إلى أمي الحبيبة في عيدها من بلاد الاغتراب
إلى الحضن الذي أفتقده في غربتي
إلى التي علمتني حب الحياة
وزرعت وزينت قلبي بالمحبة
إلى أمي العظيمة في عيدها ...
وإلى كل أم في هذا الكون الكبير ....
طلّ الرّبيع وهلّ صبحيّه
حامل ورود الحبّ عيديّه
وجايي عا نسمةْ شوق مع آذار
يرنّْدِحْ صباح الخير غنيّة
***
من رونق الألوان في نوّار
بيتسابقوا عا بيتنا الأزهار
وعطر الورد بيبوح بالأسرار
وبتضحك الورده الجوريّه
***
إمي يا دفقة نور بعيوني
عيوني العادرب الخير دلّوني
يا ريت كلّ العمر بتكوني
حَبّات قلبي ونورْ عَينيي
***
كلّما الصّبح عرّبَشْ بأحلامي
وضوّا طريق العمرْ أيّامي
عَطفِْك يا إمّي نبعْ إلهامي
ودعوةْ صلاتِك عايشي فيّي
***
يا ما سْمعتْ بالليل نهداتِك
وياما غسلتيني بدمعاتِك
وياما عا وجّْ الصّبح آهاتِك
عطيِتْ صلاةْ الطّير قدسيّة
***
افضالكْ يا إمّي ما بينعدّو
هِنّي العمرْ جايين عا قدّو
الإنسانْ يا ألله كِيفْ بدّو
ينسى فْضَالْ عِلَيْهْ مسميي
***
إمّي يا تنهيده بإنشادي
يا فرحتي ويا بهجة عيادي
انشالله رضاكي يضلّ زوّادي
منّك إلي ومنّي لأولادي
وبقلهن هَوْ منكْ هديّه
ثناء البيطار - حيدر -
براغ
16.3.2006
همسة : هذه القصيدة تم غناؤها وتلحينها في مشتى الحلو - سوريا
بتاريخ 21.3.2006
رد: أمّي يا تنهيدة بإنشادي
العرض الشجري