إعلانات زمان

**EHAB55555** · #1 02/06/2009, 13h57

حقيقة لااجد مااعبر به عن موقعكم الرائع انتم رجعتونا لايام زمان وانا من عشاق الراديو وخصوصافى رشهر رمضان بس ياريت اغنية برنامج قبل المدرسة اسمها فونتاستيكا كانت بتيجى الصبح ارجوكم نزلوها واشكركم جزيل الشكر

**محمد فهمي** · #2 02/06/2009, 19h06

والله اعلانات هايلة فكرتونا بالذي مضي
اشكركم من كل قلبي

وبالفعل اعلان ريري من تاليف صلاح جاهين والحان سيد مكاوي وتوزيع شعبان ابو السعد
وعلي ما اظن عام 1979 او ما شبه ذلك

**samehbad** · #3 13/08/2009, 08h20

السلام عليكم
موضوع رائع رائع رائع
ياترى فى حد يفتكر إعلان سيجال عن بطلة الإعلان اللى كانت اسمها (نرجس) وكان كل حاجة فى بيتها من سيجال
وشكرًا على الدرر والنوادر القديمة الأكثر من رائعة

**mahmoudbek80** · #4 09/09/2009, 16h10

الى لحن ونفذ اعلان ريرى عبد الرحمن المصرى وليس سيد مكاوى و هو الى لحن اعلان المحظوظ
وبالمناسبة انا ابن عبد الرحمن المصرى و حضرت تسجيل اعلان ريرى فى استوديو 46 بالتليفزيون
و ارجو من الاخوة القاثمين على الموقع اضافة هذا الرد عشان مجهود الناس الى رحلوا و سابونا مايرحش هدر
يا جماعة عبد الرحمن المصرى اول من فكر فى عمل اعلان غناءى فى الشرق الاوسط و كان اسمو رابسو و بيقول
هدومى وسخة من يومين اودى وشى مالناس فين 000 كان نفسى يكون عندى الحاجات دى عشان ارفعها عالنت انا اسف ومن اعمالة محمد سعد شعار معروف- يابهية قولى لبوكى- شهادات الاستثمار(3بطات)-خمس حروف يتاقلو بمال(سيجال) عبد الهادى الحلوانى- صيدناوى شملا الطرابيشى-الليمنتا - كيلوباترا وغيرهم كتير
محمود عبد الرحمن المصرى

**رائد عبد السلام** · #5 27/09/2009, 13h56

اللى لحن ونفذ إعلان ريرى عبد الرحمن المصرى وليس سيد مكاوى و هو اللى لحن إعلان المحظوظ
وبالمناسبة انا ابن عبد الرحمن المصرى و حضرت تسجيل اعلان ريرى فى استوديو 46 بالتليفزيون
و ارجو من الاخوة القاثمين على الموقع اضافة هذا الرد عشان مجهود الناس الى رحلوا و سابونا مايرحش هدر
يا جماعة عبد الرحمن المصرى اول من فكر فى عمل اعلان غناءى فى الشرق الاوسط و كان اسمو رابسو و بيقول
هدومى وسخة من يومين اودى وشى م الناس فين
كان نفسى يكون عندى الحاجات دى عشان ارفعها عالنت انا اسف ومن اعمالة محمد سعد شعار معروف- يابهية قولى لبوكى- شهادات الاستثمار(3بطات)-خمس حروف يتاقلو بمال(سيجال) عبد الهادى الحلوانى- صيدناوى شملا الطرابيشى-الليمنتا - كيلوباترا وغيرهم كتير

محمود عبد الرحمن المصرى

شكراً علي التوضيح
أستاذ محمود

**أبو الشباب** · #6 20/12/2011, 10h21

خمس حروف يتاقلوا بمال من الحديد للدهب يا خال . السين سعادة وراحة بال.و اليه يا عينى عالجمال. يااااااااااااااااااااااااااااااااه الله يرحم الوالد يا أستاذ محمود زى ما أمتعنا ويا رب يكرم الناس اللى بتتعب وبتكلف نفسها علشان تسمعنا حاجات لم يدر بخلدى أننى سوف أستمتع بها مرة أخرى . بأكل عالجاهز يعنى. ربنا يكرمهم يا رب . د. عادل البربير. أبو الشباب

**ali sayed** · #7 17/03/2012, 18h14

نشكركم على الاعلانات الجميلة التى تذكرنا بالماضى الجميل ، ياريت بقى لو حد عنده اعلان ( لو رحتى الوحدة الصحية وسمعتى كلامى ياشلبية ) بتاع تنظيم الاسرة او اعلان الشعب عايز يتقدم لازم يحطم معلش واعلان دى زبالة ياجاهل ليونس شلبى وشكرا لكم مقدما.

**egmagdi** · #8 23/03/2012, 15h34

اساتذتنا الافاضل
ارجو من من لديه اعلان الميلامين للفنان العظيم عبد العزيز محمود يتفضل يرفعه ربنا يكرمه

**sherifzahran1** · #9 29/11/2012, 13h04

بدل الخبط على الببان والحوجه لأم فلان معايا الحق العجيب اللى يشفى كل عيان
بعته فى الهند بمائتين روبيه وفى امريكا بالف دولار
كرامة لأم هاشم راح ابيع الصفيحة بنصف فرنك
تحط منه اول يوم عنيك تحمر متخافش
تحط منه تانى يوم عنيك تسود ماتخافش
تحط منه تالت يوم تعمى ماتشوفش برضه ماتخافش
عمك شريف البهلوان عامل حسابه وصارف مع كل ازازة قطرة عكاز

**كريم الدين احمد** · #10 25/10/2009, 07h18

اسمحو لى بهذه المشاركة البسيطة فى هذا الموضوع الرائع
اعلان سجائر اسمها نفريتتى انتاج شركة النصر للدخان و السجائر
تاريخ الاعلان : 1970