أنا شاعر بكتب عامية فلاح وبيجرى ف دمى الطين

[abuzahda]

هذه الأبيات من تأليفى

أنا شاعر



أنا شاعر بكتب عامية فلاح وبيجرى ف دمى الطين

وبحب الكلمة المصرية وبحب التونسى وعمى جاهين

وبحب الأرض المروية شجر الجميز وبنات ماشيين

صفصاف ع الترعة الفضية ستات وبتغسل ف المواعين


أنا شاعر وبحب بلادى وبحب كلام الأبنودى

فنان وكلامى كلام هادى والقمح مرعرع على عودى

مبقولشى كلام انسان عادى والشعر أكيد سر وجودى


أنا شاعر وطريقى قوافى وبحس بأى كلام يتقال

أبيات الشعر سكن دافى وموسيقى بترقص جوا خيال

شعر العامية على كتافى موزون على أيد واحد زجال

دِي زَجـْلـِة حمام ، يا عمّ مُختار الحسانين


أنا شُفت كـُلـُوب منوَّر هنا ، جيت جري ،

أتاري عمِّنا سمعجي ، قالك:

الله ينوَّر يا أستاذ مختار

و انا مش لاقي غِيرها كلام أقولـُه