من اقوال ام كلثــوم
هى محاولة لتجميع اقوال ام كلثوم فى المناسبات المختلفة والتى ترسم معالم شخصيتها
...اننى لا احس اننى عشت قبل الان , اما الحياة التى كنت اتمنى ان اعيشها
فهى ان اكون اى واحدة من اولئك اللواتى عشن فى زمن النبى عليه الصلاة و السلام
لكى ارى ظهور النبى واكحل عينى برؤية فجر الاسلام وهو ينبثق على العالم
اما الحياة التى احب ان احياها فى المستقبل فهى ان اكون _سـميعة_
...الصحراء تخوفنى لانها حاجة مافيهاش نبات ولا انتاج , موحشة مفيهاش خلق
بالعكس بلاقيها سراب ووهم
البحر عندى مؤكد ملوش نهاية آفاق واسعة عريضة وعمق غير محدود البحر عندى حلو فيه حاجات الميه والرزق والافق
مركب جايه من بعيد قدامى شراع يبص لك كده فيه حركة وحياة
الغابة خضرة سهول جبال مياه شلالات فيها روح وتفاؤل وصوت
...الريف يشدنى بجماله مفيهوش تكلف
صحيح المدينة فيها مصانع و زحام وبهجة
لكن الطبيعة احلى لانها من خلق الله مش الانسان
... ان اهتمامى بالفستان الذى ارتديه امام الجمهور هو جزء من احترامى لهذا الجمهور
والانسان عندما يحترم احدا يهتم حتى بمظهره امامه
... اهو ده المنظر اللى يفرحنى صحيح لغاية دلوقتى باحن اليه فاركب عربيتى واروح لغاية القناطر الخيرية خصوصا ايام المية بتاعة الفيضان اللى لونها بنى مش الرايقة
تصوروا المنظر ده لو قعدت قدامه ساعات مازهقشى لانه بيذكرنى بطفولتى
...لغاية النهاردة لما اروح البلد لازم يكون جنب الاكل مهما كان نوعه اكلة الطفولة المفضلة وهى السريس و الجبنة القريش الاكلة اللى اسيب الحمام او اى نوع من انواع الطيور و اكلها
صحتى لغاية دلوقتى بتيجى عليها لدرجة ان اى واحد اعرف انه جاى مصر اطلب منه ان يجيب معاه هذه الهدية اللى باعتز بيها حتى النهاردة
__________________
ايا كانت الارض التى تشغلها ,,, اقم عليها شيئا
|
أحب رؤية القمر في بدايته عندما يكون هلال 
العرض العادي
