[quote=محمد حمدان;258404][quote=ابو الطل;258386]
بوش إذا ضرب الحذاء به 
صرخ الحذاء بأي ذنب أضرب
..
تسلم يمناك أيها الصحفي البطل ...
درس في أخر أيامه الرئاسية لن ينساه مهما عاش ..
ذلك الصعلوك المتشدق بالديمقراطية والحرية والعدل بين الشعوب
والله يزيد ويبارك .. بتلك الهمم
الف ليله و ليله
الليله الأولى
بلغنى ايها الملك السعيد
ذو الرأى الرشيد
و العمر المديد
أن الصعلوك اياه
وعصابته من اصحاب الجاه
عملوا اجتماع على مستوى القمه
وقعدوا ونصبوا اللمه
عشان يناقشوا ازمة الجزمه
وهيبتهم اللى مالهاش لازمه
والخزى والعار اللى طالهم
ويبكوا ويندبوا حالهم
واللى فى بالى وبالكم يارب عقبالهم
فدخل عليهم الحرس
وبدون ان يضرب الجرس
انحنى ومال
وبأعلى صوته قال
سيدى الصعلوك المسكين
بياعين الجزم بره متظاهرين
وبيدعوا لك من كل قلبهم
وبيعبروا لك عن حبهم
الحاله بقت عال العال
رغم حالة الكساد الفعال
من ساعة ما انضربت بالجزمه زى العيال
وبيطلبوا منك تروح هناك تانى
حتى لو لمدة دقايق أو ثوانى
وهنا نهض الصعلوك وقال
لا لا لا ده مش الحرس
لأنه مضربش الجرس
اكيد ده اللى ضربنى بالجزمه
وخلانى ماليش لازمه
وناوى يضربنى بالشبشب
زى ما اتعمل فى عنتر من لبلب
وهنا حدث الضجيج
والزعيق و التهريج
هنا ادرك شهر زاد الصباح
فسكتت عن الكلام المباح
وصاح الديك و نامت شهر زاد
ولو صحت بكره نتقابل فى نفس الميعاد
الليله التانيه
*******
بلغنى ايها الملك السعيد
ذو الرأى الرشيد
و العقل السديد
ان الصعلوك اياه وبعد ما حدث الضجيج
والدوشه و التهريج
أفاق الصعلوك من نومته
ورفع رأسه عن مخدته
وقال انا اسف ياجماعه
سامحونى على قلة الشجاعه
انا فكرت ان الحارس حيضربنى بالبتاعه
مش قادر انطق اسمها
وانتو طبعا عارفين اسمها و شكلها
أصل انا على طول بتجينى كوابيس
وبالذات بالذات ليلة الخميس
*******
فردوا وقالوا ولايهمك يا كبير
من دلوقتى حنخصص لك غفير
يحميك من الجزم اللى بتطير
وماتفكرش فى الموضوع ده كتير
المهم ياكبير حنعمل ايه فى المتظاهرين
اللى بره منتظرين
تطلع لهم تهديهم بكلمتين
واحنا وراك يا نور العين
********
فانتفض الصعلوك واقفا
وكأنه من عزرائيل خائفا
وقال نعم يا خويا انت وهوه
عاوزينى انضرب تانى ومن جوه
لا لا لا أنا مش خارج مهما كان
ولو قعدوا لغاية الديك مايرفع الاذان
انا كان مالى انا اللى جبته لحالى
وبعدين تعالوا هنا انتو ازاى لابسين جزم
مش احنا حرمناها على كل الامم
واخدنا الموافقه من المجلس المحترم؟
من غير ما حد يستخدم الفيتو
ولا عاوزينى يطلع لى عفريتو؟
*******
ياللا ياللا بسرعه اقلعو الجزم
و اربطوها زى الحزم
و تعالى كمان انتى يا ست عرايس
لابسه لى كعب عالى وانا على الارض حافى ودايس؟
روحى بسرعه اقلعيها بره
وخبيها كمان بالمره
والدور عليكم يا بتوع سماعى
واحد واحد حافكر لكم بدراعى
كأنكم كنتم مستنيين
انى انضرب من سنين
اه لو يمدوا الرئاسه مره تالته
علشان اورى بتوع سماعى اللى السنتهم فالته
*******
و هنا ادرك شهر زاد الصباح
فسكتت عن الكلام المباح
وصاح الديك و نامت شهرزاد
ولو صحت بكره نتقابل فى نفس الميعاد
__________________
ولرب نازلة يضيق بها الفتى ذرعا
وعند الله منها المخرج
ضاقت فلما استحكمت حلقاتها فرجت
و كنت أظنها لا تفرج
الامام الشافعى رضى الله عنه
رد: بوش يُضرَب بالحذاء
العرض الشجري