بدايه السقوط سقوط

[عاشقة ام كلثوم]

المشاركة الأصلية كتبت بواسطة محمودسعد

كم هزني عنوان الموضوع

وكم هزني الموضوع نفسه وكم زلزل كياني كونك في الصف الثاني الاعدادي مثل ابنتي دينا تماما
كلامك خلاني احس ان القيامه قامت
لالالا
خلاني احس ان الاسياد قامت والهلافيت نامت
انت مثال حقيقي لبقاء الفن الصالح في قلوب جيل محترم قادم ليكنس كل هذه المخلفات
كلامك كلام بنت ناس ومتربيه
لكن للاسف الاهل بتربي والمدرسه بتفسد لان بيدرسلك وبالتعليم ايضا اصبح زي نجم الجيل والمدرس اللي يدرس لبنتي لو اتي الي سماعي فسيكتشف اهل سماعي ان اخطائك الاملائيه اقل منه
ربنا يخليكي لاهلك وللبلد دي اللي محتاجه جيل محترم في فكره وتفكيره
ومش ضروري تكون ام كلثوم بس هي اللي مثل وقدوه لالالا
فيه حاليا وموجودين مطربين ومطربات محترمات وللاسف الجيل الفاسد بفعل فاعل لايتقبل ولا يقبل ان يستمع لفن محترم
وعاوزك تطمني لان فيه زيك كتير بنات وبنين من سنك بيفكروا زيك وهم دول اللي هايعملوا ثوره تصحيح سمعيه حقيقيه
لقد حركتي مشاعر كبار رجال سماعي ياابنتي العزيزه وهنا في سماعي ستجدين صديقات واخوات واخوه لك من سنك ومحترمات جدا مثلك وايضا معك هنا امهات واباء يعرفون ماهو الفن الحقيقي وسيعلمونك مثلما علمونا
وارجومنك التواصل دائما والمشاركه دائما وسط ومع هذه الكوكبه من الفنانين وغير الفنانين هنا من اهل سماعي
واشكرك جدا وربنا يكتر من مثيلاتك كمان وكمان

يامؤدبه يامهذبه يامتربيه يابنت الناس الكويسه

انا متشكره جدا لكلام حضرتك الجميل وماما بابا بيشجعونى على اللى انا بحبه وشيفين ان حاجه كويسه انى بفكر كده وانى كبيره عن سنى لكن اللى بخلينى حسه انى مختلفه انى مفيش بنت قبلتها زى ابدا كلهم بيحبوا الجديد وبيمسكونى تريقه عليا وعلى اللى بحبه لكن كلام حضرتكم بيقولى انى صح وشكرا لكم