معزوفات على الكمان للأستاذ عادل صموئيل

**عادل صموئيل** · #1 18/08/2008, 22h22

احبائى
اقدم لكم من روائع بليغ حمدى لأم كلثوم فى الزمن الجميل
كل ليلة وكل يوم
اتمنى ان تسعدوا بها
لأقدم لكم شقيقاتها

**عمرو الهنداوي** · #2 18/08/2008, 23h41

شقيقاتها

اة فى "الغالب انساك" او "حب ايه" او "انا وانت ظلمنا الحب"
بس فى الغالب انساك الان المقام هو نفس مقام كل ليله "راست"
وكمان "انساك وكل ليله" تقريبا يحملوا نفس مشاعر الشوق والاشتياق والبعد والهجران

يالله مش مشكلة لو طلعت غلط المهم اننا حنسمع لحن "كمان من الكمان" من استاذ عادل

**بشير عياد** · #3 22/01/2009, 00h06

اقتباس:

المشاركة الأصلية كتبت بواسطة عادل صموئيل

احبائى
اقدم لكم من روائع بليغ حمدى لأم كلثوم فى الزمن الجميل
كل ليلة وكل يوم
اتمنى ان تسعدوا بها

لأقدم لكم شقيقاتها

كُلّ نار تصبح رماد مهما تقيد
إلا نار الشوق في يوم عن يوم تزيد
ــــ
ياااااااااااااااااه !!!!!!
من تاني يا أستاذ !!!!

**صباح الصغير** · #4 02/02/2009, 20h10

شكرا شكرا لك يااستاد عادل والله ابداعاتك جعلتني انتمي الى المنتدى هذا المنتدى الرائع الجميل ...
دمت يااستاذ ودامت معزوفاتك الجميله .... تحياتي لك .. من العراق ... عازف كمان

**صباح الصغير** · #5 09/02/2009, 04h56

اين انت ياستاد عادل ؟؟ عسى ان تكون بخير وسلامه..
مشتاقيلك ومشتاقين لعزفك الجميل الماسي ...
عايزين . حاول تفتكرني .. ونبتدي منين الحكايه .ووووو
تحياتي الك .. صباح الصغير .من العراق

**emanmusictaymou** · #6 09/02/2009, 09h47

أستاذى الفاضل(أستاذ عادل)
تسلم ايدك على المعزوفات الرائعة وعلى اداء حضرتك اللى كله رشاقة وتمكن.بجد لما سمعت ليال الشرق حسيت انى ركبت بساط وطيرت بيه لزمن الفن الجميل اللى كان نفسى اعيش فيه.بجد اتمنى المزيد والمزيد, واتمنى ان كل الاجيال الجديدة تسمع وتتعلم ازاى يكون الاحساس فى الاداء مش مجرد نوتة محفوظة وبنسمعها وبس.
بجد اضافت يا استاذ عادل .
بالتوفيق دائما

**emanmusictaymou** · #7 09/02/2009, 17h08

أستاذى الفاضل(أستاذ عادل)
سمعت اداء حضرتك لأغنية أحبك للجميل حليم, رغم ان مفيش فى رقة احساس حليم فى الاغنية دى, ألا ان حضرتك بأدائك وصلتنا لنفس الرقة دى . بجد اداء راقى جدا وواضح جدا حبك الشديد للكمان . ونفسى اسمع من حضرتك ( عنيا مهما قالوا عنك) للعظيم فريد الأطرش. ممكن؟؟؟
عموما بالتوفيق دائما

**عادل صموئيل** · #8 09/02/2009, 18h01

احبائى
اولا اشكر كل من تفضل بالرد على معزوفاتى وقد شجعتمونى لأقدم الاحلى وكل طلباتكم اوامر فى القريب العاجل
اليوم وبعد انتهاء احتفالية ام كلثوم او عيد ام كلثوم ازف اليكم هذه العروس الجديدة وانا انتظرت حتى تنتهى الاحتفالية لأنكم كنتم ساعتها تسمعون ام كلثوم وانا لابد ان انتظر واعزف بعد ام كلثوم واغنية اليوم لها عندى مذاق مختلف وتاريخ مختلف انك كل اغانى ام كلثوم التى سبقتها سمعتها فى الراديو وتلك اول مرة اغنية اشترك فيها كعازف يعنى اول لحن لأم كلثوم اراه يولد امامى حرفاً حرفا , والطريف انى اول ماسمعت سمعته من عبد الوهاب اذ لم تكن ام كلثوم تستعمل النوتة الموسيقية وكان الملحن يمسك عوده ويقوم بتحفيظ الفرقة جملة جملة , ثم بعد اتمام الحفظ يقوم الملحن بالتعديلات وتستغرق البروفات شهر ونصف تقريبا يوميا من العاشرة صباحا , اول بروفة غنى عبد الوهاب المقطع الثانى , قابلنى والأشواق ف عينيه طبعا انتم ادركتم انها
ودارت الأيام
من مفارقات هذا اللحن اللطيفة المقطع الذى تغنى فيه وصفولى الصبر بعد ان اتقنته ام كلثوم لم تقتنع ان تغنى ( عينى عينى ع العاشقين ) لأنها كانت نقلة بعيدة جدا عنها او عن اساليبها فى التطوير ولم يكن عبد الوهاب بالذى يستسلم او يتكلثم قال لها انا اغنيها وكانت لعدة ايام تغنى وصفولى الصبر وهو يغنى عينى ع العاشقين مرة قال لها انا اجى الحفلة واغنيها معاكى وبالتدريج وبدهاء عبد الوهاب وجدت نفسها تغنيها وابدعت فيها ولو تلاحظوا ان لهذا المقطع ثلاث قفلات , هنا اقدم لكم هذل اللحن الرائع للذكرى وللتاريخ لم اترك حرفا او نفسا او سكتة فيه لم اعزفها وذلك انى عندما اعزف اتخيل عبد الوهاب واقفا امامى كما كان دائما واعزف اللحن كما يريده هو , وهذا اللحن لو تتخيلوا صعوبة تنفيذه بآلة واحدة مثل الجواد الذى يقفز الحواجز النقلات السريعة بين القرار والجواب والجيتار الذى كان يعزف على اكتر من وتر حاولت ان لا انقص من اللحن شيئاً وملحوظة اخرى يوجد فى الكوبليه الاول ( قابلته والاشواق ) صولو قانون لما تسمعون تسجيل ام كلثوم الاصلى تجدوا الجمهور يصفق تصفيقاً حاراً اول مابدأ محمد عبده صالح فى العزف وانتم هنا تسمعون تسجيل الحفلة الثانية اذ مرض محمد عبده صالح فى البروفات ولم يشترك فى الحفلة الأولى وعاد فى الحفلة الثانية وكان الصولو مفاجأة للجمهور , اشكركم على حسن استماعكم واتمنى ان تسعدوا بها

**عادل صموئيل** · #9 14/02/2009, 12h39

اقتباس:

المشاركة الأصلية كتبت بواسطة emanmusictaymou

أستاذى الفاضل(أستاذ عادل)
سمعت اداء حضرتك لأغنية أحبك للجميل حليم, رغم ان مفيش فى رقة احساس حليم فى الاغنية دى, ألا ان حضرتك بأدائك وصلتنا لنفس الرقة دى . بجد اداء راقى جدا وواضح جدا حبك الشديد للكمان . ونفسى اسمع من حضرتك ( عنيا مهما قالوا عنك) للعظيم فريد الأطرش. ممكن؟؟؟
عموما بالتوفيق دائما

ألأخت العزيزة إيمان
اشكرك على ردك الجميل واقدم لكى وللأحباء جميعا
عينيه مهما قالوا عنك