أعمال من تنفيذ الفنان محمد الآلاتي - الصفحة 40

**سمعجى** · #**391** 02/01/2009, 15h43

الله عليك يا بو حسام ،،،

أزيد على قسم أخي محمد حمدان قسماَ ،، فواللهِ أشجيتني و أمتعتني ،،

حَـدّ قال لك إني باحب حـَدّ قال لك ؟!

و لا كتر الشوق في قلبي بان عليـّا ؟! ( دَنا اللي باقول )

حَدّ قال لك إني باحبك ؟!

**غواص النغم** · #**392** 02/01/2009, 17h19

رائعة يا أبو حسام فعلا
اختياراتك جميلة جدا
وصوتك رائع جدا في كل ماتختاره من اغان
حتى وشك حلو عليا عجبتني جدا بالرغم ان التوزيع كان جديد فيها
ياريت لو تسمح ترفع لنا الموسيقى للأغنية حد قالك
علشان نجرب نتعلم منكم ازاي الغنا ممكن نضع صوتنا عليها برضه
تحياتي

**unicorn** · #**393** 02/01/2009, 17h32

اقتباس:

المشاركة الأصلية كتبت بواسطة الألآتى

وعليكم السلام ورحمة الله وبركاته

ربنا يجبر بخاطرك يامدام صباح .. أشكرك كل الشكر على رأيك فى صوتى ..

ولكن المشكلة أننى لم أفكر يوماً فى إتخاذ الغناء كمهنة .. ولكنها مجرد هواية لا يجب أن تخرج عن حيز الأصدقاء ..

والسبب الذى يجعلنى أشرككم فى سماع هذه الأغانى .. أننى أحب أغنية ما .. فأعمد لتنفيذها ومن ثم غناؤها ..

وأحب أن تشاركونى سماعها بصفتكم من الأصدقاء ..

وأعتقد أن حضرتك رأيتينى رأى العين .. ورأيتى كيف أن شكلى لا يصلح مطرب بأى حال من الأحوال ..

فليس هناك مطرب بكرش ونص راسه من غير شعر .. ومعظم أسنانه ذهبت بلا رجعة ..

فهل هذه مواصفات مطرب ؟

ربنا يجبر بخاطرك مرة ثانية .[/center]

نسيت يا ابو حسام تضيف للصفات دى , القلب الابيض , و حبك لكل الناس , و أخلاقك العالية, و خفة الدم اللى ما حدش يزهق منها ابدا , و الثقافة الموسيقية الموسوعية

كل دة يخلليك عندنا مطرب , و مطرب كبير كمان
الله ينور يا ابو حسام تسلم ايدك على الهدية دى ,
و بالمناسبة انا اول مرة اسمعها

**الألآتى** · #**394** 02/01/2009, 19h50

اقتباس:

المشاركة الأصلية كتبت بواسطة غواص النغم

ياريت لو تسمح ترفع لنا الموسيقى للأغنية حد قالك
علشان نجرب نتعلم منكم ازاي الغنا ممكن نضع صوتنا عليها برضه

تحياتي

حاضر يامنعم .. من عنيا ..

إليك موسيقى الأغنية .. وغنى ياعم براحتك ..

**الألآتى** · #**395** 02/01/2009, 19h54

إيه ياعم محمد الكلام الكبير ده كله .. أشكرك من حشاشة قلبى ..

اقتباس:

المشاركة الأصلية كتبت بواسطة unicorn

و بالمناسبة انا اول مرة اسمعها

أنا مبسوط والله .. إنى بساهم فى نفض الأتربة عن أغنيات غير مشهورة ..

**غواص النغم** · #**396** 02/01/2009, 19h56

اقتباس:

المشاركة الأصلية كتبت بواسطة الألآتى

حاضر يامنعم .. من عنيا ..

إليك موسيقى الأغنية .. وغنى ياعم براحتك ..

الف الف الف الف شكر
ههههههههه
إنت اللي حتغني يامنعم
ربنا يسعدك ويهنيك

**صباح2015** · #**397** 02/01/2009, 22h15

السلام عليكم ورحمة الله وبركاته
أخى العزيز الأستاذ / محمد الألآتى
أبو حسام ... سماعى
للمرة الثانية والله وبدون مُبالغة إن صوتك رائع
وبشهادة مُعظم الأخوة
من ناحية الشكل
طبعاً نصف البلد مراكز تجميل
هو مشوار صُغير لغاية هناك
ترجع أحلى من .. وائل الكافورى.. يعنى سهلة
لكن أخلاقك العالية وقلبك الأبيض وخفة دمك
وكلامك المحترم الى جانب ثقافتك الموسيقية
كل دى صفات تؤهل حضرتك للأستمرار
والله الموفق
مع وافر تحياتى ،،،،

**جنة محمد** · #**398** 02/01/2009, 22h24

الاستاذ المحترم محمد الالاتى..أعجبنى صوت حضرتك جدا...لك كل تحياتى

**الألآتى** · #**399** 03/01/2009, 04h07

اقتباس:

المشاركة الأصلية كتبت بواسطة صباح2015

السلام عليكم ورحمة الله وبركاته

من ناحية الشكل
طبعاً نصف البلد مراكز تجميل
هو مشوار صُغير لغاية هناك
ترجع أحلى من .. وائل الكافورى.. يعنى سهلة

صح يامدام صباح .. هى يعنى جت عندى ووقفت ..

بس تصدقى بالله .. إن الحلاق بتاعى كل مايشوف خلقتى .. يقول لى .. أصبغلك ياأستاذ محمد .. ياعم مش عاوز .. ده إنت فناااان .. ياسيدى لأ .. ونفضل كده فى مناهده لحد مانزهق .. وكل مرة يتكرر الحوار ..

فإذا كنت مش عاوز أصبغ شعرى .. أو ماتبقى منه .. يبقى حاعمل عملية تجميل .. طيب أعمل تجميل لإيه ولا إيه ..

اقتباس:

المشاركة الأصلية كتبت بواسطة صباح2015

لكن أخلاقك العالية وقلبك الأبيض وخفة دمك

وكلامك المحترم الى جانب ثقافتك الموسيقية
كل دى صفات تؤهل حضرتك للأستمرار

دى بقى شهادة أعتز بيها من إسكندرانية أصيلة .. وبكده ضمنت جمهور إسكندرية الحريمى .. لأن الجمهور الرجالى بسم الله ماشاء الله .. مضمون زى الجنيه الدهب ..

**الألآتى** · #**400** 03/01/2009, 04h13

اقتباس:

المشاركة الأصلية كتبت بواسطة جنة محمد

الاستاذ المحترم محمد الالاتى..أعجبنى صوت حضرتك جدا...لك كل تحياتى

ميرسيه ياجنة .. أشكرك على إعجابك ..

شوفتى يامدام صباح .. وأدى بنات مصر كمان معجبه وولهانه .. أنا مش حانام النهارده من تليفونات المعجبات ..