الاغاني الهابطه ...هل هى فعلا هابطه ...حوار هادئ وموضوعى

[غازي الضبع]

كلام قلته من قبل في أكثر من مكان ..
تعرفوا يا جماعة ..
أنا طول عمري الناس تستغرب مني .. في الأغاني اللي باسمعها
لإني كنت باسمع كل حاجة ..
عبد الوهاب - عبد المطلب - عدوية - بدرية السيد - فيروز - محمد فؤاد - محمد محيي - إيهاب توفيق - محمد منير - عبد الحي حلمي - أمين حسنين - فايزة أحمد - هاني شاكر - ريكي مارتن - نانا - هندي - تركي - جريجي - جاز - راب - راي ..
كل حاجة ..
وباحب كل دول
وعمري ما قلت الأغنية دي وحشة
بل كنت دائما أقول .. كل أغنية ولها وقتها
لما الناس كانت بتعيب على العنب العنب ، وباحبك يا حمار
كنت بـ ارد عليهم .. وأقولهم .. طيب ما فاطمة عيد غنت للعنب ، والريس متقال غنى للفراولة ، والأستاذ عبد الوهاب غنى للي زرعوا البرتقال ، وعبد الغني السيد غنى لبتاع التفاح ..
وبالنسبة للحمار ..
شادية غنت للحمار ، وفاتن حمامة وثريا حلمي غنوا للمعزة ، ووردة غنت للبغبغان ، وهدى سلطان غنت للكلب ، وعم محمد الالاتي غنى للقطة نوني
كل ده لم يثير تحفظي في يوم من الأيام
وكنت باقول على نفسي .. تقريبا أنا مافيش حاجة باكرهها
إلى أن استمعت إلى السيد تامر حسني بصحبة الروش اللي اسمه عصام كاريكا
والبنت الخليعة اللي اسمها مروة ، والتانية اللي اسمها بوسي سمير ، ونجلا ، إلخ ..
وكل القاذورات دي
إيه ده ؟؟
إيه الحقارة والقذارة وقلة الأدب دي
لم يعد فناً
ما يفعلونه ليس فنـاً بالمرة
وإنما شكل جديد من أشكال الجنس القذر
***
الفن الشعبي الجميل .. والذي دائماً كان يتسم بالحِكم والمواعظ .. للأسف .. أضفوا إليه سمة جديدة .. وهي الحقارة والجنس والكلمات الإباحية .. من أمثال أغاني الست مروة ..