تحليلات سيادة الرئيس ـ أبو على

**فؤاد** · #1 09/01/2009, 18h19

وبعدين أن كان كده خلاص ياسيدي من هنا ورايح مش راح أقول رأيي!!!!
(آسف ياسيدي العزيز)
وبعدين كلمة ((نورت ياولدي)) لم أفهم ماتقصده بها هذه الجمله ؟؟؟؟؟؟

**سيادة الرئيس** · #2 09/01/2009, 18h34

اقتباس:

المشاركة الأصلية كتبت بواسطة فؤاد عبد الحميد

وبعدين أن كان كده خلاص ياسيدي من هنا ورايح مش راح أقول رأيي!!!!
(آسف ياسيدي العزيز)
وبعدين كلمة ((نورت ياولدي)) لم أفهم ماتقصده بها هذه الجمله ؟؟؟؟؟؟

هبه

يا عم دنتا بتنور مواضيعي أوعك تقول كده تاني

نورت يا ولدي ؟؟

ده مش كلامي ... ده كلامه هوه ( نورت يا ولدي ) تخيلها بتقول له و هوه بياكل ( فول أخضر ) ( حراتي )

**فؤاد** · #3 09/01/2009, 18h40

اقتباس:

المشاركة الأصلية كتبت بواسطة سيادة الرئيس

ده مش كلامي ... ده كلامه هوه ( نورت يا ولدي ) تخيلها بتقول له و هوه بياكل ( فول أخضر ) ( حراتي )

الله عليك وعلي أسلوبك الراقي المميز
اللي مافيش مثلهُ أبداً أبداً أبداً
ياخي أنا بستندم أني دخلت الي هنا
تصور

**Islam Eidrisha** · #4 09/01/2009, 18h54

الله عليك يا أستاذ يا كبير
عارف موضوعك ده فكرني بذكريات جميلة
كنت مقيم سنة في القاهرة وكنت ساكن في شارع الهرم
وكنت لما أحب أشرب قهوة وشيشة أدب مشوار لحد لفين؟؟؟
لحد قهوة قديمة تحت كوبري الأزهر جواها عربية كبدة !!!
وناس بجلاليب وأفندية بيلعبوا كوتشينة مجاوز وبيعلقوا
وناهيك عن أساليبهم في التبكيت والنعل لمن ينهزم
يااااااااااااااه أحاسيس وذكريات لا تمحى
معلش صدعتك
بس قبل ما أنهي
هقوللك للمرة المليون
الله ينور عليك

**سيادة الرئيس** · #5 09/01/2009, 19h32

اقتباس:

المشاركة الأصلية كتبت بواسطة إســـلام

معلش صدعتك

صداع إيه

نورت يا ابو اسكندر

**يحيى زكي** · #6 10/01/2009, 09h55

نزلت باب الخلق......لوحدفت يمين ......اه ياويلك المحكمة والاسئتئناف.....وقدامهم ياولداه الفن الاسلامي المفقود والكتبخانة المهجورة وبعديهم بشوية قهوة التجارة بفنانيها الغلابة ومحل عم حسن اتلة بتاع الالات وعربية الكسكسي السخن بالزبيب واللبن في ليالي الشتاء المليانة بالطين من سوق خضار البهوات.......ولو اترميت شمال ع الحلمية والقلعة والترامواي ابو 8مليم وقبليهم سوارس ابو نكلة .......كمل لنا ياعم انا شامم ريحة الطرشي ابودقة حامية ولا العرقسوس شفا وخمير .....اه ياقاهرتي......اكملها لنا وحياة حبايبك ياعم الريس.

**سيادة الرئيس** · #7 10/01/2009, 20h44

التصويره التالته

( شوفتك )

يا سامعين أبناء بلد واحده تحت السما الواحده و جيل بعد جيل
القاهره قالت و قولها الحق : أشهد بإنك يا ابن آدم جميل
باني البيوت على بعضها بتميل في الجو ريق الإنسانيه يسيل
شوفتك بتمشي و نظرتك على فوق و دايرها زغروده حطب و غسيل
شوفتك يا سقا مالي ماء النيل
شوفتك منادي و شوفت خُطـّابك من سؤل تاني لألف ليله يشيل
شوفتك بطبله و ناي و زماره .. حتى بأماره زادت الشخاليل
شوفتك تقلد ضحكة الهتـّمه أيام تبيع العطر و المناديل
شوفتك يا جـِندي بسن رمح طويل
شوفتك يا شيخ الفضل يا عبد ربه فرحان بالـَخـّضر و النسيم العليل
شوفتك يا حج و انت راكب جمل زي الهلالي و حتى طلت النخيل
شوفتك يا فارس يا غني يا أصيل
شوفتك يا سهار النهار بالليالي
يا منحني و ماسك دولاب الفنون .. بقانون تقسم لي
و ببسطة السن و اكبر تسمسمني و اتوه تجيب لي دليل
و لما عرب الصحارى عمروا الحاره
و أصبحوا ف الغرام ع السطح بحاره
شوفتك يا شاعر تنشد المواويل

**يحيى زكي** · #8 11/01/2009, 07h35

ولما عرب الصحاري عمروا الحارة
فعلا ياعم الباشا الرئيس فواحنا حادفين نفسنا علي جهة الامام الشافعي هنلاقي عرب قريش وعرب ال يسار
وهنلاقي ع السطوح مع بحارة الحب......الملاغية الاصلية في طير الحمام ساعة العصاري وزقزقة صفافير محبي حمام الغية.......حبا لك من رئيس محبوب

**Islam Eidrisha** · #9 11/01/2009, 08h32

شوفتك تقلد ضحكة الهتـّمه أيام تبيع العطر و المناديل
ده إيه الجمال ده

**فؤاد** · #10 11/01/2009, 12h35

عفواً