رد: أنا وليلى ورمضان المرسى والمذاكرة
مختار حبيبي
أدينا معاك .. ودي حكاية من حكاياتنا ..
كنا نعرف ولد اسمه حمودة .. شكله يعني مش ولابد وده مش اعتراض علي خلقة ربنا والله .. وكان فيه بنت اسمها سعدية بتموت فيه .. وف ليلة من الليالي اللي غاب فيها القمر .. يعني ليلة كحل .. وحمودة ده كان قاعد علي غرزة بره البلد .. بيلعب طاولة أو دمينو حاجة زي كده مع شله من اصحابه علي المشاريب أو علي فلوس قمار يعني .. وفجأة كبست الشرطة علي الغرزة .. أخدت حمودة واللي معاه .. عدوا يومين تلاته .. سعدية كانت هتتجنن .. كل يوم تسأل عليه .. لما أهلها عرفوا .. حبسوها في البيت .. وكانت مادة للتريقة .. وعلي لسان سعدية طبعا قولت شوية الشعر دول ...
حبيتك ليه يا منيل
يا قَمَرْتي يا رَدّْ سجون
حبيتك ليه يامدهول
الحب ده اصله جنون
فى الحب لامونى الناس
وانت ما عندك احساس
ودلقت دموعي ف كآس
وعصرت عليها لمون
حبيتك ليه يا واد إنت
يا اللي شبه الخنزير
وكتبت غناوي ف حبك
وأنا قاعدة جنب الزير
وساعات بأحلم وبأشوفك
كالجحش ف وسط حمير
وأفوق من نومي الاقيني
ضايعة بالكاف والنون
وللحديث بقية .. عن حمودة وسعدية ................
علاء ياسين
|
العرض الشجري