في قلبي غرام محمد عبد المطلب

**shirf mohsen** · #1 17/02/2009, 18h04

ياسلام إخترتم أغنية لها معى من المواقف الكثير والكثير ، وبإستمرار أرددها ويسعدنى أن أفهحها أيضا والفضل لكم فشكرا جزيلا ودائما مع إبداعات منتدانا العزيز

**حسن كشك** · #2 18/02/2009, 00h03

اختيار جميل اوى يا استاذ غازى
اغنية عالية الشجن جدا .... ويغنيها الاستاذ الكبير طلب .... بتمكن عالى كعادته ....
وكل كلامها رائع .... وعميق جدا .....
ولما قالت ليلى مراد ... الحب جميل للى عايشين فيه
جاى المعلم طلب ... يورينا الوش التانى للحب ... العذاب والزل والبهدله
وطبعا هى حكاية لقصة حب انتهت خلاص .... وما بقى منها غير ذكريات ... ووفاء من ناحية واحدة كله امل لكن بلا امل ....ويتمنى صاحب الحكاية ان ينسى حبيبته ... لكن غرامه يعطيه الامل والصبر فى ان تعود

ومن مقاطعها اللى بتوجع اوى وفيها شجن عالى اوى اوى اوى اوى

وتشجينى معانيها ... وارددها واغنيها ..... وانا فرحان
و
ويجى النوم ينادينى ... الاقى الشوق يصحينى ..... على الحرمان
و
بلون الورد تفرحنى ..... وبعد الشوك مايجرحنى ...تدارى عينيك
و
ياريت قلبك ما هنانى .....مكانش الهجر خلانى .... افكر فيك
و
واقول انساك .... يحايلانى ويغلبنى ... زمان ودك
فى قلبى غرام مصبرنى

ايه الروعه دى .... اغنية لازم توجع قلب اى واحد حساس ... والله المغيث لو كان خارج من قصة غرام فشلت ....او انتهت وتم الافتراق .... لو كان فى الحاله دى يبقى الله يرحمه ... دا احنا ....لما بنسمع الاغنية دى ... بترجعنا نحس من جديد ... بلوعات فراق زمان

**غازي الضبع** · #3 18/02/2009, 06h08

ليه بس كده يا عم حسن
ليه تفكرني ( ولو إني مانستش )
في قلبي غرام
حال كل العاشقين
اللي عايز ينسى ومش قادر ..
خليني ساكت يا عم حسن ..