تحليلات سيادة الرئيس ـ أبو على

**فؤاد** · #1 16/01/2009, 09h42

اقتباس:

المشاركة الأصلية كتبت بواسطة abuzahda

أستر يــــارب

فين "لسان العرب" يا بنتي ؟
هاتيه من فوق

سعادتك ........ بس أنت أضرب ( دماغ - أمينه ) وحضرتك بدون قواميس بعدين

الست أمينه فاخت غنت في فترة التسعينات مجموعه من أغاني عبد الوهاب زي ماذكرت ياريت لو الأستاذ صلاح أو أي من الأساتذه عشاق الطرب والحاجه الحلوه يمتعنا بهذا الأغاني وميبخلش علينا بهذه التحف
وكمان غنت لفريد الأطرش وعبد الحليم (غنت له قصيدة )
بصراحه المطربه هادي عندها صوت مميز وأنا بحب صوتها جدا
قوة صوتها وحلاوته لاتملكه أي من المطربات التي في جيلها
شكراً للأستاذ صلاح ( سيادة الرئيس ) لتذكر هذه المطربه التي صوتها معجون ومتكون من كل من صوت ( فايزه - شهرزاد - سعاد محمد ) فتخيل مطربه كهذه

الدنيا بخوت ( حظوظ ) زي ميقولوا

آخر مره

شكراً أستاذ صلاح

**الألآتى** · #2 16/01/2009, 15h12

أنا ماقدرش أشك لحظة فى مجايبك يابو على .. أنا بس بانكشك ..

أول ماألاقى موضوع جديد لصلاح علام .. أعرف على طول إنى حاسمع شئ جديد أو متميز ..

وصدق توقعى حتى الأن ..

بصراحة أنا سامع دلع وتمكن من أمينة فاخت .. عرفت تضيف حس الأنثى للأغنية ..

وإنت بتعرف تصطاد كويس .. أمال إحنا مابتقعش معانا الحاجات دى ليييه بس ... أرزاق

**سيادة الرئيس** · #3 16/01/2009, 15h21

اقتباس:

المشاركة الأصلية كتبت بواسطة الألآتى

أنا ماقدرش أشك لحظة فى مجايبك يابو على .. أنا بس بانكشك ..

إلهي ربي ما يحرمني من منكشاتك يا مايسترو

**فؤاد** · #4 16/01/2009, 15h21

اقتباس:

المشاركة الأصلية كتبت بواسطة الألآتى

بصراحة أنا سامع دلع وتمكن من أمينة فاخت .. عرفت تضيف حس الأنثى للأغنية ..

هلا بالأستاذ
الألآتي
شفت الأستاذ صلاح ( فرح (بسط ) فؤاد قد أيه اليوم )
طيب أسمعها حضرتك بس كويس لما تقول
غناءها للجمله تعال شوف قلبي.....
غلبت الست فايزه في دي صدقني.....
طيب الآلآهات في مقدمة المقطع الثاني ......
طب .... نسيت معاك كل (الهموم ) غلبت فايزه وقلت ليا ياريت (يدوم ) غلبت فايزه أيضاً
ولا أنا خَرفت ياجماعه ؟
ياريت تدوم الحاجات الحلوه بتاعة الأستاذ صلاح
أختيار جميل وممتاز

**الألآتى** · #5 16/01/2009, 16h03

اقتباس:

المشاركة الأصلية كتبت بواسطة فؤاد عبد الحميد

هلا بالأستاذ

الألآتي
شفت الأستاذ صلاح ( فرح فؤاد قد أيه اليوم )
طيب أسمعها حضرتك بس كويس لما تقول
غناءها للجمله تعال شوف قلبي.....
غلبت الست فايزه في دي صدقني.....
طيب الآلآهات في مقدمة المقطع الثاني ......

أيوه ياأستاذ فؤاد .. لو تصدينا لتحليل الأغنية علمياً وأكاديمياً .. سنجد الكثير لنقوله .. من جماليات وتميز فى الأداء وإضفاء البصمة الشخصية على الأغنية .. وكذلك المحسنات البديعية الشخصية مثل ( العُرب والتريللات والتصدير والتلوين فى الأداء ) .. ألخ ..

ولكنى حاولت أن أسمعها بأذن المستمع وليس المحلل .. حتى أستمتع مثلكم .. ولا يعنى إحنا مكتوب علينا نحلل وننقد .. ولا نستمتع ..

وإذا كان لابد من التحليل .. فأولى بهذه المهمة .. هو الأستاذ صلاح علام .. واضع الأغنية .. وهو بالتأكيد جدير بهذا الشرف ..وقادر عليه ( تدبيسة ) ..

**abuzahda** · #6 17/01/2009, 00h47

اقتباس:

المشاركة الأصلية كتبت بواسطة فؤاد عبد الحميد

سعادتك ........ بس أنت أضرب ( دماغ - أمينه ) وحضرتك بدون قواميس بعدين

طب ممكن تصدقني يا عم فؤاد
لو قلتلك
إن "أحلى دماغ" بالنسبة لي هي:
ردودك
و خاصة لما "بتروِّشها" بالصور
يا راجل ده انت مرّة رديت على قصة "مدام ناهد"
و حطيت صورة لقطة بتفكر في خيانة قطها
قعدت اضحك عليها أسبوع
عرفت ليه بقى انا
بحببببببببببببببببببببببببببببببببببببببك
يا فؤاد

**abuzahda** · #7 17/01/2009, 00h53

عمي صلاح
مش هسألك:إنت بتجيب البلاوي دي منين ؟!

بس انت فاكر لما قلتلي:
إن انا مزاجي في السمع "كباريهاتي"
وحسستني يومها ، إني تربية عوالم ؟

أنا افتكرت "كل الحبايب"
و انا بسمع الست دي
من أول "نادية فهمي"
لغاية "......" حبيبتي
يا عم دي بتغني غنا غناوة
بتغني ليها
بتغني و هي سايبة إيدها
بتغني و هي بتغني
يا صلاح

**فؤاد** · #8 17/01/2009, 09h44

اقتباس:

المشاركة الأصلية كتبت بواسطة abuzahda

عمي صلاح

مش هسألك:إنت بتجيب البلاوي دي منين ؟!

يا عم دي بتغني غنا غناوة
بتغني ليها
بتغني و هي سايبة إيدها
بتغني و هي بتغني

يا صلاح

العفو ........
هي دي السلطَنه بقي بحق ( يامعلم)

صدقني صدقني صدقني
وبعدين محدش يقرب دي بقي بتخصني من النهارده
هي
( وفايزه )

**سامي عبد العزيز** · #9 02/02/2009, 19h44

فعلا اداء بديع. كنت قد حضرت لها حفلة في المسرح الوطني ببغداد عام ١٩٨٩ حين ابدعت ايضا في اداء اغنية سيد مكاوي وحياتك ياحبيبي لكن اداءها هنا لاغنية عبد الوهاب له طعم مختلف.
تحية للاستاذ صلاح علام لهذا الاختيار والذوق الرفيع.
وشكرا للاستاذ فؤاد عبد الحميد الذي نبهني اليها، فالمنتدى قد اتسع الى درجة اننا نحتاج الى ان يكون يومنا ٤٠ ساعة بدلا من ٢٤ لنستكشف ونقرأ ونستمع ونشارك في اقسامه.