مانكرشى

[Tarek Elemary]

مانكرشى

صحيح باهواكى مانكرشى

و أبيع العمر علشانك

لكن نفسى مابتهونشى

و أعيش أستنى إحسانك

أسامحك آه

لكن قلبى ما يقدرشى

يكون مش مَلْوْ أحضانك

و مهما هواكى كان برضه

ما باقبلشى ....

.... يكون حبى

خبر فى طى كتمانك

***

أنا قلبى يعيش مكسور

يعيش مجروح لكن فى النور

و لا يقبل يكون فى نعيم

لكن مسجون و حواليه سور

دا قوت الحب حرية و عفوية

و لا ينفع يكون فى الحب عبودية

و حتى الطير ما يبقاش طير

و لو بيته قفص بنور

بيهرب منه مهما يكون

و يبنى من الحطب عشه

فى حضن النور

***

و لو مرة الفؤاد ميل

و ليل شعرك عليه ليل

ما عمره يوم هايتخيل

يكون حبك و حبى زور

و أنا الترياق لحرمانك

[رائد عبد السلام]

المشاركة الأصلية كتبت بواسطة Tarek Elemary

أنا قلبى يعيش مكسور

يعيش مجروح لكن فى النور

و لا يقبل يكون فى نعيم

لكن مسجون و حواليه سور

دا قوت الحب حرية و عفوية

و لا ينفع يكون فى الحب عبودية

و حتى الطير ما يبقاش طير

و لو بيته قفص بنور

بيهرب منه مهما يكون

و يبنى من الحطب عشه

فى حضن النور

***

و لو مرة الفؤاد ميل

و ليل شعرك عليه ليل

ما عمره يوم هايتخيل

يكون حبك و حبى زور

و أنا الترياق لحرمانك

ياسلام .....ياسلام

خيالات جديدة ...ومفردات جديدة

وصياغة فريدة

الله ينور يا طارق الجمال

[Tarek Elemary]

المشاركة الأصلية كتبت بواسطة رائد عبد السلام

ياسلام .....ياسلام

خيالات جديدة ...ومفردات جديدة

وصياغة فريدة

الله ينور يا طارق الجمال

الله يكرمك يا صديقى الجميل
بس ده من فرط المعاناة فى الواقع
أخوك قرب يجنح لرأى القائلين أن الزواج
مقبرة المشاعر الفياضة و الحب المشعوط حقا
كنت فين رايح فين جى آمته هانعمل ايه
***
و كله يهون عشان أجمل عيون فى الكون
لكين مش عيب تعبر يوم عن المكنون
ما أصل الحب مش فيزيا ماليهش قانون
ولوضحكت فى يوم لعنيك شفايفها فكله يهون