معزوفات على الكمان للأستاذ عادل صموئيل

[عمرو الهنداوي]

استاذ عادل السلام عليكم

"حديث الروح" اختيار جميل فى شهر كريم
وكنت موفق فى اختيارك

الحقيقة فى اكتر من حاجة لافت نظرى فى اللحن والعزف دة بالذات:

1. اولا: الاغنية صعبة جدا لان السنباطى اراد من الاغنية دى هى والاطلال بالذات (توصيل مشاعر وجو روحى معين) غير معتاد الجمهور البسيط على سماعه من ام كلثوم (فاستخدم اوزان وتفاعلات وجمل ومقامات موسيقية مختلفة ) بشكل عجيب وسبحان الله فى موهبته وهو اجاد فى هذا.

2. اما دورك انت (كعازف ومتذوق للحن) فكان "صعب صعب" فى لحن زى كدة وكمان صولو الة واحدة؟ فالصعوبة تزيد اكتر واكتر والصعوبة ليست فى عزف النغمات والحليات والتنقل بين الجمل الطويلة والقصيرة والعالية والمنخفضة فقط ولكن كمان الصعوبة هى فى توصيل الجو الروحى والشعور الذى ارده السنباطى فى لحن صعب وملئ بالحليات والتنقلات الغربية على الموسيقا العربية بالشكل دة وانت نجحت فى توصيل كل هذا بكفاءة عاليه ودة رايى انا وانا مسؤل عنه.
3. واضح من عزفك الدرجة التى وصلت اليها من الخبرة والممارسة والتذوق السماعى بلا شك
4. كمان عجبنى انك بتعزف اللحن كما غنى بدون حرف زائد او ناقص وبشكل كامل وبدون حذف الاعادات
5. اجمل ما فى عزفك كان المقدمة الموسيقية فكانت روعة بجد والكوبليهات بالذات اول واحد فكان يغنى لوحده ولكن كوبليه " عبدوا الكواكب والنجوم" فكان عزفك للموسيقا اجمل وادق من عزفك موسيقا الكلام. روبما يكون السنباطى لم يدقق على لحن الكلام فى الكوبليه دة لقوة الموسيقا فى الكوبليه نفسه وانا فى الحقيقة عمرى ما شوفت نوتة لهذا اللحن صحيحة لكنى اثق انك شخص امين توصل الشىء كمان كان.
6. كنت فى فترات من الاغنية بسمع حاجة زى مترونوم!! كنت بسمع شىء يدوق بتريب ميزان اربعة على اربعة والله اعلم.
7. العزف على اوكتاف مرتفع لبعض النغمات والجمل مع قلة الكوالتي مشكلة. ارجوك حسن الكولتى شوية ولو شوية ضغيرة وارفع الاغنية على مراتين لو فى مشكلة فى الحجم.

اخيرا شكرا لهذا الجمال واختيارك موفق وعزفك ممتع
رمضان كريم
وبالتوفيق