معزوفات على الكمان للأستاذ عادل صموئيل

[عادل صموئيل]

احبائى
اقدم لكم من روائع عبد الوهاب
بفكر فى اللى ناسينى
اتمنى ان تحوز رضاكم

[عادل صموئيل]

احبائى
اقدم لكم لون جديد
من ابداعات
الفنان محمد قنديل
تلات سلامات
اتمنى ان تحوز رضاكم

[mohamedafify]

اخى الحبيب عادل اللة ينور عليك انا مكنتش واخد بالى ان المعزوفات بالكمان الجميلة دى تخصك نزلت منها حاجات كتير وسمعتها منتهى الروعة وعلى فكرة والدى كان بيعزف كمان بس لم يشتل بية كان بيعزف لمزاجة وعندى كمان تشيكى من حوالى 300 سنة نفسى تنورنى وتشوفة واسمعك الشغل الخاص سمعت بفكر فى اللى ناسينى حاجة روعة نفسى فى قعدة مع عملاق زيك عشان اتعلم اغنى صح مع تحياتى محمد عفيفى

[mohamedafify]

اية الجمال دة يااستاذ عادل سمعت ايظن ابداع واللهى واحساس عالى جدا اللة ينور عليك انا فى انتظار المذيد من هذة الروائع عشان نتمتع مع تحياتى محمد عفيفى

[عادل صموئيل]

احبائى
اقدم لكم اليوم تحفة من تحف ام كلثوم و السنباطى ودرة من درر التحدى والتى انا والحمد لله متخصص فى اداء هذا النوع من الاغانى وهى احدى شقيقتين اقدم اليوم الشقيقة الاولى
جددت حبك ليه
وهى من اجمل واصب الدرر الغنائية ولم لا اعتقد ان احدا يتطرق الى هذا النوع من الاغانى
واقدم لكم الشقيقة الاخرى فى القريب العاجل
اهدى هذا اللحن للأخ الفنان محمد عفيفى
والذى انصحه بأن يغنى هذه الاغانى الصعبة حتى لنفسه فقط فبها من الدروس الموسيقية ما استغرقنا فى الاكاديميات سنوات ولم نتعلمه مثل ما نتعلم فى اغنية من هؤلاء
كما اهدى الاغنية لأحباء فى المنتدى اعرف انهم سيسعدوا بها واعدكم بالكثير القادم
فيه كلمة احب يعرفوها الشباب انا من كتر شغلى مع السنياطى وعزفت امامه اعزف هذا اللحن هنا احس انه جالس يسمعنى وانا اعزفها له وعارف هو بيحبها ازاى وازاى يبتسم ومتى يقول الله ومتى يشتم ومتى يضرب بأى شى يصل الى يده
وكلمة لكم ايها الشباب احفظوها تخيل صاحب اللحن بيسمعك واديها بالشكل اللى يخليه يطرب ويقول لك الله وانا اسمع هذا اللحن الآن اثناء الرفع ونيابة عن السنباطى حاسس انه قد طرب من عزفى لأنى اول من بنقد نفسى

[عمرو الهنداوي]

استاذ عادل السلام عليكم

هو حضرتك بتعزف الاغانى الجميلة دى من نوتات ام من سماعك وخبرتك فقط؟
وكمان ليه حضرتك ماتحوليشى تعيد توزيع الاغانى دى ببرامج هندسة صوتية حيث ايقاع وجودة تسجيل وهارمونى وكدة
كمان فين حضرتك النوتات الاصلية لام كلثوم التى كانت الفرقة بتمرن عليها قبل ظهور الاغنية اين حفظت النوتات بعد وفاة ام كلثوم
هو حضرتك شوفت النوتات الحالية المتاحة لام كلثوم اوغيرها او التى تباع فى الاسواق؟ نوتات عبارة عن هرج ومرج ولا حاجة فيها صح وغلط تماما وكمان ناقصة وحاجة تحبط
فى انتظار اعمال حضرتك الجديدة

[عادل صموئيل]

احبائى
امس قدمت لكم من اروع روائع ام كلثوم والسنباطى جددت حبك ووعدتكم بتقديم شقيقتها واليوم اقدم لكم الشقيقة وهى الرائعة الخالدة
غلبت اصالح
وهى من الاغانى الجميلة ولكن الصعبة جدا والتى انفرد بالتصدى لها واتحداها والحمد لله يوفقنى الله حتى سماها زملائى اللعب بتاعة عادل
اتمنى ان تسعدوا
واحب ان اوجه الشكر للأستاذ amrfat على رسالته الكريمة وعبارته الجميلة ولقد فتح عدة مواضيع على غاية من الاهمية ارد عليها نقطة نقطة لأهمية الاستفسارات التى تطرق اليها واشكره عل فتح هذا الموضوع
الموضوع الاول سألنى ان بعزف الالحان دى من نوتتها الاصلية ام من سماعى وخبرتى
وللذكرى والتاريخ ام كلثوم عمر فرقتها ما عزفت بنوتة غير مرة واحدة فى التاريخ وهى فى اغنية على باب مصر لأن طلبوا من ام كلثوم غنائها على عجل وتولى استاذى وابى فى كتابة النوتة الاستاذ نصر عبد المنصف ( وهو مدرسى الاصلى فى الكتابة )
وذلك لتغنيها ام كلثوم فى اليوم التالى فى حفلة عيد الثورة وكانت هذه هى المرة الوحيدة التى عزفت الفرقة مع ام كلثوم باستخدام النوتة الموسيقية وسبب تفرد فرقة ام كلثوم بالابداع والسلطنة الفريدة ان الملحنين كانوا يقومون بتحفيظ الفرقة جملة جملة على عودهم
وسبب وجود النوت الركيكة فى الاسواق ان اللذين يكتبونها ممكن ان يكون فيهم 3 عيوب ان يكون ركيك الكتابة او مش حافظ اللحن كما ينبغى ولايدقق مع الشريط فى كل حرف يكتبه او عندما يكتب بيعمل اضافات او عك من عنده مما يشوه اللحن
والعيب عيب الناشرين انهم مش بيكلفوا حد معاشر لأم كلثوم او حافظها صح ولكن بيكلفوا اى حد والسلام
انا عمرى 57 سنة والموهبة التى اعطاها لى الله انى فى سن 6 سنوات كنت حافظ كل الاغانى التى تذاع فى الراديو من الجلدة للجلدة حتى الاغانى الصعبة يعنى الاغنية التى هنا مثلا انا اغنيها من 50 سنة ودخلت الاغانى فى دمى وعندما تعلمت الكمان كل الاغانى طلعت من داخلى من مخزونى ولم آخذ وقتا لحفظها وفى سن 20 سنة التقيت بالعظماء وعملت معهم فكانت قيمتى عندهم نابعة من مخزونى الكبير هذا
اهم سؤال انت قلت لماذا لا اعمل هارمونى ارد انى عملت مع عبد الوهاب والسنباطى 20 سنة عمل مستمر واحتكاك شربتهم وانا اكتب هذا ارواحهم متقمصانى وبليغ والطويل وكلهم احس انهم عينهم على اللى اتبه كما كانوا يسمعون عزفى كتير شتمونى وكتير قبلونى وشتمونى لما احاول اضيف حرف من عندى احسست ياعزيزى كنا نعمل فى اللحن 45 بروفة ومعنا النوت ليس لعزف اللحن وانما للتجويد فيه لم يمر علينا حرف إلا ما بدله وغيره والجملة التى ممكن تتوزع وزعها اما باقى اللحن مش ممكن يتعزف احلى من كده
ان تراث العظماء دول عامل زى الهرم هل ممكن تطور الهرم القديم وتجدده وتغطيه سيراميك ؟ بهذا تكون قتلته وشىء خطير كان عبد الوهاب يخشى على طعم الموسيقى العربية الاصيلة من التكنولوجيا مرة وضع يده على ديسك الاذاعة الحديث الذى يحتوى على مئات الازرار امامى وقال بالحرف ( ومن العلم ما قتل ) انا عايزك ترد على كلامى انه وصلك وللحديث لسه بقية مهمة لأنى آسف للإطالة
واترككم مع الرائعة غلبت اصالح

[عمرو الهنداوي]

استاذ عادل شكرا جزيلاا يا فندم لرد حضرتك

فى الحقيقة انا اشكرك لانى عرفت من حضرتك معلومات عن ام كلثوم لم اكن اعرفها من قبل وفعلاا يا بختك انك شوفت الناس العظيمة دى وعملت معهم
الأسف انا ولت بعد وفاة ام كلثوم بسنين كتيرة وكنت اتمنى احضر حفلاتها واشوفها على الحقيقة وخصوصا فى الحب كله انا تعلمت الموسيقا بنفسى مخصوص علشان اعزف الاغنية دة ولكن لا توجد لها نوتة كاملة وصحيحة
بس قولى حضرتك احنا نعمل اية؟ لاوجود لتدوين اغانى حليم وام كلثوم صح وكامل كما كانوا يغنوا وكمان المشكلة بتاعة السماعى دة كحل ضعيفة عند الشباب وكمان اغانى الكبار صعبة علينا كاشباب غير متخصص فى علوم الموسيقا لكتبتها وعزفها
حضرتك احنا بنتعذب علشان نلقى نوتة صح وكاملة ومش عارف ليه دة بيحصل ولحد امتى؟
طيب فين الاماكن حضرتك التى تتيح بيع النوتات دة وبعضين ما التراث دة حضيع كدة لو ما حفظ وبشكل صيحيح
قولى حضرتك احنا نعمل اية؟ حتى السماعى لا يحل مشكلة النوتات
طبعا لا تعليق على عزف حضرتك لانه يكفى انك كنت مع الناس العظيمة دة وطبعا اى عازف كان معهم هو اسطورة بنفسه وحضرتك كنت منهم فا يابختك انا بحسدك على فكرة و السلام عليكم
اة نسيت اقول لحضرتك انه عزفك فى القلب يعشق كل جميل خرافة وليس جميل فقط حضرتك اثبت انه النوتة بتاعت الاغنية عندى طلعت غلط فى غلط حتى الصولو اللى انا بحبه طلع مكتوب غلط فى النوتةشوفت بقى قد اية حضرتك احنا جيل مظلوم

[د أنس البن]

أستاذ عادل
الفنان الأصيل
رائحة وعبق زمن الرواد وأهل الذوق
أمتعتنى وأسعدتنى بل وأمتعت وأسعدت جميع من شنفوا آذانهم بهذا العزف المبهر من فنان أصيل عاصر جيل العمالقه وتشرب من أصالتهم وفنهم وذوقهم الرفيع
وكان رائعا أن أستمع الى رائعتى السنباطى التوأم جددت حبك وغلبت اصالح , ووالله صدقت لما قلت أنهما توأم فهذا كان إحساسى أيضا من قديم الزمان ومثله توأم عودت عينى وأروح لمين وتوأم يا للى كان يشجيك انينى وهجرتك وتوأم شمس الأصيل وفاكر لما كنت جنبى , هذا إحساسى الشخصى , لكن المهم عاشت أياديك وأصابعك الذهبيه وقوسك الناطق بعذب الألحان

[عادل صموئيل]

احبائى
اقدم لكم من روائع ام كلثوم والسنباطى التحفة الخالدة
ذكريات
واهديها للدكتور انس البن واشكره على رده الجميل وكنت احتاج لمثل هذا الكلام الجميل لأن الفنان يحب التشجيع وبالذات عندما يأتى من مستمع ذواق لأن هوايتى الاصليه اعشق هذا النوع الصعب جدا من الاغانى كل مرة عندما ابدأ فى تحضير اغنية من هذا النوع ومع انى اعزفها من عشرات السنين ولكن عند التسجيل اذاكرها من اول وجديد واحس بمئات الاشياء تظهر فيها فجاة احس كل مرة انى زلطة صغيرة بجوار الهرم الاكبر وعندما انتهى من عزفها واسمعها واحس بالرضا عما فعلت احس ان قامتى طالت وطالت الى اعلى ونظرا لأنى متواضع كما علمونى الفنانين الظماء وحتى لا احس بالغرور ابدأ فى اعداد اغنية جديدة لأحس انى رجعت زلطة من تانى بجوار الهرم ومن اهم الاسرار التى خرجت بها من طلاسم ماكان يجرى فى رؤوسهم وبالمعاشرة الطويلة والصداقة وعلم النفس ان الفنان كل ما يعمل عمل وينجح يفرح فقط ولكن لايركبه الغرور ويعودفورا الى الزلطة ولولا شعور الزلطة الصغيرة هذه ما صار كل منهم عملاقا لو تملكه الغرور لحظة ولإنهار كما صعد
كما اشكر الاخ العزيز الفنان محمد الآلاتى على تكرمه بتثبيت موضوعى وهو بذلك يضعنى فى مواجهة جديدة مع الابداع والعطاء حتى استحق هذا الشرف