إشتهاءات - الصفحة 8

**صلاح السويفي** · #71 31/05/2009, 12h25

من بين احتفالية سماعي بذكرى أم كلثوم
بدت لي بعض من درر امبراطور الكلمة ..
فنقلتها...وإن كانت مكررة أرجو حذف المشاركة..

**abuzahda** · #72 05/06/2009, 12h50

مَجَرِّة وَجدِنا مالها
مواسِم تِحتِسِب أرصاد

لِنِجمَك ، يـِنـْجـِذِب مِيلها
و لا نِحسِب لِمِيلـُه مْعاد

ياعَمْ دِي كِلمة ، ما تقولها
و تِعدِل بيها ما قـَدْ مَاد

"يارادَ الناس" ، بَرَتـِّلها
مابين الذِكر و الأوراد

عسَى ربّي يسَهِلها
و طـُول البُعد ما ينعاد

.

**يحيى زكي** · #73 05/06/2009, 19h16

امين.....امين يارب العباد
ولا يزيد البعاد ولاينعاد

**صلاح السويفي** · #74 06/06/2009, 03h17

تمام ياريس أبو زهدة

قول كمــــــان..لكمـــــال...

**رائد عبد السلام** · #75 06/06/2009, 04h35

مبذول ...طعام الرصيف
في كل وقت ح تشتهيه ... تلاقيه
من كـُتره ممكن البعيد ...يغرق
بس اللقمة الحلال
زي الشربة الزلال
عزيزة ...أصل العسل
ده لو كِتِر ....نِشرَق
-----
بس مش أوي كده برضه ياعمي كمال
حبايبك ....جاعوا .....وعطشوا

وجالهم .....وجد
ولسه علي الـــــعهد ...
يمكن ينولوا الـــــــوعد

*****