حالنا

[أحمد محمد امين]

كل غلطة فى حق نفسى لما يغلطها الغريب تبقى عادى
عم جمعة قام شتمنى....جه خميس زعبب وهنى....راخ مخيمر بإديه ضربنى....
الإهانة أصبحت ظرف اعتيادى.
بين مشاعرى قاعد الخوف معشش....راح فى ضل الإستكانة نام وعشش....فوق غيطان الذل قولت أوشش....السعادة قال ايه من فؤادى.
حتى فى يوم الحزن قولت دارى.... حدد له الإقامة واحبسه جوة دارى....والقريب منى بوجعى ياريته دارى....وارسم الضحكة اكنى يعنى راضى.
النفاق اخترته يبقى لى مسار....أستلذ بالهجير من جوة نار....وافضل أغزل فى مديح لو كان لى جار....ذوقه زفت عشمان آخد مرادى.
نفسى أصرخ واحطم قيودى....أحرق التوب اللى مش قد عودى....وأنده على الجرأة ياريت يوم تعودى....وأشخط فى التخين حتى بتمادى.
بس الطريق هيصعب لغايتى....من غير مسايسة انا بكتب نهايتى....اسمحولى بورقة اسرد فيها حالتى....وأحفظ كلمتين لأترقى السنة دى.

[سعدالشرقاوى]

عمنا الاستاذ/احمد
من الشجاعه ان تجبن ساعه
وخاصة ان المثل قال دخان القريب بيعمى
ابحث لو اردت فو جوجلىعن عبارة
(حرف الدال=سعدالشرقاوى)