الجده والقمر ـ صبره ابو حسن

[abuzahda]

عادت الجدّه تنادى القمر
ينزل لحدّيها
تحلب بكفها ضيه وتزّقينا

أخي الحبيب
صبرة أبوحسن

تقبّل محبتي و احترامي ، و الوردتين

شايف "الصورة" اللي ابتديت بيها ؟
حاجة بديعة ، ماتخرجش غير من "حد" صاحب القمر ،
و عارف ازاي "بيتحلب" نوره . وازاي "بيتزقي".
لكن

لِسَّاك مستعجل
و دماغك كيف الصعايدة ، جرانيت
مش كنا قلنا ياواد عمي : نصبروا حبَّة ؟
إشحال ماكانش الكريم إسمك : صبرة ؟
طبْ انتَ عمَّ تـُظـُلم "الشاعر" اللي كانن جواتك
على كدة

الفرصة هنا عظيمة
و ماتشغلش بالك بأسماء "البحور" دلوقت ،
بس خد الموضوع من أول هنا وبرضو ماتستعجلش
قبل ما توصل للصفحة الخامسة ، هتكون عرفت:
طريقة الكتابة العروضية. إزاي تكتب "الصوت" تقوم ودنك تظبط الإيقاع ، مابين "الحرف الساكن" و "الحرف المتحرك" و "الحرف المُشـَدَّد"
همّ كام يوم (بالنسبة لأصحاب الفطرة السليمة ، زيك يا صبرة)
و هتلاقي نفسك "ماسك" التفعيلة
وعلى ذكر "التفعيلة" ، أنا شايفك بتحب قصيدة التفعيلة
(زي ما تكون مستسهلها) ، مش عيب
لكن علشان يكون "شعر" حر ، فعليك أن تحميه من "النثر"
.

فلو تخالف عوايدك ، وتليِّن "جرانيتك" شوية . أدخل على الموضوع هنا وطوّل بالك شوية
(بس ابقى ادعيلي مع عمي كمال عبد الرحمن - وانت بتدعي له)

أنا دخلت هنا ولسة ببتدي قراءة ، "الصورة" بتاعة "الجدة" لوَحِتني . بس "استعجالك" غاظني
وهتفضل "ظالم" الشاعر جواك كده . هوّ يهديك أفكار و صور ، من الجوهر النفيس.
وعدم التمهل ، يرصَّها "بسهولة" تطفئ رونقها.

كمان وردة يا عم صبرة
وخد "التلاتة" معاك و انت رايح لعمي كمال
هنا