النوتة الموسيقية بين الفوائد والعقبات

[عمرو الهنداوي]

شكرا استاذى على الرد واسف لتاخر الرد دايما
الحقيقة انا بحب اقرا كلام حضرتك اكثر من مرة وعلى فترات متباعدة و احاول افهم ابعاد كل كلمة بالضبظ حتى افهم كويس ما تريد ان تشرحه

وهذا يجعلنى اتاخر فى الرد فا المعذرة. حضرتك اضفت ليه معلومة جديدة والله ما قراتها فى الموسيقا الغربية وهى ان جريس نوت عبارة عن زمن مسروق من النغمة التى تليها وانا فهمت كدة هى ليه بتعزف قبل كل النغمات الطويلة عادا.

بالنسبة لبرنامج انكور انا لا استخدمه ولكنى سابحث عنه واجربه لانك بتقول انه سهل جدا.
بالنسبه للحليات هى فعلاا تسبب مشكله فى الاول للمبتدائين لانهم لايعرفون ما هى وكيف تعزف وباى سرعه وبتكون مكتوبه بخط صغير مما يصعب ان تحدد نغماتها فى الاول لكن مع الوقت بيكون ما فى مشكله. قرءت باهتمام راى حضرتك وراى استاذ شكيب والحقيقة انتم الاثنين صح بس الموضوع هو اختلاف العصر وسرعة التسجيل وكدة . زمان الفرقة كانت اسرة واحدة لكن دلوقتى لا.المهم ان الحليات تستخدم بدون مبالغة ولا تخل باللحن.
عاوز اقول للعازف الشاطر شكيب انى اتفق معه فى ان تكون النوتة مكتوبة كويس وشامله كل شىء لان النوتة هى وسيله نقل اللحن كما يقول استاذ عادل لكن فى نفس الوقت البساطة واليسر والسهوله اشياء مطلوبه ودة كان نجاج نوتات الماسية زى ما قال استاذ عادل.
وعلى فكرة انا شوفت نوتات للآستاذ عادل وهى غاية فى البساطة والجمال ويستطيع عزفها كل انسان مهما كان قدراته الموسيقية وكمان شوفت نوتات مكتوبه بيد استاذ شكيب وهى جميلة ايضا وكامله لكنها صعبة بعض الشىء فى بعض الجمل لكن مع الوقت والتدقيق السليم بصير الموضوع عادى.
الاجمل فيكم انتم الاثنين انكم بتعزفوا كمان فى غاية الجمال والروعة وسبحان الله مع انه اللحن واحد والالة واحدة الا كل واحد فيكم له اسلوب وسر خاص على الكمان.
بالتوفيق لكم جمعيا