عمي اسماعين(رقم2) - الصفحة 2

**NAHID 76** · #11 02/06/2009, 07h37

بسم الله الرحمن الرحيم
خالى سعد الشرقاوى
أنا مع الأستاذ علاء
نو كمنت الملعب ملعبك يا خال
سلمنا الامر ورفعنا الرايات
تحياتى

**د أنس البن** · #12 02/06/2009, 08h11

إيه يا اخوانا
ما تكلموا الراجل بالعربى
عم سعد جايب لكم كلام مندى بريحة نوار البرسيم
وف لون سنابل القمح الدهبى
وطعم الزبده الصابحه الفلاحى بتاعت زمااااااااااااااااااااااااااااااااان
تسلم ريشة قلمك البوص يا حاج سعد يا عتره

**سعدالشرقاوى** · #13 02/06/2009, 08h11

الاخت/ناهد
دانتو اللى خفّه واماره
وجمالكو نوّر فى الحاره
مليتوا شاشتى باساميكم
ولقيتنى مكتوب ع الفاره
لقد كتب علاء فابدع

**سعدالشرقاوى** · #14 02/06/2009, 08h19

استاذنا الفاضل
د/انس
لقد افتقدتك منذ مقدمة تحت التوته
فظننت ان القعده تحتها دون المستوى
النهار دا بس ح اكسّر حطب الرّاكيه
واجهّز عدّة القهوه واعيد جمع صحبتى
تحت التوته

**Tarek Elemary** · #15 02/06/2009, 08h24

أنا أحب الدرة المشوى

**عيون المها** · #16 02/06/2009, 08h25

الأستاذ الفاضل و شاعر الأرض الطيبة

((( سعد الشرقاوي )))

لي شرف متابعة معظم أعمالك هُنـا

و أجلت ردي لحين وضوح شخصية حضرتك في كتاباتك

فـ أنا تعودت عدم استعجال الرد لأرى ملامح الموهبة بتأني

و هُنـا وجدت شاعر يحمل بصمة مختلفة

شاعر ينقد السلبية بمنتهى السلاسة

ما يميز كتاباتك إن طعمها مصري

قرأت حكاية عم أمين

و تألمت لحاله و ما آل إليه

بسبب قوانين عقيمة تُطبق على الضغفاء فقط

و تابعت هنا حكاية عم إسماعيل

قرأت التفاصيل كأني أراها بمشهد مرئي أمامي

تخيلت زوجته و اندهاشها بما رأت

اقتباس:

امانه يــــاهل البـــــيت امانه
صونوا مصر فى الموضات
ياحســـــــــــين ياست زينب
دانتوا ليكم معجــــــــــزات

لكن هل وصل عم إسماعيل للحل

عندما انتبه لجهله و عزم على التعليم ؟

اقتباس:

قلت لو فى العمر يوم
لازم افهم فى الكتابه
وعرفت ان العلم نور
وهوّ دا سلاح الغلابه

أم وجد هنا الحل الذي يبحث عنه

اقتباس:

دا ف بلـدنا العـــفـّه غاليه
وفيها تعــــــدل كلّ مايله
والمديـــنه سيفها ماضى
عايزه فاضى وايده طايله

رائعة حكاياتك تحت التوتة يا أستاذ سعد

و في انتظار باقي الحكايات

لك كل تحياتي

**سعدالشرقاوى** · #17 02/06/2009, 08h39

اختنا الكريمه /عيون المها
اسعدنى هذا المرور العظيم
والذى ينقل صاحبه الى عمق الموضوع
ان مادهش الرجل وايضا زوجته
تم اكتشاف اسبابه مؤخرا
(الجهل بالقراءه وبالكتابه)
والفلاح من سلبيّته انه يؤمن بمقولة
(هوّ بعد ما شاب يودّوه الكتّاب)
فكيف وهى اول الاوامر الصادره
من السماءعلى رسول الله صلى الله
عليه وسلم(اقرا باسم ربك الذى خلق)
لك تحياتى وتقديرى

**سعدالشرقاوى** · #18 02/06/2009, 08h42

استاذ/طارق
انت اللى ح تقابل الضيوف
اعمل اللى انت عايزه
هيّا اساسا التوته على لحف غيطك

**مختار الحسانين** · #19 02/06/2009, 08h57

أنا حسيت أن القصيدة دى وحشتنى

قلت أقراها تانى الصبح النهاردة

يا أخوانا عايزين نحافظ على المواهب الجامدة دى

وان شاء الله فى محاولة عمل اى دوان باسم المنتدى لتجميع ما كتب فيه من اشعار أكون معكم فى المساهمة باى شئ .

أهم شئ فى هذا القسم من المنتدى أن لكل عضو طعم ولون وريحة مختلفة فى تصوره لأحداث الحياة ، اما نظرة الحاج سعيد فهى مختلفة لأنها تعصر لنا روح الريف المصرى الجميل وتظهره لنا فى شكل جميل وقريب إلى القلب .

وفكرة الشخصيات الريفية التى تحكى من خلال قصائدك فكرة جديدة وبديعة ، لأنها عبارة عن مونولوج وحوار رائع

**سعدالشرقاوى** · #20 02/06/2009, 09h46

اخى الاستاذ/مختارالحسانين
والله انا معك
فيما تفكر
وانت انسان محترم وزوّاق
وموهوب
وصاحب خلق رفيع
(سعد لك) ( سعيد بك)