يازهره البستان - منوره باهلك السماعيين

[محمود]

أول كلامي سلام ..

وهذه مجموعة أخرى من الصور ..








تحياتي

محمود

[Adel]

الحمد لله علي الحب اللي بيننا لله و في الله
بجد مجموعه من الاحباب و كان لقاء فوق التصور
بس للأسف تغيب عن اللقاء أخي و حبيبي عمرو الخربوطلي "جرامافون" و أخي و حبيبي يحي العربي "ابو رشا" لظروف خاصة
عموما خيرها في غيرها نعوضها لما ييجي اخونا صلاح علام بالسلامه ان شاء الله

[رامي كاكا]

هذه الاجتماعات مفيدة للتعرف على مختلف وجهات النظر
وان شاء الله المزيد للرقي بهذا المنتدى

[حسن كشك]

هذه الاجتماعات واللقاءات
مفيدة للجسم واللى عنده انيميا
يا اخى كل الصور اللى بعتوها .... كلها اكل فى اكل .... انتو بتغيظونا
طيب عملتوا ايه تانى غير انكم كلتوا .... طبعا بالهنا والشفا
على كل حال ...
احلى الامانى فيك يازمان ..... لقا الاحبه فى كل اوان
ربنا يجمعكم ويجمعنا معكم بخير وصحه دائما
امين يارب العالمين

[Adel]

المشاركة الأصلية كتبت بواسطة حسن كشك

هذه الاجتماعات واللقاءات

مفيدة للجسم واللى عنده انيميا
يا اخى كل الصور اللى بعتوها .... كلها اكل فى اكل .... انتو بتغيظونا
طيب عملتوا ايه تانى غير انكم كلتوا .... طبعا بالهنا والشفا
على كل حال ...
احلى الامانى فيك يازمان ..... لقا الاحبه فى كل اوان
ربنا يجمعكم ويجمعنا معكم بخير وصحه دائما
امين يارب العالمين

القعده كانت ناقصاك يا معلمي
بس انت اللي اديتنا بمبه
عموما خيرها في غيرها واخوك ابو علام وصل و هيبقي في قعده تانيه اوعي تعملها و متجيش

[أبو رشا]

أنا فعلا كان نفسى أكون معاكوا وكنت مجهز نفسى بس للأسف ما كانش ينفع أبدا والله، عموما أنا على الأقل إستمتعت بالصور وعرفت إنى لما آجى القعدة الجاية إن شاء الله آجى جعان وعامل حسابى أعرف آكل خصوصا إن موضوع السمك ده حاجة فى دمى ومش معقول كنت حاقعد اتفرج وأنا شبعان
يا رب أخونا صلاح علام ييجى بسرعة

[حسن كشك]

ومن جديد
بالامس
الجمعة 2008/7/4
فتحت زهرة البستان زراعيها لتستقبل مجموعة الاحبه
فقد التقينا بنفس الحب وبنفس الود وبكل الاشتياق مع
بعضنا البعض كأسرة جميله كبيره - ولاول مره يكون
العدد بهذا الحجم الرائع ( ربنا يزيد ويبارك ) فقد حضر
د. انس البن - م.محمد على - حسن كشك- محمد الالاتى
الفنان عمرو الخربوطلى - ابو رشا ورشا - أ سيد المشاعلى
أ صلاح علام ونجله -أ - سامح الاسوانى أ غازى الضبع
أ احمد عبد الهادى - أ عماد جمعة - الصديق محمود العيادى
وصاحب الليله وكل ليله - م عادل السيد
للعلم ( حضر ايهاب عامر) الى زهرة البستان لكنه لم يجد
احد لاننا كنا زهبنا الى قدوره
وكانت ليله رائعة - تخللتها عشوه اكثر روعة عند قدورة

ثم سهرة باحدى كازينوات شارع الدول العربية استمرت حتى
مابعد الفجر بين مجموعة السهيرة - عمرو الخربوطلى- حسن كشك
محمد الالاتى - سيد المشاعلى - غازى الضبع - عماد جمعة
بعد انصراف م محمد على وا احمد عبد الهادى وصاحب الليله
م عادل السيد بعد ماقام بالليه كلها ودفع كل الحسابات والبقشيش

[عماد جمعة]

السلام عليكم ورحمه الله وبركاته
الحقيقه يا جماعه انا مش عارف احكى واقول ايه ولا ايه ، اللقاء ده يعتبر ثالث لقاء بينا ولكن للامانه كان اجمل واحلى اللقاءات لانى قابلت ناس من زمان كنت اتمنى لقائهم ولو قعدت احكى على كل واحد فيهم عايز شهر كامل وللامانه فى ناس كتيره انا كنت واخد فكره عنها مختلفه نهائى عن اللى شفته سواء من خفه الدم المتناهيه من الاستاذ صلاح علام او الطيبه الابويه من الاستاذ محمد على قناديلى او الوجه البشوش دائما الاستاذ سامح الاسوانى او الطيبه التى بلا حدود فى الاستاذ يحيى ابو رشا او الهدوء والصمت الجميل من الاستاذ احمد عبد الهادى معلشى يا جماعه واسمحولى انا اتكلمت عن الاساتذه التى اراهم لاول مره
بس يا جماعه انا عايز اقولكم على سر بس يا ريت مايطلعشى برده ال 260000 عضو اللى موجودين فى المنتدى ( المجموعه كان فيها لص خطير جدا ) سرق كل الموجودين بكلامه الجميل واسلوبه البسيط وغزاره المعلومات اللى عنده لدرجه اننا قعدنا اكتر من سبع ساعات مستمعين فقط عرفتوا مين اللص ده طبعا الاستاذ عمرو الخربوطلى ( جرامافون ) ومش هتصدقوا لو قلتلكو اننا رحنا الكافتيريا حوالى الساعه 12 مساءا حتى الساعه 7 صباحا وقايمين ومش عايزين نروح من جمال القعده اللى ضمت ( اسمحوللى بدون القاب ) عمرو الخربوطلى ومحمد الالاتى وسيد المشاعلى وحسن كشك وغازى والعبد لله ، بالامانه راجل لما اى حد يقعد معاه يفضل انه يكون مستمع فقط لانى اكتشف انه مش توحفجى بس فى التحف ، ده توحفجى فى كل حاجه وفعلا موسوعه
على العموم مش هطول عليكوا وهارجعلكوا تانى بعد مانزل الصور ان شاء الله

[غازي الضبع]

لقاء أكثر من رائع
إلى الآن أعيش في نشوته
مجموعة لا يوجد أروع منها في الوجود
منتهى المحبة في الله
عمنا الدكتور أنس الذي سعدت بصحبته للأسبوع الثالث على التوالي
توأم روحي الأستاذ السيد المشاعلي
عمي وحبيبي الأستاذ محمد الالاتي
حبيب قلبي الأستاذ حسن كشك
عمي وحبيبي المهندس محمد علي
ذو الكرم الحاتمي المهندس عادل سيد
صديقي الحبيب الأستاذ عماد جمعة
صديقي الجميل الأستاذ سامح الأسواني
صديقنا الجديد الأستاذ أحمد عبد الهادي
صديقنا الحبيب الذي نوّر القاهرة كلها الأستاذ محمود العيادي ( صديق أ. حسن كشك )
**
وعريس الليلة الأستاذ صلاح علام ( سيادة الرئيس ) صاحب الدم الخفبف والروح الجميلة والحضور المتألق ..
كما شرفنا الأستاذ علي ابن سيادة الرئيس .. وكان منور المكان كله
وصاحب النفس المتصالحة ، والروح الطيبة الجميلة ، والكلام المعطر الأستاذ يحيى العربي ( أبو رشا )
وشرفتنا في اللقاء الآنسة رشا .. الأمّورة الجميلة .. التي تصارعنا جميعا لكي نحجزها لأبنائنا .. وبدأنا في ادخار المهر من الآن ..
حقيقي تشرفت بكم جميعا ..
والله .. كان من أجمل اللقاءات
وأتمنى من الله عز وجل أن يُكرر اللقاء قريبا بإذن الله ..

[غازي الضبع]

النمذجة

نتساءل جميعا عن أفضل وأحسن الطرق للتعلم ، إلى أن وصل العلم إلى أن أفضل طرق التعلم ( وليس التعليم ) هي النمذجة ..
والنمذجة هي عملية التقاط واكتساب ونقل المهارات والإمكانيات الإنسانية

وتركز على ماذا فعل صاحب الخبرة أو المهارة حتى وصل لما هو عليه الآن.
أو كيف فعل صاحب المهارة مهارته ..
وإستناداً إلى مبدأ ما هو ممكن للناس فى مكان ما فى العالم ممكن لى ..
أي أنني إذا أردت أن اتعلم شيئا .. فقط عليا أن أبحث عن شخص ذو مهارة في هذا الشيء .. وأتـنمذج منه
أي أعرف ما هي الخطوات والإمكانيات والأفعال التي فعلها .. وأفعل مثله .. فأصل إلى النتائج التي وصل إليها .. وبذلك تنقل الخبرة والمهارة من شخص لآخر ..
ولكن أصعب ما في الأمر .. هو إيجاد ذلك الشخص ..
ولن تصدقوني إذا أخبرتكم أني منذ أمد بعيد وأنا أبحث عن هذا الرجل ذو المهارة والخبرة كي أتنمذج منه ..
ولكن بحمد لله وتوفيقه ..
أخيراً وجدته ..
وجدته هنا في سماعي ..
إنه الأستاذ
عمرو الخربوطلي
الشهير بجرامافون ( التوحفجي )
والذي اكتشفت أن لقب التوحفجي لم يطلق عليه من فراغ
بل يجب أن يطلق عليه الموسوعجي ..
وإليه أقـول :
أخيــرا وجدتك