أعمال من تنفيذ الفنان محمد الآلاتي

[د أنس البن]

عظمه على عظمه على عظمه
يا آلالاتى يا فنان يا ذوق

[عصمت النمر]

المشاركة الأصلية كتبت بواسطة mohamedafify

برنس يا ابو حسام والهىحاجة جميلة جدا ودا العادى بتاعك بتعرف تختار اللى يناسب فى اى شئ مع تحياتى محمد عفيفى

داانتو بتلاغوا بعض ياعنى ....يبقى هانسمعها بصوتك قريب وطبعا الآلاتى عمنا كلنا هو اللى يفنها
يارب قرب البعيد...مدد ياسيدى هلالى ..مدد يالىفى بالى

[ريما]

استاذ محمد هو طبعا انا محملتهاش من هنا

انا سمعتها اجبارى من الصفحه الرئيسيه

بس على فكره جميله جدا جدا وحضرتك

متالق كالعاده اللهم لا حسد يلا شد حيلك باه

منتظرينك فى المفاجاءه الاكبر ان شاء الله

[الألآتى]

إخوانى الأعزاء

بناءً على رغبة الأستاذ غازى الضبع ( أبو فارس )

إليكم اللازمة الموسيقية للكوبليه الأخير من أغنية ليلة حب غناء أم كلثوم .. ومن ألحان محمد عبد الوهاب ..

وفى الحقيقة لقد كانت تمثل لى هذه اللازمة علامة إستفهام كبيرة قبل أن أحترف أو أدرس الموسيقى ..

فلقد إستخدم عبد الوهاب فى بداية اللازمة .. ميزان إيقاعى 9 /8 .. وبالطبع هذا الميزان غريب وغير مألوف ..

وليست المشكلة فى الميزان نفسه .. لكن عبد الوهاب أراد أن يكمل اللازمة بميزان أخر .. هو الميزان الرباعى ..

وهنا كانت المشكلة .. كيف سيخرج من الميزان الأول ( 9 / 4 ) وهو ميزان فردى .. إلى الميزان الرباعى .. وهو ميزان ثنائى .. بالتأكيد لو خرج مباشراً .. كان سيحدث فجوة .. لأن هناك ضلع ناقص فى الإنتقالة ..

وبما أن عبد الوهاب ملحن خبير وصنايعى .. فعمد إلى الجيتار .. وأعطاه هذه المهمة .. فنجد أن الجيتار عزف حرفاً واحداً يساوى ضلعاً واحداً من المازورة .. وهذا الحرف المعزوف كان خارج الإيقاعان .. أى همزة وصل ليكمل الضلع الناقص .. وبذلك تخطى المشكلة .. التى صنعها بنفسه بالتأكيد .. فهو صنع المشكلة وصنع الحل .. ليبين لنا مقدرته الفذة على تلحين أى شئ وبأى شكل .. وليعطينا درساً فى كيفية وضع الخطط اللحنية .. وفى النهاية حصلنا وسمعنا لازمة جميلة تُحسب لعبد الوهاب ..

والغريب أن هذه النقلة إستنفرت أذن الأستاذ غازى وشدت إنتباهه .. وهو لم يدرس الموسيقى .. دليل على أن عبد الوهاب لم يعطى الدرس للموسيقيين فحسب ولكنه يعطيه للمستمع والمتذوق الذى لم يدرس الموسيقى ..

فشكراً للأستاذ غازى وشكراً لعبد الوهاب ..

إسمعوا وإستمتعوا ..

التنفيذ للعبد لله ..

[غازي الضبع]

أستاذنا المايسترو الكبير / أبو حسام
والله زي ما يكون قلبي حاسس
أنا واقف على باب منزلي ولابس وجاهز للنزول ( للصياعة ) في ليلة العيـد
وفجأة حاجة كده قالتلي أبص بصة سريعة على سماعي قبل ما أنزل
وإذا بي أجد هذه المقطوعة الرائعة لأستاذنا عبد الوهاب
أولا .. ألف شكر على إهدائها لي ، وعلى شرحك الجميع المعهود عنك يا عم محمد يا جميـل
وإن شاء الله لما أرجع ( الفجر وعليك خير ) يبقى لي عودة في التحدث عن هذه الدرة من درر الأستاذ عبد الوهاب ..
سلام مؤقتاً ..

[mandolin]

شكراً ل الأستاذ الألآتى على تسليط الضوء على إيقاع عادةً نسمعه في الموشحات والقوالب الموسيقية وهو إيقاع اقصاق على
ميزان 9 على 8 .
ونذكر في هذه المناسبة أغنية الحب كله التي لحنها بليغ حمدي واستعمل في المقدمة ميزان 13 على 4 او على 8 واستعمل ايقاع دور هندي 7 على 8 في الكوبله الآخير.

[الألآتى]

شكراً لأخى ماندولين على الإضافة والمعلومات ..

هو بالفعل إيقاع أقصاق .. وقد إستخدمه عبد الوهاب بشئ من التصرف .. والأجمل أنه إنتقل للمصمودى الصغير بكل حرفية ..

[عادل صموئيل]

اخى العزيز محمد الآلاتى
اشكرك على هذا العمل الجميل والذى تميز انك جبت الازمة بس مش الكوبليه كله عشان تسلط الضوء على المصائب الموسيقية والبلاوى اتى فيه
اول ماقريت طرحك للموضوع والردود انا وانت عارف انى لى نظرة على اى صورة من زاوية تانية غير اللى بيشوفها حد تانى
انا سرحت بخيالى فى عبد الوهاب واللى انا خبزته وعجنته وعرفت خباياه عارف تخيلت انه لو كان عايش وقرى الكلام اللى كتبتوه والتحليل لأبتسم ابتستمة الدهاء والخبث الموسيقى بتاعته لأن كلامكم الجميل ده حايخليه يحس انه عمل حاجة او وصل للشىء اللى هو عايز يعمله لأنه كان بيحب يعمل الشىء المتميز اللى مش حايعمله حد غيره
يعنى كتير كنا فى البروفات هو عامل لحن جملة 4/4 وينتقل ل جملة 3/4 اى ملحن عادى بيتكل على عازف الايقاع الشاطر اللى بيديك النقلة مضبوطة لكن عبد الوهاب كان بيحب يحط مصيبة فى النقلة ما حدش يتخيلها عشان يبقى عبد الوهاب
انا فى مرة اتخانقت مع موسيقى عمل نقلة كده وقال هو العادى بتاعها كده جننى وجبت له الشريط واقنعته لو عبد الوهاب عمل النقلة عادى كده زى ما الناس بتعملها يبقى مش عبد الوهاب لازم يعمل فيها ولو تكة صغيرة مختلفة
انا شفته كان بيقعد مع عازف ايقاع فطرى يشرب منه ايقاعات غريبة من اللى مش متداولة وبعدين يروح لواحد اكاديمةى يقننها له ويتفهمها اكاديميا تتحط ازاى عشان لما يخرج من ايقاع عادى للإيقاع الغريب ده يعمل نقلة تخلى الموسيقيين يتجننوا وتبقى نقلة متفردة ماحدش يجرؤ يعملها بعد كده
اشكرك الف شكر وفى انتظار المزيد من الاببداع

[MUNIR MUNIRG]

دي فص ماس مصفي
الالاتي بك......
انت ....... جواهرجي

[غواص النغم]

أحب أقول إن هذه الأغنية هي أحسن أغنية بالنسبة لي لعبدالوهاب وام كلثوم
اشعر عند سماعها أنني في عالم ملون جميل
مع انها في رأي مظلومة ولم تأخذ حقها كفاية
يعني مهما اسمعها لاأمل سماعها
شكرا لكم على هذا التحليل والردود الجميلة
كل عام وانتم بخير