الى المبتدئين والمتوسطين فى كتابة النوتة الموسيقية - الصفحة 2

**وعدالعيون** · #1 23/08/2009, 04h32

انا محرجة انى اطلب منكم انى اكون طالبة منكم لانى عمرى ما تعودت اقرا النوتات الا بهذا الشهر على الرغم انى بعزف اورج منذ 6 سنوات لكن ساحاول انى اكتب نوتة لاى موسيقي قد عزفتها مسبقا (حسب تعليمى المبتدئ بالنوتة ) و مراعاة لانى علمت نفسي بنفسى
سؤال بسيط منكم انا ضعيفة في السماعى بمعنى انة صعب على عزف اى مقطوعة اسمعها الا نادرا جدا فهل هذا دليل على انى غير ماهرة بالعزف ام ماذا؟؟؟؟

**عادل صموئيل** · #2 24/08/2009, 13h30

اقتباس:

المشاركة الأصلية كتبت بواسطة وعدالعيون

انا محرجة انى اطلب منكم انى اكون طالبة منكم لانى عمرى ما تعودت اقرا النوتات الا بهذا الشهر على الرغم انى بعزف اورج منذ 6 سنوات لكن ساحاول انى اكتب نوتة لاى موسيقي قد عزفتها مسبقا (حسب تعليمى المبتدئ بالنوتة ) و مراعاة لانى علمت نفسي بنفسى
سؤال بسيط منكم انا ضعيفة في السماعى بمعنى انة صعب على عزف اى مقطوعة اسمعها الا نادرا جدا فهل هذا دليل على انى غير ماهرة بالعزف ام ماذا؟؟؟؟

الأخت وعد العيون
اولا اهلاً بكى فى المنتدى واحب اقول لك ان حظك حلو انك دخلتى المنتدى ده لأن حتلاقى فيه كل احتياجاتك
انا الموسيقار عادل صموئيل من مصر ارحب بيكى واحب ارد على كل كلمة قلتيها اولا ماعندناش كلمة محرحة يعنى مافيش احرلج بيننا احنا كلنا اصدقاء وبحب بعض الكبير زى الصغير والمبتدىء زى الخبير والخبير لازم يرد حق الموهبة اللى اعطاها له ربنا بأنه يحاول يفيد كل الناس من خبرته يعنى بغختصار تطلبى كل اللى تحتاجيه من غير إحراج
ثانياً انتى قلتى بتعزفى اورج من 6 سنوات وابتديتى تقرى نوتة من شهر واحد فقط بس ما تحسبيش ان الوقت اللى فات ضاع يعنى ممكن يتعوض وانا ( بصفتى مدرس موسيقى اصلاً ) انتى فيكى ميزة مهمة ان عندك خلفية موسيقية يعنى انا لو عندى اتنين طلبة واحدة زيك وواحدة عايزة تبدأ من الصفر يعنى عمرها ماعزفت طبعاً انتى افضل 100 مرة زى مثلاً طالبة فى سنة تالتة فى كلية العلوم مثلاً لو اتكلمت معها فى العلوم اكيد حاتستوعب اللى بقوله اكتر من بنت فى تانية إعدادى , انتى قلتى انك حتحاولى تكتبى نوتة لأى موسيقى وانا انصحك انك ماتعمليش كده على طول لأن الكتابة لها اصول ماتستعجليش يعنى , انتى لو عايزة تتعلمى بجدية انا حاعتبرك كانك زاحدة من تلاميذى الكتير فى المنتدى بس أهم حاجة الجدية , واديكى اول درسين ودلوقت ولو عايزة تكملى خاطبينى ونكمل
اول درس النوتة او الكتابة الموسيقية دى لغة زيها زى اى لغة فى العالم بس ميزتها انها لغة عالمية يعنى اى حد بيقرأ نوتة فى العالام لو انا كتبت نوتة حايعزفها بغض النظر عن لغته الأصلية , وانتى لو عايزة تتقنى لغة غربية عليكى زى تخيلى اللاغة الصينية مثلاً الحروف عندهم بيتبقى رسومات يعنى اول شىء لازم تحفظى الحروف صم
يعنى الأيجدية بتاعتهم الأف والباء والتاء وهكذا , لأن بعد ماتعرفى الأبجدية وتعرفى نطق الحروف حاتبتدى تتعلمى الكلمة تتقرى ازاى ومعناها وهكذا زى ما اتعلمتى فى الدراسة الإنجليزى والفرنساوى , واللغة او الكتابة الموسيقية عبارة عن مدرج موسيقى خمس خطوط بينها اربع مسافات تتكتب عليها النغمات وكمان فيه خطوط إضافية , دول لازم تحفظيهم صم ومتلخبطين مش مترتبين يعنى اسألك تانى خط إيه تقولى صول رابع مسافة ايه تقولى مى وهكذا
تانى حاجة العلامات الإيقاعية يعنى الزمن اللى بتستغرقه كل نغمة اللى هم النوار والبلانش وهكذا بعد ماتحفظى دول ممكن تبتدى تمرين بسيط بس تحسى انك وصلتى لشى لما تقريه على طول مش تستهجى لن الموسيقى مش بتحتاج تهتهة لأن انتى حاتعزفى اللى بتقريه وطبعاً مش حاتعزفى حرفين وتقفى تفتكرى الحرف التالت إيه وبعد ما تقرى التمرين البسيط انتى عندك ميزة انتى بتعزفى اورج انك تعزفى التمرين البسيط ده بعد كده نمسك تمرين تانى وهكذا ونتدرج شوية شوية فى الصعوبة حتلاقى نفسك وصلتى لمرحلة حاتحسى انك عملتى إنجاز , بعدين نعمل خطوة كبيرة اكتر تدخلى قسم طلبات النوت هنا فى المنتدى حاتلاقى كمية كبيرة جداً من النوت انا مدونها بنفسى بناء على طلبات الأخوة الأعضاء تبصى فيهم وتختارى اسهل الحان وتبتدى تقريهم زى ماقلت وبعدين تعزفيهم وبالتدريج حاتبقى عازفة اد الدنيا المهم فى الموضوع الجدية واستغلى فترة قبل دخول الجامعة تعملى فيها انجاز يخليكى اثناء الدراسة تعملى انجاز اكبر فى وقت اقل
مع اطيب تحياتى وانا تحت امر الكل واحب اساعدهم بدون مقابل
عادل صموئيل

**خليل ابراهيم** · #3 13/10/2009, 10h54

الاستاذ الفاضل عادل
الاستاذ المحترم الالتي
ارجو التكرم وقبولي تلميذ لديكم انا اعزف على(العود-البزق الشرقي-الناي) كما اني مطرب وملحن ولي تجارب لاباس بها من الالحان وضعت احداها في قسم المبدعين (ارجو الاطلاع وابداء الراي) ولكني ضعيف في استخدام البرامج التي تساعد على التنويت وليس لي علم فيها كما اني ارغب بشدة ان تكون لي القدرة على التنويت مع العلم اني ملم بجميع مصطلاحات النوتة الموسيقية ويمكنني عزف اي مقطوعة اذا كانت مسموعة لي من قبل ارجو النصيحة ولكم جزيل الشكر والاحترام

**منذر عبود** · #4 14/10/2009, 09h20

اقتباس:

المشاركة الأصلية كتبت بواسطة خليل ابراهيم

الاستاذ الفاضل عادل
الاستاذ المحترم الالتي
ارجو التكرم وقبولي تلميذ لديكم انا اعزف على(العود-البزق الشرقي-الناي) كما اني مطرب وملحن ولي تجارب لاباس بها من الالحان وضعت احداها في قسم المبدعين (ارجو الاطلاع وابداء الراي) ولكني ضعيف في استخدام البرامج التي تساعد على التنويت وليس لي علم فيها كما اني ارغب بشدة ان تكون لي القدرة على التنويت مع العلم اني ملم بجميع مصطلاحات النوتة الموسيقية ويمكنني عزف اي مقطوعة اذا كانت مسموعة لي من قبل ارجو النصيحة ولكم جزيل الشكر والاحترام

أخي خليل نورت المنتدى
بالنيابة عن الأستاذين الفاضلين عادل صموئيل ومحمد الآلاتي
المواصفات التي ذكرتها جيدة طالما أذنك السماعية جيدة وتعرف مبادىء التدوين الموسيقي البرامج الكومبيوترية تسهل لك العمل كثيرا
كما بدانا جميعا ابدا من عند الأستاذ عادل من هنا على هذا الرابط

http://www.sama3y.net/forum/showthread.php?t=52797

**خليل ابراهيم** · #5 14/10/2009, 13h06

الاخ العزيز منذر عبود(صحيح ما بحن ع العود غير قشرو)

لك جزيل الشكر لردودك على مشاراكاتي من طلب النوتة ونصيحة برنامج الذي ينصح به الاستاذ عادل وانشالله استفيد منه

وارجو منك الدخول والاستماع لتجربتي اللحنية وابداء الرئي
ولك الشكر والتقدير

**wassmasster** · #6 09/06/2010, 23h16

والله ..مشكور يا استاذ على المجهود الرائع...