منتدى سماعي يحتفل بعيد ميلاد موسيقار الأجيال

**عادل محمد** · #1 14/03/2009, 00h12

تابعت هذا الحوار
وكان لابد أن يبدأ بالأخ العزيز غازى الضبع
وأن ينتهى بمحامى المنتدى الأخ منير
جايب معاه مستنداتة

بالنسبة لى مطرب وملحن القرن العشرين بلا جدال ، كانت قمة أدائه حتى نهايى الثلاثينات - ثم انخفضت امكانياته الفنية ، تدريجيا .
لم يهتم بالمسرح الغنائى .
كان يجب أن يلحن لقنديل وكارم
تحياتى للجميع .

**emazika** · #2 14/03/2009, 00h59

الأستاذ محمد عبد الوهاب الله يرحمه ماكانش بيحب يحتفل بعيد ميلاده لسبب وجيه جداً (أنا سامع الكلام ده منه نفسه في حوار تليفزيوني على ما أذكر معاه) .. المهم السبب اللي وأنا صغير كده انبهرت بيه جداً وقتها هو بيقول الأستاذ عبد الوهاب : الناس بتحتفل بيوم ميلادها و تقيد شمعة جديدة احتفالاً بسنة جديدة من العمر و على أساس إن دا حدث سعيد بس هو العكس لو فكروا هيلاقوا إنهم بيحتفلوا بانتهاء سنة من العمر و اقتراب سنة من الموت .. يعني أنا لما أحتفل بعيد ميلادي مش لازم أكون سعيد بالعكس المفروض أزعل عشان عمري خلصت منه سنة جديدة و اللي فاضل نقص سنة .. !! .. طبعاً كلنا لا يخفى علينا ناحية التشاؤم دي في الأستاذ بس هو كلام منطقي مجرد التذكر لليوم دا نفسه كل سنة بيفكر بجزن .. خوف .. إزاي نحتفل بالحدث الحزين افتراضاً الكئيب افتراضاً ده .. الله يرحم الأستاذ عبدالوهاب ..

احنا بقى اللي نحتفل بفرحة إنه في اليوم ده العالم ربنا وهبله العبقرية دي عشان تترك بصماتها وآثارها وفنها وحضارتها في أجيال وأجيال عاصرتها و ماعاصرتهاش سمعت عنها و سمعت لها و سمعتها و انبهرت و ارتبت و اتعلقت بدنيا الفنون الجميلة