أخطاء نادرة في النص الغنائي

**بشير عياد** · #1 28/09/2008, 18h20

اقتباس:

المشاركة الأصلية كتبت بواسطة أبوكارم

حد سمع عن

أطلال أحمــــــــد ناجى

وفيه غلطه تانيه
إللى هايعرفها هاديله 75 قرش

(وعشان أسهلها عليكم هى غلطه حسابيه)

فين يا عمّ الخمسة وسبعين قرش ؟؟ فاضل يومين ع العيد وعايزين نجيب ملابس للعيال

**أبوكارم** · #2 28/09/2008, 22h33

اقتباس:

المشاركة الأصلية كتبت بواسطة بشير عياد

فين يا عمّ الخمسة وسبعين قرش ؟؟ فاضل يومين ع العيد وعايزين نجيب ملابس للعيال

بصفتك مؤرخ لأم كلثوم كان لازم تشرح للأجيال صغيرة السن أن أم كلثوم كانت تعمل حفلتها فى الخميس الأول من الشهر.. والمذيعه قالت 15 .. يعنى مستحيل يكون الخميس الأول يوافق 15 فى الشهر.. عشان كده هاخصم 25 قرش .
ثانياً بصفتك شاعر .. كان لازم تعطينا نبذه عن زميلك الشاعر أحمد ناجى .. إنتوا مش زملاء مهنه واحده وأكيد تعرفوا بعض .. عشان كده هاخصم 25 قرش أخرى .
كده يبقى باقى لك فى ذمتى 25 قرش .. هابعتهم لك على الإداره فى تونس بشيك مقبول الدفع .. يعنى قدامك شهرين لما الفلوس توصلك .. ساعتها تقدر تشترى خروف العيد .. أو ممكن تحج بيهم .
كل عام وجميع السماعيين بألف خير .

**بشير عياد** · #3 28/09/2008, 23h06

اقتباس:

المشاركة الأصلية كتبت بواسطة أبوكارم

بصفتك مؤرخ لأم كلثوم كان لازم تشرح للأجيال صغيرة السن أن أم كلثوم كانت تعمل حفلتها فى الخميس الأول من الشهر.. والمذيعه قالت 15 .. يعنى مستحيل يكون الخميس الأول يوافق 15 فى الشهر.. عشان كده هاخصم 25 قرش .
ثانياً بصفتك شاعر .. كان لازم تعطينا نبذه عن زميلك الشاعر أحمد ناجى .. إنتوا مش زملاء مهنه واحده وأكيد تعرفوا بعض .. عشان كده هاخصم 25 قرش أخرى .
كده يبقى باقى لك فى ذمتى 25 قرش .. هابعتهم لك على الإداره فى تونس بشيك مقبول الدفع .. يعنى قدامك شهرين لما الفلوس توصلك .. ساعتها تقدر تشترى خروف العيد .. أو ممكن تحج بيهم .
كل عام وجميع السماعيين بألف خير .

الله يكون في عون اللي يفاصل معاك !!!
ربع جنيه يا دوب ربع بيضة مش خروف ... أنا مسامح !!
لم أقل إنه من المستحيل أن يكون الخميس الأول هو 15 ( بصفتي مؤرخا لأم كلثوم ) لأنها غنت كثيرا في غير الخميس الأول ( في المناسبات الوطنية كثورة يوليو وأعياد الشرطة ، وفي الحفلات الخيرية ) ، ثم إنني سارعت لأكون أول من يرد عليك لأحجز الخمسة وسبعين قرش قبل الآخرين ، ألاقيك طيّرت منها خمسين وعايزني أهبد مشوار لتونس من أجل ربع جنيه !! لا يا عم ، أنا أروح أشكيك لأخينا محمد زمنطر وعمنا امحمد شعبان وأرجع !!
ـ زميلي أحمد ناجي ليس شاعرًا ، أحمد ناجي الذي أعرفه هو مدرب حرّاس المرمى بالنادي الأهلي ( وهو بلدياتي من كفر الدوار ، وقريبي قرابة بعيدة من ناحية المصاهرة ) ، وكان الكابتن أحمد قد دخل مجال الفن وأصدر شريطا غنائيا بعنوان " هزّ شباك القلب " ولم يلقَ نجاحا ، والحمد لله كسبناه مدربا كبيرًا يدرّب وحوش النادي الأهلي الذين هم ( سدود ) أمام الفرق الأخرى ، سواء في الأهلي أو المنتخب ، ولو واصل مشواره في الغناء لكان زمانه الآن يتلقى منا ما يتلقاه هؤلاء الـ .... ، لكن الحمد لله أن ذهب في الاتجاه الآخر.
ـ أما القفشة فعندما نقلتها واستمعت إليها بقيت أتمرّغ من الضحك عندما قالت المذكورة الشاعر أحمد ناجي ،، وجبة من الجهل على الهواء مباشرة ، قالتها ومضت وكأنها لم تفعل شيئا !!!
و.... خـُد دي عندك : مرّة كنتُ أسجّل حلقة عن " أراك عصيَّ الدمع " ، قبل التسجيل اقترحت عليَّ المذيعة أن نتطرّق إلى الظروف التي جمعت بين أم كلثوم وأبي فراس ( شاعر الأغنية ) ، فسرحت بيها وقلت إنها كانت في زيارة إلى سوريّة ، وقام أحد الصحفيين بتقديمه لها ، وأسمعها القصيدة فأصرت على غنائها ووووو .... ، والمذكورة مندهشة وفاغرة ٌ فاها بوسع الهويس ، وبعد صمت قلت لها : أبو فراس مات قبل أن تغني أم كلثوم هذه القصيدة ( بلحن السنباطي ) بـ 996 سنة !!
تخيّل أنتَ شكلها ، لدرجة أنني أخدتها في فاصل نكت وحكايات بره الموضوع حتى لا يظهر كسوفها على الشاشة ويظن الآخرون ظنا سيئا والعياذ بالله !!!

**hanyelwed** · #4 06/10/2008, 22h10

الاساتذه الافاضل لى سؤال الفنان محمد عبد المطلب غنى السبت فات والحد فات وبعد بكره يوم التلات لما السبت فات والحد فات يبقى هو غنى امتى ؟؟؟ الاحد الساع 12 بالليل مش ممكن السبت فات والحد فات اذن الاحد منقضى مثل السبت يعنى لو هو غنى الاثنين مش هايكون بعد بكره التلات حبيبى الاستاذ حسن كشك يا ريت تحل الموضوع ده

**جابر الحسيني** · #5 07/10/2008, 17h19

اقتباس:

المشاركة الأصلية كتبت بواسطة hanyelwed

الاساتذه الافاضل لى سؤال الفنان محمد عبد المطلب غنى السبت فات والحد فات وبعد بكره يوم التلات لما السبت فات والحد فات يبقى هو غنى امتى ؟؟؟ الاحد الساع 12 بالليل مش ممكن السبت فات والحد فات اذن الاحد منقضى مثل السبت يعنى لو هو غنى الاثنين مش هايكون بعد بكره التلات حبيبى الاستاذ حسن كشك يا ريت تحل الموضوع ده

ملاحظة جميلة دمها خفيف بجد ضحكتني يا أخ هاني، لما قريت كلامك رحت جاري أسمع الغنوة (جميلة طبعا)، راحت منكم فين دي يا عمالقة المنتدى

.
بس أنا عندي حاجتين أقولهم : أولا ممكن نعتبر إن المعنى صحيح على اعتبار إن طلب بيغني في آخر يوم الأحد و تعبير الأحد فات هنا شائع زي لما بنقول في الأيام الأخيرة لشهر رمضان مجازا "رمضان عدّى و فات خلاص" هل هذا يعني بأن رمضان فات فعلا لأ دا معناه إن رمضان قرب ينتهي، و هذا هو المعنى المقصود في الأغنية إن يوم الأحد قرب ينتهي يعني احنا لسّة في يوم الأحد و بعد بكرة يطلع يوم الثلاثاء زي ما غنى طلب. و ثانيا حتى لو كان المعنى غلط يوم الثلاث حتطلع أحلى من يوم لربع و هي الأنسب للضرورة الشعرية يعني تخيل معايا عبد المطلب بيقول " السبت فات و الحد فات و بعد بكره يوم لربع " يا خبر إوسد

دا كان حيبقى يوم أربع مش فايت.

**د.حسن** · #6 07/10/2008, 18h10

اقتباس:

المشاركة الأصلية كتبت بواسطة jaber_afandi

ملاحظة جميلة دمها خفيف بجد ضحكتني يا أخ هاني، لما قريت كلامك رحت جاري أسمع الغنوة (جميلة طبعا)، راحت منكم فين دي يا عمالقة المنتدى.

أخى الغالى أ. جابر الحسينى
كلام حضرتك صح فى إنه غناها يوم الأحد بالليل
فتجاوزاً يبقى يوم الأحد فات ويظل الواحد منا يقول
بكرة الإثتين وبعد بكرة الثلاثاء
وقد كانت الإذاعة المصرية (زمان) بتذيع الأغنية
دى بالذات يوم الأحد بالليل !!
ومازلت معكم فى انتظار عمالقة المنتدى للرد على سؤالكم
مع تحياتى

**د.حسن** · #7 12/10/2008, 03h32

وهذه غلطة نادرة للعندليب
وهو يقوم بتقديم أغنية مداح القمر
حيث أفاد أن الأغنية
تأليف الشاعر الشاب الأستاذ محمد حمزة
تأليف موسيقارنا الشاب الأستاذ بليغ حمدى !!!
مع تحياتى

**حسن كشك** · #8 16/10/2008, 00h17

اقتباس:

المشاركة الأصلية كتبت بواسطة hanyelwed

الاساتذه الافاضل لى سؤال الفنان محمد عبد المطلب غنى السبت فات والحد فات وبعد بكره يوم التلات لما السبت فات والحد فات يبقى هو غنى امتى ؟؟؟ الاحد الساع 12 بالليل مش ممكن السبت فات والحد فات اذن الاحد منقضى مثل السبت يعنى لو هو غنى الاثنين مش هايكون بعد بكره التلات حبيبى الاستاذ حسن كشك يا ريت تحل الموضوع ده

بص ياعم ....hanyelwed
غنى طلب السبت فات والاحد فات وبعد بكره يوم الثلاث .... كلام صح ازاى ؟
هو غنى يوم الاحد مساء .....يعنى حوالى الساعة الحادية عشر وقبل الثانية عشر... وبالتالى انتهى تقريبا يوم الاحد وغد الاثنين وبعده الثلاثاء
لو اخذنا هذا التوقيت ... فان كلام طلب صحيح
السبت فات .... وادى الحد فات يعنى فى اخر ساعاته الليليه... وبعد بكره الاثنين سيكون يوم الثلاثاء ميعاد حبيبه
ايه رأيك تنفع

**هشام سليمان** · #9 16/10/2008, 02h04

بص يا استاذ حسن انت لو عايز نخليها تنفع ماشى الحال احنا صحاب ولازم منختلفش بس مش هاقول لك اصحاب ازاى
بس هو قال السبت فات (اذن منقضى) والحد فات (يبقى شرحه ) لو بالليل يوم الاحد ولو 11 ونص 12 يبقى ده يوم الاحد
ولو الساعه 12 بالليل على بال ما هو كان غنى الاغنيه كان بقى يوم الاثنين الصح ايه بقى (هو غلط فى الحساب )
أأقصد كاتب الاغنيه وهو رحمه الله سمع كلامه وغناه كمان وسلم لى بقى على محمود العيادىويا ريت تبقى تجيبه وتيجى

والعبد يقرع بالعصا واللبيب بالاشاره يفهم

**tarab** · #10 16/10/2008, 02h38

الرد من الاستاذ Talab في المشاركه رقم 3 في هذا الموضوع.............

http://www.sama3y.net/forum/showthread.php?t=237

في يوم الزفاف, دعى عبد الوهاب العديد من الفنانين و من بينهم محمد عبد المطلب, و ما كانت عظيمه مفاجئة الحاضرين حي غنى طلب أغنية "السبت فات و الحد فات" و كأنه كان على علم بقضية سفر عبد الوهاب إلى دمشق....و لسبب إحترامه للحياة الخاصه و عدم إحراج عبد الوهاب أمام الجميع , أبدل طلب كلمة "الاربعاء" في أغنيته بـ كلمة "التلات" و بقي الامر مستورآ....ـ