كريزة
منقول الدنيا كريزة...والمصاري عزيزة
الشكوى فينا عادة...وحب الجخ غريزة
العمار قايم قاعد...وآلاجار ماسك وشادد
والجخ كتران وزايد...ما في شي أبداً كاسد
كل يوم في خطبة وإكليل...وعلى كل باب أتونوبيل
ما حدا بيقنع بالقليل...كلنا ساحبين عالطويل
ما حدا بالضيقة شاعر...كلنا عايشين أكابر
منقامر ومنخاطر...وفاتحين بانزين عالآخر
القهاوي مليانة...والبارات عمرانة
والسينمات غنمانة...والشبان سهرانة
والسيتات بطرانة...ما في بضاعة كزدانة
المستقبل يخوف...وأكل الهوى بيكلف
والنلس بردو بتكيف...بتشتي وبتصيف
ومنقول الدنيا كريزة
رد: عمر الزعني
العرض الشجري