الوشوش

[abuzahda]

و لو انك برضه خطفتنى يا استاذنا و ما عملتش حاجة

مرة واحد ، مش سعيد
يبقى حاضر ، زي غايب
و الجنازة زي عيد
و السُنَنْ زي المذاهب
و البَلايا كالجديد
و اللي مغلوب زي غالب
و الطـَرَايا كالشديد
و "العجوزة" زي "كاعب"
.................................................. ..............................
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

فيه منه
هنا

[محمودسعد]

يالهوي؟
يانهار؟
ايه ده ؟
ماهذا؟
ايه الكلام الحلو ده
ده الواحدمش عارف يتكلم
بجد بجد وهنا الكلام لازم وحتما وقانونا لازم يكون كلام بجد مش مجامله
والكلمات الرائعه الخطيره دي مش ممكن اي انسان يقراها ومايجيلوش جنان بيها
صراحه ده اللي حصلي وعيالي كانوا نايمين وصحيوا علي صوت ضحكاتي المعجبه والمذبهله بهذا الكلام الرائع
من سياده الرئيس وابوذهده وعمي الغالي د انس وكل من دخل هذه الصفحه
هذاكلام كبير كبير كبير
والدليل علي كده اني مش عارف اتكلم
احسنت كثيرا يافندم
بل احسنتم جميعا وربنا يخليكوا لينا

[محمودسعد]

عمي
انا هجيلك بامرالله ولوفي الصين
لقدامتعتني بكلماتك قوي قوي قوي
ربنا يبارك لك وفيك

[محمودسعد]

سياده الرئيس





ربنا يخليك لينا
ياراجل يابشوش

[عصمت النمر]

الله يرحمك ياعم بيرم ياتونسى المدد
كان دايما يقول ان مصر دى ولادة وكل شوية تنقحنا شاعر انقح من الشاعر اللى قبله
يارب كتر يارب زيد ...
مدد ياسيدى سيد يا أبو زهده
المدد

[abuzahda]

المشاركة الأصلية كتبت بواسطة عصمت النمر

الله يرحمك ياعم بيرم ياتونسى المدد

كان دايما يقول ان مصر دى ولادة وكل شوية تنقحنا شاعر انقح من الشاعر اللى قبله
يارب كتر يارب زيد ...
مدد ياسيدى سيد يا أبو زهده
المدد

يـــا عم عصمت النمر
أمدك الله بمدد الصحة و الفـُهُوم
ياسيدي

مرة واحد ، ربي أعطاه موهبة
العسيرة يحلها ، لَوْ عوِيصة و مُتْعِبة
يـِهْدي كل الحيرانين
زي "مالك الحزين"
مات في لحظة من الغبا
.................................................. ..... ...............
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

[رائد عبد السلام]

عمي العزيز سيد أبو زهدة :

مــــــــــّرة واحــــــــد من (سماعي )
شفته صُـــــــــدفة وكــــــان فيه داعي
لما قـــــــــــّربت لضـــــياه ..قلت ياه
من حلاوة كلمته ...عضيت صباعي
______________

كأنما عجنت فلسفة بيرم مع خفة ظل جاهين
مع زهد فؤاد حداد وأعطيتنا الخميرة المدهشة لجوهر الشعر المصري الجميل
تسلم لنا ياعم سيد
وتسلم قريحتك

[يحيى زكي]

الله

[abuzahda]

المشاركة الأصلية كتبت بواسطة رائد عبد السلام

عمي العزيز سيد أبو زهدة :

مــــــــــّرة واحــــــــد من (سماعي )
شفته صُـــــــــدفة وكــــــان فيه داعي
لما قـــــــــــّربت لضـــــياه ..قلت ياه
من حلاوة كلمته ...عضيت صباعي
______________

كأنما عجنت فلسفة بيرم مع خفة ظل جاهين
مع زهد فؤاد حداد وأعطيتنا الخميرة المدهشة لجوهر الشعر المصري الجميل
تسلم لنا ياعم سيد
وتسلم قريحتك

ياعمي رائد ، يا سيدي ، يا أستاذي
هو انت تغيب تغيب وبعدين تيجي تضحك عليا
بالحجج دي؟

علشان لما اقولك : شاورلي عالصح يا أستاذ
تقولي: لا ، معلش ! أصل لسة عاضض صباعي؟

مرة واحد كان فصيح
يسلب الألباب ، صحيح
زيّ أجدادنا ، ما قالوا:
الفصيح م البيض يصيح

.................................................. ..............
من ديوان "مرة واحد" للشاعر سيد أبو زهده (لم يطبع ).
الديوان عبارة عن 127 رباعية(جاهز للطبع) ، تبدأ كلها بجملة:
"مرة واحد"
(إختراع المصريين لقتل الملل)

[abuzahda]

المشاركة الأصلية كتبت بواسطة يحيى زكي

الله

الله
عليك انت يا أستاذ
يحيى زكي

لما استقام "الألف" حبت تكون ال "لام"
زيُّه تمَام ، أكدت بعض المعاني بـ "لام"
بَاديَه ف نهايتُه ال"هاء"، له كل خافي بدا
أزلي بلا مُبتدا، أبَدِي ومَالُه خِتَام
.................................................. .................
زي ماقال عمنا الشيخ فى وصف لفظ الجلاله العظيم

من ديوان الشاعر سيد أبو زهدة
"زي ما قالوا"

شرفني يا أستاذ يحيى زكي
هنا