h24

اخى الاستاذ علاء
بعد صباح الخير على حضرتك وعلى جميع اهل ومواطنى سماعى الجميل
هذه الكلمات لا ينقصها الا اللحن الذى يبرز جمالها ومعالمها والصوت الذى يغنى بها
اتمنى ان نرى مزيدا من الكلمات الشعريه والغنائيه والقصائديه
لك خالص التحيه والتقدير وللجميع اوقات سعيده
اختكم عفاف

**علاء طه ياسين** · #6 01/07/2009, 11h06

الشقيق حمدي السمر

أنا أحب المساجلات الشعرية ..
وأتشرف جدا بمن يكتب شعرا في مواضيعي
كن دائما هكذا ..

أشكرك جدا جدا
وتمنياتي الطيبة لك

واريد أن أري موضوعا لك قريبا ..
فلا تتوقف عن الكتابة

ياسين

**علاء طه ياسين** · #7 01/07/2009, 11h11

أختي الرائعة /
عفاف سليمان

شكرا علي هذا الاطراء لكلماتي ..
التي يوم كتبتها ندمت علي كتابتها ..
ففيها انكسار لمن لا يستحق أن أنكسر لها ..

بس مهما نقول ونحكي
والعيون تحتار وتبكي
الزمان كتب النهاية
واتنسينا من سنين

تحياتي ليكي
وشكرا
ياسين

**سعدالشرقاوى** · #8 01/07/2009, 14h43

أحلامك كانت أحلامي
وكلامك كان نفس كلامي
فـ متبآاش إنت وأيامي
علي قلبي ولا ترحمونيش
شقيقى/علاء طه
احسنت يامبدع
اناشايفك مرسوم قدّامى
وملامحك واضحه ف احلامى
وبنادى من كتر هيامى
على صورتك مابتسمعنيش
عايزك

**Tarek Elemary** · #9 01/07/2009, 15h03

قولٌ على قول:
=======

ربنا عالم باللى ف قلبى

مش هاندارى و لا هانخبى

كنت هوايا و يعلم ربى

غيرك فى الدنيادى ماليش

***

إتعلمت القسوة يا قاسى

و بقيت تملا حياتى مآسى

و لَّا هواك مش قد مقاسى؟

خلاك ناسى و نظرك شيش

***

مش نادمان على حبك أبداً

و لا يوم هابكى عليك ولا أحزن

قصة و فشلت يمكن أحسن

إن خسارتى جات فى الريش

**علاء طه ياسين** · #10 01/07/2009, 15h32

علي تنويعات أستاذنا وأخونا الكبير طارق العمري ..
وتوأمي وشقيق روحي سعد الشرقاوي ..
وبعد شكرهم طبعا بتشريفهم موضوعي ..

كنت بحس بدقة قلبك
لما خيالى يفوت من جنبك
كنت حقيقى بحس بحبك
مالي حيطان السما خرابيش

كنت هواكى وشئ جواكى
عايش أجمل عمر معاكى
لما تغيبي باستناكي
وباعيش ويا الهوا درويش

قلبى اتعود يدى حنان
علشان ياخد هو كمان
ما اتعودشى علي الحرمان
وانتي بتاخدي وْ مبتديش

ياسين