تمارين عملية لقراءة النوتة

**احمد سنايم** · #1 27/06/2009, 10h41

انت اللى ممتاز وهايل جدا يادكتور هشام واسئلتك ذى امتحانات التيرم ايام الكلية حضرتك فى الامتحان الاخير سئلتنى فى كل اللى شرحتة قبل كدة ياعنى اى حد عايز يجاوب على هذة الاسئلة لازم يرجع يذاكر كل اللى اتشرح من البداية للنهاية .
وعلى فكرة عمر تعبك ما يروح فشوش لان ناس كثير جدا ها تستفاد من علمك اللى مابخلتش بة واللى ها يظل فى المنتدى تتعلم منة اجيال واجيال ربنا يجعلة فى ميزان حسناتك وتستمر فى عطائك ربنا يوفقك ويوفقنا معاك وشكرا الف الف شكر

**وسام اكرم** · #2 27/06/2009, 11h32

الاخ العزيز د هشام المحترم
يامنت و حشني! ده مش عنوان اغنية لكن حقيقة التحية اللتي اريد ارسالها,, و من الغريب انها تنطبق مع اسم الاغنية!
ازيك و عامل ايه؟
انا سمعت التوزيع الجديد للاغنية و طبعا توزيع فريد و مدهش جدا. الغريب ان صوت الناي في التوزيع الجديد حل بطريقة رائعة جدا صوت البيانوا الكهربائي في المعزوفة الاصلية, و التيجه هايلة بكل معنى الكلمة. انا مش عارف الملحنين و الموزعين في الزمان ده مايرجعوش شوية للوراء علشان يهذبوا الالحان الغريبة الي نسمعها اليومين دول.
انا اشكرك جدا على تعبك معايا و انشاء الله نبقى على اتصال مع معزوفات اخرى انشاء الله
المخلص
وسام...................

**Hisham Khala** · #3 20/07/2009, 17h17

بناءاً على سؤال للأخ العزيز حسن عبد العليم
سأرفع توزيع للحن شهير (مبتذل) و لكن التوزيع غير الدنيا و سأرفع لاحقاً النوتة و في هذا اللحن قمت بتوليد جمل موسيقية جديدة من التيمة الأساسية و عمل حوار بين الالات .... المهم لما أرفع النوتة ممكن الاستفادة أكثر لمعرفة كيفية توليد جمل جديدة

**ABDOU81** · #4 27/07/2009, 03h24

نشكرك أيها الطبيب الكبير والفنان الكبير

**Hisham Khala** · #5 28/07/2009, 14h59

اقتباس:

المشاركة الأصلية كتبت بواسطة ABDOU81

نشكرك أيها الطبيب الكبير والفنان الكبير

العفو يا أخ عبده و لنا لقاء قريب مع تمرين جديد.

**Hisham Khala** · #6 16/08/2009, 10h17

بناء على طلب الأخ العزيز أحمد سنايم أرفع لحن "أستغفرك ربي" كموسيقي و سأقوم بالتعليق على بعض الاجزاء قريباً.

**احمد سنايم** · #7 16/08/2009, 12h27

الف شكر يا دكتور هشام بجد عمل اوبرالى رائع جدا . حضرتك غيبت علينا كثير جدا فين دروس الهارمونى ربنا يوفقك ويوفقنا معاك كل عام وانت بالف خير وصحة وسعادة وشكرا الف الف شكر

**المبتدئ** · #8 18/08/2009, 05h03

مجهود رائع د . هشام
شكرا جزيلا لكما

**Hisham Khala** · #9 24/08/2009, 04h02

الثلاثيات
Triplets
Triolets

الثلاثيات هو عزف 3 علامات زمنية في زمن أثنان منهم و يوضع فوقهم قوس مكتوب عليه 3

فإذا كانت 3 بلانش يوضع فوقهم قوس و يكتب عليه 3 و تعزف الثلاث بلانش في زمن 2 بلانش.
و إذا كانوا 3 نوار يوضع فوقهم قوس و يكتب عليه 3 و يعزفوا في زمن 2 نوار.
و إذا كانوا 3 كروش يوضع فوقهم قوس و يكتب عليه 3 و يعزفوا في زمن 2 2 كروش.
و إذا كانوا 3 دوبل كروش يوضع فوقهم قوس و يكتب عليه 3 و يعزفوا في زمن 2 دوبل كروش.

يلاحظ أن تقسيم الزمن ثنائياً مثل 2 كروش يكون إيقاعياً مثل كلمة ماما - بابا - ليلي .....

بيمنا تقسيم الزمن ثلاثياً Triplets يكون إيقاعياً مثل كلمة: زرع - حصد - بصل - وزن ......
أنظر النوتة المرفقة و الملف الصوتي.

**احمد سنايم** · #10 24/08/2009, 04h59

مرحب يا دكتور هشام واحشنى جدا جدا يا ترى دا اول رمضان تصومة فى ماليزيا ولا كان فية رمضانات قبل كدة كل سنة وانت بالف خير وصحة وسعادة وكل العيون اللى ما بتشفش تطيب على ايديك . جميل جدا درس التريولية والى اللقاء فى دروس الهارمونى شكرا الف الف شكر