أنا بتشكرك كتير عموضوعك الغني و اللي بيستاهل فعلا أنك تتهنى عليه و عالهالبادرة اللي رح تعرف الكل عهل الفرقة الغنائية الرائعة اللي فعلا بتتمتع بحس فني عالي لا غبار عليه... و بصراحة هي مو اول مرة بسمع فيون، أنا تابعت مسلسل ليس سرابا اللي أغنية شارة المقدمة فيه هي أغنية "روحي يا روح" الغنية طيرتلي عقلي من أول حلقة و حبيت المسلسل كرمالها، ذكروني رام بأغانيون بفنانة بلدي سوريا صاحبة أروع صوت المتألقة "لينا شاماميان" اللي بتتبع نفس الاسلوب من مبدأ احياء القديم بطريقة تحاكي الحداثة بصورة فنية مذهلة. بالفعل حاولت كتير دور عأغنية روحي يا روح. فرحت و اتفاجئت بنفس الوقت لما شفت موضوع بكاملو عنون بموقع سماعي اللي انا عضوة فيه من زمان... كانو غريق وصل لضفة الأمان بعد جهد جهيد و طلعت هالضفة بلدو الأم....
و بحب ألفت نظر الأعضاء انو كمان أغنية يا روح بتكون أغنية مسلسل نهاية رجل شجاع من بطولة أيمن زيدان...
وهي فرصة تانية لنتشكر الدراما السورية اللي بتوظف حتى الشارات أو الموسيقى التصويرية للتعريف بهالفن و اللي خلتني أنا شخصيا اسمع بفنانة اسمها لينا شاماميان من مسلسل وشاء الهوى و فرقة رام من خلال كل هالأعمال....
رد: أغرب وأجمل موسيقى تسمعها من فرقة " رام " الأردنية...
العرض الشجري