لقاء الاسكندريه الثالث اللى انا كنت فيه

[غازي الضبع]

والله يا ريما برافو عليكي
على فكرة مهما حاولنا أن نكتب عن اللقاء
لن نكتب مثلما كتبتي بعفويتك وتلقائيتك وشفافيتك
كلامك جميل وصادق ينم عن مشاعرك وأحاسيسك وطيبة قلبك
وعلى فكرة إنتي وصفتي الجميع ما عدا واحدة كانت متألقة جدا في اللقاء
وهي الآنسة ريما
البنت الرقيقة اللي كانت متخصصة في الشاي وتقديم الطلبات طول النهار
كلنا قلنا عليكي إننا وكأننا نعرفك من سنين
البساطة والصدق يشعان من نظراتك
وأقولك الحق : أنا بقى ماكنتش متوقعك كده
كنت واخد فكرة جوايا عنك
بس الحمد لله طلعتي منتهى العقل والرزانة

[ريما]

فكرتنى صحيح بحاجه مهمه جدا الشاى

على فكره يا جماعه كانو مستغلين سذاجتى وكل شويه يخلونى اعملهم شاى

تقريبا كانو وخدنى بدل الواد نصه صبى القهوه

وبعدين يا غازى افندى رقه ايه انت هتفشر عليهم وكمان عقل طلع امتى دا يا غازى

المهم منتظرين باقى الصور والفيديوهات يا ريت

[صباح2015]

بسم الله الرحمن الرحيم
أولا أحب أعرفكم بنفسى
فأنا صديقة للدكتورة / زوجة الدكتور / حسن وكنت موجودة باللقاء الذى
تم بفيلا الدكتور / حسن وكنت سعيدة جداً برؤية تلك الكوكبة الرائعة التى سمعت عنها قبل أن أراها ولقد لمست فى الجميع مقدار الصداقة الحميمة التى تربطهم ببعضهم والغريب انها نشأت من الهواء ولكن الفضل كله يرجع الى هذا المنتدى
الرائع والذى أسعدنى أن أكون عضوة جديدة به
لذا أرجو من السادة المشرفين تفعيل هذه المشاركة فى الموضوع لكى يراها الجميع
ولكم تحياتى وشكرى ,,,

[mohamedafify]

اختى العزيز ريما انتى كما قال الاستاذ غازى نعم الاخت وكنتى فعلا منورة فى اللقاء وقمتىة باعلى واجب معانا شكرا ليكى ولدكتور حسن على كرم الضيافة هو وسيادة اللواء محمد عمر على حسن الاستقبال لنا جميعا اناكنت مستمتع جدا بهذة الصحبة الجميلة من الاساتذة المثقافين اتمنى اللقاء بيهم دوما ان شاء اللة مع تحياتى محمد عفيفى

[غازي الضبع]

المشاركة الأصلية كتبت بواسطة صباح2015

بسم الله الرحمن الرحيم

أولا أحب أعرفكم بنفسى
فأنا صديقة للدكتورة / زوجة الدكتور / حسن وكنت موجودة باللقاء الذى
تم بفيلا الدكتور / حسن وكنت سعيدة جداً برؤية تلك الكوكبة الرائعة التى سمعت عنها قبل أن أراها ولقد لمست فى الجميع مقدار الصداقة الحميمة التى تربطهم ببعضهم والغريب انها نشأت من الهواء ولكن الفضل كله يرجع الى هذا المنتدى
الرائع والذى أسعدنى أن أكون عضوة جديدة به
لذا أرجو من السادة المشرفين تفعيل هذه المشاركة فى الموضوع لكى يراها الجميع
ولكم تحياتى وشكرى ,,,

الأستاذة صبـاح
أهلا وسهلا بكِ بينـنا
المنتدى كله نوّر بوجود حضرتك معنا
ولنا عظيم الشرف بالتسجيل معنا في بيتنا سماعي
تحياتي واحترامي

[ريما]

مدام صباح طبعا انا متكلمتش عن الكواليس للاسف

وكانت الكواليس فيها حرم دكتور حسن ومدام صباح اللى كنت اعتقد انها اخت دكتور حسن

وحرم اللواء محمد عمر

مش قادره اوصف مدى الاهتمام والتعب اللى تعبوه علشانا ومدى الازعاج والدوشه اللى سببناها ليهم

ناس جميله اوى كنت بحسب الناس دى انقرضت الصراحه صدقونى لو شفتو الناس دى

هتحس ان لسه فى خير وناس جميله فى الدنيا

[NAHID 76]

بسم الله الرحمن الرحيم
انا داخلة الان وعلى وجه السرعة علشان ارحب بالضيفة الجديدة عضوة سماعى الجديدة من الاسكندرية
اهلا ومرحبا بك زميلة عزيزة
اهلا بك وسط اسرتك الثانية سماعى للطرب
اهلا ومرحبا وسعدنا برؤياك فى لقاء الاسكندرية
رحبوا معى فى الاجتماعيات بصباح 2015
تحياتى

[حسن كشك]

لقاء رائع بالتاكيد
وفاتنى بالتاكيد
وانا مش عارف ليه حظى سئ فى لقاءات الاسكندرية
لكن على كل حال ..... مسيرنا نتقابل
منورين ياجماعه بجد والله ... ربنا يديم عليكم الصداقة والمحبة
لكن لى ملاحظتين
اولها : انى مش شايف صور خالص لمدام ناهد ولا الاخت ريما ..... ليه ؟؟؟
ثانيها : انى كلمتكم بالموبايل وطلبت انى اكلم كل الحاضرين .... لكن لم يكلمنى الدكتور انس ولا المدام ناهد ولا الاخت ريما ولا الدكتوره سوزان ..... ...ولا اخى محمد عفيفى .... رغم وصولهم ... حسب ماحكته ريما ..... ليه تانى ؟؟؟؟
زعلانين منى ولا ايه
تحياتى للجميع

[د أنس البن]

يا سى حسن كشك بك
إنت بالذات لايمكن أى إنسان يزعل منك أبدا
وانت عارف السبب

إلا فى حاله واحده فقط
وهى أن لايكون له سابق معرفة بك عن قرب
كلنا بنحبك يا ابو على يا جميل

وبعدين انا لسه ها أكتب عن لقاء اسكندريه كمان وكمان

[ريما]

استاذ حسن بجد افتقد وجود حضرتك كان نفسى اتعرف عليك عن قرب

وبالنسبه لموضوع الصور هو اكيد فيه صور لمدام ناهد ودكتور سوزان

هتنزل لكن بالنسبالى محدش رضى يصورنى وقعدت اتحايل وهما يقولى ابدا انتى

مش photogenic طب صوره واحده وهما يقولو ابدا ممنوع ودى الحكايه باختصار

نيجى باه للمكالمه محدش جاب سيره اصلا ان حضرتك عايز تكلمنا

بس تتعوض ان شاء الله مره تانى وتكون معانا لايف صوت وصوره