هى ـ وقطتها .... وأعمال أخرى

[NAHID 76]

بسم الله الرحمن الرحيم
استاذى الفاضل محمد بك الالاتى
كل سنه وانت والاسره الكريمه بخير يا رب العالمين
بتوجيهاتك وجميع احبائى بالمنتدى سوف نصل الى مستوى افضل خالى الى حدا ما من السلبيات
ابقو على متابعتكم وتوجيهاتكم
واشكر لك مرورك الكريم اخى الفاضل
تحياتى

[رايا]

القصة فكرتها حلوة يا مدام ناهد
والربط بين الحدثين الحاضر والفلاش باك
كانك بتقولى المقولة قدم السبت علشان تلاقى الاحد
لغتك جميلة فى الكتابة وبعيدة عن التعقيد
لكن ياريت يكون فى تنوع فى
ابطال القصص

نشكرك جدا على قصصك الرائعة

[NAHID 76]

بسم الله الرحمن الرحيم
اختى العزيزه رايا
اسعدنى دخولك وتشجيعك
لانك الصوت النسائى الوحيد الذى شجعنى واسعدنى
وخشيت ان يقولو العنصر النسائى فين
لكن الحمد لله طمنتينى
اشكرك وان شاء الله نكون للافضل
تحياتى

[NAHID 76]

بسم الله الرحمن الرحيم
عندما تزداد جرعة الواقع والروتين
نكون فى حاجه الى جرعة عبث وصور ايا كانت تلك الصور
ماذا لو سألك أبنك
عن لون يوم الخميس
يجرى إبنك إليك جريا ليسألك عن لون يوم الخميس وأنت مستلق على الكنبه أمام التلفزيون تتابع بغير اكتراث مباراة كرة سله مسجله منتظرا بقايا يومك الثقيله وهى تحاول أن تذوب داخل عقلك لتفسح مكانا لاحساس النوم الثمين
الجمعه يراه أبيض والسبت أحمر والاحد أصفر والاثنين أسود والثلاثاء برتقالى والاربعاء بنى ولا يعرف للخميس لونا
تحدق فى وجهه وقد سمعت أذنك سؤاله دون أن يفهمه عقلك ينتظر ردك الذى لا يجئ
فيمضى إلى غرفته وينام
بعد أكثر من ساعه يصل السؤال إلى عقلك , تجرى إلى غرفته وتنحنى لكى تهمس فى أذنه , رغم أنه دخل فى سبات ملائكى عميق
الخميس لونه أخضر
تحياتى

[غازي الضبع]

لأ ..
واحدة واحدة عليا يا مدام ناهد
إيه الكلام الكبير ده ..
خليني أفكر كويس وبعدين أعلق

[Islam Eidrisha]

بسيطة.. شيك .. رقيقة .. مركزة .. عظيمة المعنى
فكانت الروعة والجمال والأروع من كل هذا هي عمق فكرة الموضوع نفسه
الله ينور يا أستاذة ناهد بس فيه حاجة برضو هي "مستلق" وليس "متسلق"
أكيد طبعا غلطة كيبورد
ومعلش أعذريني أخوكي حنبلي حبتين
والعمل رائع ويستحق التدقيق
مع تحياتي

[NAHID 76]

بسم الله الرحمن الرحيم
اخى الغالى غازى الضبع
اشكرك كل الشكر
وحلوه اوى انك اول واحد يعلق
هههه طبعا منت عارف
اشكرك كل الشكر على مرورك الذى اسعدنى وكلماتك التى شجعتنى
تحياتى

[NAHID 76]

بسم الله الرحمن الرحيم
اخى الفاضل اسلام
اشكرك كل الشكر على كلامك الجميل وعلى مرورك الغالى وطبعا انت عارف انها غلطه كتابه ومفهومه انها مستلقى
اشكرك كل الشكر على متابعتك ويارب تدوم على طول
تحياتى اسلام

[M O H A M E D]

مساء الخير يا مدام ناهد

لو ابني - اللي لسه في علم الغيب - سألني السؤال ده

هقول له الخميس زي باقي أيام الأسبوع عديمي اللون

لكن احنا اللي بنلونهم زي ما احنا عايزين ..

فمهما كان اليوم و لونه ، امسك فرشتك و لوِّنه على ذوقك

و ان ما قدرتش تغيّر لونه ، خده أجازة .. و غيّر جو يا ابني

و شكراً

[محب الاصيل]

المشاركة الأصلية كتبت بواسطة إســـلام

الله ينور يا أستاذة ناهد بس فيه حاجة برضو هي "مستلق" وليس "متسلق"

والله يا أستاذ إسلام، الظاهر إنك " متئل حبتين من حلويات العيد، نيالك يا عم في بلاد المسلمين. والله مش حسد، وإنما غبطه.
هي مدام ناهد كتبتها صح،ـ مستلق ـ وانت قرأتها معكوسة ـ متسلق.
لا بأس
فالعين تبصر أشياءاً وتحسبها
شيئاً وبعض الشئ اوهام واشباه

تحياتي مدام ناهد.
مسرور جداً لمتابعة خواطرك اللطيفة، داعياً لك بالتوفيق والقبول دائماً إن شاء الله.
أخوك محب الاصيل.