يغني واحده من ( تقايله الخفيفه )
و اللحن لشيخنا مكاوي
و شوف بودانك ( كده هُه ! كده هُه ! كده هُه ! )
البيانولّا
أنا دبت و جــزمتى نعلهــا داب
من كتر التـدوير ع الأحـــــباب
يا سلملم لو أعتر فى حبيـــــب
دَ انا أرقص من كتر الإعجاب
كده هُه ! كده هُه ! كده هُه !
أنـا قلبى مـزيكـه بمفـاتيــح
من لمسـه يغنى لـك تفاريح
مع إنـى مـافـطرتش وجعان
و مـعـذب و مـتـيم و جريح
باتنطط واتعفرت واترقص
كده هُه ! كده هُه ! كده هُه !
بـيانولا و ألابـنّضـه و حــركـات
أطلعى بقى يا نصاص يا فرنكات
أنا عازمك يا حبيبــى لما ألاقيك
على فسحه فى جميــع الطرقات
نتنطط نتعفرت نترقص
كده هُه ! كده هُه ! كده هُه !
كده كده هُه
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ
شوف (( صلاح جاهين )) بودانك
العرض الشجري