عبد الناصر مات

**رائد عبد السلام** · #1 08/06/2009, 15h38

اقتباس:

المشاركة الأصلية كتبت بواسطة سعدالشرقاوى

ومات جمال عبدالناصر

ابكى ياطــــــــــير السما كتـّر من الآهات
وارسم لفرخك صورمرسومه ع الجنهات
واطفى يانيل الاسى للارض لمّا اشــتكت
حتى السواقى بكت يوم الزعـــيم ما مات
,,,,,,,,,,
زهزهت الدنيا واحلوّت
ويّاكى يامصر
وانا تحت التوته وباتوضىّ
لصلاة العصر
,,,
وختمت صلاتى وفيه رعشه
بتهزّنى هزّ
لو روحنا تنفـّـد مكتوبنا
ماكانت تـنعـزّ
,,,
ورجعت المغرب من غيطى
مش عارف ليه
مخطوف القلب ومتّاخد
خايف من ايه
,,,
ماقدرش اتعشىّ وانا حاسس
فى دماغى بدق
فيه حاجه غريبه ف احساسى
لو جيت للحق
,,,
وفتحت الراديو اسمع نشره
وغنوة احرار
آهى كات بتريّح اعصابى
وبتطفىّ النار
,,,
فى الراديو ما فيش غير المقرئ
بآيات الله
قرآن وخلاص اىّ محطّه
الصوت هوّاه
,,,
حسّيت وكانّ اكيد حاجه
مداريها الغيب
يالطيف بعبادك ترحمنا
ياسميع يا مجيب
,,,
ساعتين وتلاته وانا ف حاله
والقلب حزين
وسمعت اخيرا صوت (انور)
بيقول عن مين
,,,
بيقول الغالى جمال ودّع
وفارقنا ومات
ولقيتنى ساعتها ف دوّامه
ويّا الاموات
,,,
بقى يعنى يارب بتستكتر
على مصر جمال
سبحانك صاحب ملكوتك
والدنيا زوال
,,,
على جسر الترعه لقيت لمّه
كلهّا نسوان
وكانّ بلدنا كانت تايهه
من غير عنوان
,,,
كات عمّتى خضره بتعدّد
وتقول موّال
خايفين ع الارض لاياخدوها
بعدك ياجمال
,,,
حتىّ الاطفال كانو بيبكوا
مش عارف ليه
ولمحت الصوره المرسومه
على ربع جنيه
,,,
ورايت فى منامى راجل اسود
خد منىّ عيالى
كان ويّاه واحد بيهدّوا
فى السدّ العالى
,,,
دا جمال كان عايش علشانّا
بالناس مهموم
من يوم الثوره لدلوقتى
مارتاح ولا يوم
,,,
حسيت وكانى بقيت فعلا
من بعده يتيم
دا جمال انقذنى وشال راسى
بعد التلطيم
,,,
وفضلت اعدّ ف حسناته
على كل الناس
حسنات لو عايز اكتبها
ولا ميت كرّاس
,,,
ارتاح ياجمال واحنا نكمّل
بقيت المشوار
افكارك عايشه ف افكارنا
ليل ويّا نهار
,,,
وإلي لقاء لمواصلة(حكايات تحت التوته)

مع تحياتى/سعدالشرقاوى

رسمت بريشة

الشاعر الفنان/ رائدعبدالسلام

تسلم إيدك ياعم سعد

قصيدة جميلة ومحسوسة

علي فكرة ياعم سعد لمّا عبد الناصر مات
كنت أنا صغير جداً لكن من كلام المعاصرين له ...
كانوا بيحبوه ..والمحبة من الله
وقصيدتك دليل علي افتتان الناس
بعبد الناصر
ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

تسلم إيدك

**صلاح السويفي** · #2 08/06/2009, 15h45

اقتباس:

المشاركة الأصلية كتبت بواسطة رائد عبد السلام

ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

معلش ياغالي..لاأعارضك والله..ولاأبخس الرجل حقه

ولكن عبد الناصر جاء في الزمن الصعب بجميع المقاييس

لم يجد سوى الأظافر ينحت بها صخر الجبال..

فلقد كان عبد الناصر :

جندي المقدمة ..في كتيبة رؤساء مصر..

**Tarek Elemary** · #3 08/06/2009, 15h47

اقتباس:

المشاركة الأصلية كتبت بواسطة رائد عبد السلام

تسلم إيدك ياعم سعد

قصيدة جميلة ومحسوسة

علي فكرة ياعم سعد لمّا عبد الناصر مات
كنت أنا صغير جداً لكن من كلام المعاصرين له ...
كانوا بيحبوه ..والمحبة من الله
وقصيدتك دليل علي افتتان الناس
بعبد الناصر
ومع إن السادات -الله يرحمه -قدّم لمصر عشر أضعاف
ما قدّمه عبد الناصر ..إلا أن الناس لا تحبه بنفس القدر

تسلم إيدك

الله عليك يا رائد
نكاد نتطابق لولا موهبتك
و حكمتك و ما حباك الله به من
لمسة حنو و قدرة على تطبيب الناس

نحن من مدرسة فكرية واحدة
و نحترم كل من يختلف معنا
مش كده ولا أيييييييه
الله يرحم فؤاد المهندس
كلمتين و بس

**رائد عبد السلام** · #4 08/06/2009, 15h54

اقتباس:

المشاركة الأصلية كتبت بواسطة Tarek Elemary

نحن من مدرسة فكرية واحدة
و نحترم كل من يختلف معنا
مش كده ولا أيييييييه
الله يرحم فؤاد المهندس
كلمتين و بس

كده ونص يا طارق
أيها الصديق الروحي الجميل
شكلاً وموضوعاً

**سعدالشرقاوى** · #5 08/06/2009, 16h38

اختنا الفاضله الاستاذه/عفاف
كلنا لم يعاصر عبدالناصربوعى كامل
لكنه التاريخ الذى يحرّك فينا عزّة النفس عقب اى مواقف
للزعامة
ولعلّ النابش لمثل هذا العمل
مالمسناه فى جامعة القاهره منذ ايام
حيث انبهار الشباب باحد الزعماء
وربّما لايعى الكثير ان مصرنا الغالية
هى مفرخة الزعماء على مرّ العصور
واحدهم الزعيم الراحل جمال عبدالناصر
امّا عن اختيار الموضوع نفسه
ا(الله يجازى اللى كان السبب)

**سعدالشرقاوى** · #6 08/06/2009, 16h43

ااستاذى الفاضل/يوسف ابوسالم
ستاذى الموقر/لاشك اننا لم نتعايش
واعمارنا مع شخصية عبدالناصر
مثل سيادتكم امدّالله لنا فى عمركم
وان كنّا حصدناها
وبمروركم الكريم زاد تشوقنا
الى فتح هذا الملف من خلال قلمكم
حتى لايهمل من زاكرة التاريخ
فهو جزء منه
جزاكم الله كل الخير استاذنا الفاضل

**سعدالشرقاوى** · #7 08/06/2009, 17h24

استاذى الفاضل/طارق العمرى
الغيور على عروبته,,
المتفانى فى حب وطنه,,
الذى يعلمنا قواعد الانتماءفى كل اشعاره,,
بل واصبحنا نستمد من افكاره الهاماتنا الشعريه
ليس الا ان نلقى الضوء على زمن عبدالناصر
وامكانياته المتواضعه وموقف البنك الدولى
من بناء السد العالى
وصغرحجم الوله فى نظرة العالم
دمت لنا مرشدا معلما,,

**سعدالشرقاوى** · #8 08/06/2009, 17h26

الاستاذالفاضل/دحسن
لك كل التحية والاحترام
شاكرا ما زينتم به صفحتنا بتشريفكم
وصفحة الزعيم عبدالناصر بما اضفتموه
لتسلطوا اضواءكم الجميله
على الزعماء الفقراء من افرازات
مصرنا الحبيبه امثال عبدالناصر
ليحتزى الشباب ويرفع قامته مفتخرا بتاريخه
فى بلد العزّة والكرامه (مصر)

**علاء طه ياسين** · #9 08/06/2009, 17h27

أخي الذي لم تلده أمي سعد الشرقاوي كم أنت مبدع ..
مشاركتي معك علي عجالة لأنك تعلم ظروفي .. فاعذرني يا أبو محمد ..

يا حبيبي كلامك عاطر
دايما يجبر بالخاطر
بتغني لعبد الناصر
وتهز الشوق بحماس

كان شايف مصر صبية
بتدَّور ع الحرية
الاستعمار والملكية
هدوها وهدوا الناس

كان ظلم ملهش علاج
ساري عسكر لابس تاج
ماسك دايما كرباج
ماشي يعد الأنفاس

كان لازم تحصل ثورة
ترسم أحلامنا لبكره
وبلادنا تصبح حرة
متكونشي لغيرنا مداس

وجمال قاد الثوار
وبقينا من الأحرار
وطردنا الاستعمار
وعلي الله نروح الكاس
( طبعا أقصد كاس العالم بعد الخيبة التقيلة وهزيمة مصر أمام الجزائر 3-1 )

علاء

**سعدالشرقاوى** · #10 08/06/2009, 23h40

استاذى الجليل/صلاح السويفى
جزاكم الله خيرا
لما اضفتم لنا عرفانا بالزعيم عبد الناصر
فهو الذى شهدت له زعماء العالم
(عبدالناصر لم يعرف فقط بالثورة المصرية
او النهضة التاريخية لشعبها00
بل سيبقى ابدا على الدوام رمزا لبعث الامة
العربية كلها وللنضال من اجل كرامتها وتحريرها)
( هوارى بومدين)
( رئيس جمهورية الجزائر)

(ان العالم خسر زعيما بارزا خدم باخلاص وبلا كلل
قضايا بلاده والعالم العربى ان وفاته خساره مفجعه)
( ريتشارد نيكسون)