غناوي .. وشوق .. وحكايات

[علاء طه ياسين]

ياقلبي يا مليان هوي وتنهيدات
وشايل غناوي وشوق وحكايات
وست البنات الرقيقة .. بعيدة
وبرضك غاويها لحد الممات

يا قلبي اللي فالت عياره وطايش
عشانها انت عايش وبيها انت عايش
وتغزل لها الشمس دبلة وغوايش
ولكن لقاها من الممنوعات

يا قلبي ودايما طريقك طويل
تغامر وتمشي بدون الدليل
وترجع قتيل الهوي المستحيل
ودمّك يغرق جميع الجهات

يا قلبي الخجول البريء الحنون
بتسرح وتحلم ف لحظة جنون
وتمضي حياتك ف غربة وظنون
وآهه بتسحب وراها آهات

يا قلبي اللي دايما بتنـزف وجودك
وترسم ملامح جديدة لحدودك
وضحكة وطلة بتهدم سدودك
ورقة مشاعرك بتنطق سكات

بتعطش لغيرك ومنتش أناني
وتنسي مكانك وتنسي مكاني
أجيبك ولكن تتوه مني تاني
مابين حلم واقف .. وبين حلم فات

يا قلبي يا مليان هوي وتنهيدات
وشايل غناوي وشوق وحكايات
وست البنات الرقيقة .. بعيدة
وبرضك غاويها لحد الممات

علاء ياسين

[سعدالشرقاوى]

الاستاذ/علاء
هيّا دى اللى كانت عايزه المصارعه
فينك يامراغى
تقطيعه متلحنه لوحدها
لى معها عوده
يا قلبي ودايما طريقك طويل
تغامر وتمشي بدون الدليل
وترجع قتيل الهوي المستحيل
ودمّك يغرق جميع الجهات

يا قلبي الخجول البريء الحنون
بتسرح وتحلم ف لحظة جنون
وتمضي حياتك ف غربة وظنون
وآهه بتسحب وراها آهات

يا قلبي اللي دايما بتزف وجودك
وترسم ملامح جديدة لحدودك
وضحكة وطلة بتهدم سدودك
ورقة مشاعرك بتنطق سكات
ايه العظمه دى
خليتنا نحب السكنى فى الوجه القبلى
يافنان تسلم يابوياسين

[علاء طه ياسين]

توأمي
وشقيقي
سعد الشرقاوي

بجد بجد وحشني محمد المراغي
ربنا يرجع لينا بالسلامة

مستني مشاركتك علي موضوعي
ونرجع زي زمان
نتصارع ونطلع أحلي الكلام

والصعيد يدعوك في أي وقت تشاء

علاء ياسين

[عفاف سليمان]

اخى الاستاذ علاء ياسين
كلماتك كل يوم من جميل الى اجمل
ورقة احساسك تؤثرنى بالفرحه
ما اجمل هذه النغمات
كلمات ملحنه نفسها وعبارات رقيقه من رقيق
فانت فدائى لحبك
فتحيا للمحب وتفديه بقلبك
تحياتى لاحساسك الجميل
والينا مزيدا من الابداعات الرقيقه
لك وللجميع خالص تحياتى
اختكم عفاف

[علاء طه ياسين]

الأخت الرقيقة /
عفاف سليمان

كلنا فدائي في ميدان الحب ..
وكلنا يمتلك أحاسيسًا راقية ..
ولكن ؟؟
كيف نعبر عن هذه الأحاسيس ..
ولمن هذه المشاعر ..
هذا هو السؤال ؟؟
و

الهوي أجمل هواية
دا الكتابة والقراية
والغناوي رايحة جاية
وانتي أحلي من زمان
...
باسهر الليل الملاوع
وانا فيكي يا حلوة طامع
نفسي قلبك يوم يطاوع
لما اخبَّط علي البيبان
...
باشغي من تحتي لفوقي
واغزل الأحلام بشوقي
حب طايش بين عروقي
جاني من بعد الأوان
...
أفوتك بعافية

علاء ياسين

[علاء طه ياسين]

الفنان المبدع / أبو صلاح

إن كانت كلمات ..
جددت فيك ما كنت تظنه التأم ..
وقتلتك ..
فأنا قتيل من زمن ..
لنا الله يا أخي ..
...

بس فيه سؤال ..

...

يا هل ترا ف عمري اللي جيْ
راح يتولد ف العتمة ضيْ
والحلم راح يرجعلي حيْ
ولا معدليش أمنيات ..


علاء