كريمة الريحاني تبحث عن أعمال والدها واسطواناته

[جرامافون]

أخي غواص النغم الجميل

والله يا صديقي الحبيب أنا شفت الفقرة وكانت كتير حلوة وحقولك علي حاجه انا ترددت
اني اتصل بالبيت بيتك لكني عدلت عن قراري والسبب اني بحب نجيب الريحاني جدا
وعندي حاجات خاصة بيه دفعت فيها دم قلبي لاني بحبه جدا والحجات ديه مش موجودة
حتي عند اهله نفسهم .. زي اسطوناته هوهوبديعة والاهم من ده كله عندي ليه حاجه
وحيدة كانت موجودة في بيته شخصيا وكان بيعتز بيها جدا غير اني عندي ليه جنازته
متصورة سينما علي بكرة فيلم 16 ملي وفيه كل شيئ عن جنازته من اول ما بيصلوا
عليه في الكنيسة لغاية ما بيحطوه في العربة الملكية التحفة الخاصة بالملك فاروق نفسه
واللي حضر عنه مندوب وفي الجنازة بديعة مصابني ويوسف وهبي وبديع خيري وابنه
عادل وانور وجدي وغيرهم وكانت جنازة مهيبة لما تشوف حشود الناس والشعب
بالالاف .. لكني عارف ان لو اتصلت حبقي مضطر اعطي بلا مقابل وبصراحة انا
دفعت دم قلبي حبا له وكان من حولي من اصحاب وقتها بيعتبروني مجنون ولو كتبت
عن اهمية الراجل ده في تاريخ الفن المصري والعربي اللي هوه نجيب حكتب مجلدات
لان دي دراستي ويكفي اني اقولك ان الراجل ده اتعمل فيه رسائل دكتوراه عديدة
قيمة جدا ويستحق الكثير بصراحة اكترمن الطفيليين اللي انهرده مليارديرات ومبيقدموش
غير كل تافه ونجيب المؤلف اخطر بكتير من نجيب الممثل ولو قعدت اتكلم عليه مش
حخلص .. ودي حبة حجات خاصة بنجيب