من غير ليه

[The Lion 98]

من غير ليه ؟؟؟
ياااااااه ه ه ه 20 سنة من الذكريات و مش اي زكريات دي بعيد عنكم ذكريات امتحان الثانوية العامة الله لا يعيد ذكرها علينا و عليكم بإذن الله تعالى
طب يا عم الحاج / مجدي العمروسي ما كنتش قادر تأخر نزول هذه الأغنية شهر تاني لغاية ما أخلص امتحانات . ذنبي في رقبتك انت و الاستاذ بسببكم عدت الثانوية أنا ناقص
الأغنية على قد اتفاقي مع أساتذتنا (ما فيش حاجة ها أعرف اضيفها لانهم ما سابوليش حاجة أقولها) ليست من أفضل كلمات الشاعر صاحب الفكرة / مرسي جميل عزيز .
ولا اللحن كان أفضل ألحان موسيقار الأجيال
لكن من وجهة نظري اللي على قده هي كانت مساحة جمال في فترة شديدة القبح
باقة ورود وسط اشواك و حلفا و عاقول و لبلاب و نباتات وحشة كتير
أغنية رجعت الناس تسمع حاجة اسمها الغناء الحلو و الطرب بعد خبط و رزع مرحلة ما بعد سيئة الذكر ( لولاكي ...لولا لولا لولا)
فيها عيوب في كلماتها؟ ...بالتأكيد . فيها عيوب في تلحينها (مش شغلتي)؟ بس باحس إن الأستاذ طلعت عينيه وهو بيحاول يداري عيوب الأفكار المتناثرة و غير المرتبة للكلمات و من هنا شعرت إن الصنعة تغلبت كثيرا على عفوية وانطلاق الجمل الملحنة
ودي ملحوظة حسيت بيها من اول مرة سمعت فيها الأغنية بعد فترة الانبهار بمفاجأة اللحن . عموما المحاولة جيدة جدا و افادت المستمعين و إن لم تضف لصناعها الكثير
أكثر ما لفت نظري هي آخرها
لولا الحب ما كان في الدنيا ولا إنسان.........ولا إنسان
صدقتم والله