,, LE LUTH DES VIRTUOSES ,,
___________
سى دى كامل إنتاج 2001 يضم نخبة من أمهر عازفي العود
ومنهم محمد القصبجى و منير بشير و فريد الأطرش و عمر بشير مع والده منير بشير و آخرون.
وانا كنت رفعت فيما قبل تقاسيم للأستاذ محمد القصبجى فى القسم الخاص بتقاسيم محمد القصبجى وتم حذف الموضوع من قبل الإدارة
بسبب إنى أخطأت فى رفع الملف وإن العزف ده كان لمنير بشير وليس محمد القصبجى
والتقاسيم دى اللى انا رفعتها من قبل هى نفس التقاسيم الموجودة على هذا السى دى وانا نقلتها من الاسطوانة والادارة ممكن تتأكد من ده وتطابق الملفين
المهم إن الاسطوانة دى إنتاج شركة أجنبية يعنى مش تسجيل إجتهاد ذاتى وكمان مصنفين ترتيب العازفين حسب ترتيبهم اللى مرفوعين بيه
وكمان جيبت معلومات عن الألبوم ولقيته موجود على النت و كان متاح شرائه (( المهم إن السى دى ليه مصدر ))
انا حبيت احكى القصة دى كلها علشان أهم خطوة وهى سبب رفعى للاسطوانة دى
علشان تكون دعوة مفتوحة لكل السميعة والعازفين للحكم على التراك التانى واللى هو المفروض حسب تسمية شركة الانتاج
(( تقاسيم بياتى لمحمد القصبجى )) والتأكد من انه محمد القصبجى أو منير بشير
ومش بس كده مش لازم الاعتماد فقط يكون على الأذن أو على إسلوب العزف بل وعلى الذاكرة أيضا"
بمعنى ان اللى يسمع التقاسيم يحاول يفتكر هل هو سمعها من قبل ويعلم علم اليقين أنها لمنير بشير وليس لمجرد إحساسه
ولو كان هكذا يبقى من المؤكد ان احد السادة الاعضاء لابد يكون عنده تسجيل لهذه المعزوفة
(( لانه مش من المعقول إن تقاسيم زى دى تكون مش موجودة إلا على الاسطوانة دى لأن اعمال منير بشير معروفة للجميع ومنتشرة ))
فإن لم يكن
ففى هذه الحالة يمكن تكون لمحمد القصبجى فعلا"
_
ودى روابط بيع الالبوم والصورة كمان
_
نحن فى إنتظار من يدلنا عن شىء نستند اليه ونبت في هذا الموضوع علشان أصعب شىء لما مجهود شخص ما بيُنسَب لشخص آخر
___
__
_
دول 3 تراكات من باقى ال 13 تراك من نفس السى دى طبعا" وبنفس الترتيب
وباقى 4 تراكات فقط يتم رفعهم بإذن الله
___
__
_
أخر 4 تراكات فى السى دى
وبعد إذن الإدارة يا ريت تضم كل التراكات لباقى التراكات المرفوعة فى المشاركة الأولى وتحذف باقى المشاركات حفاظا" على المظهر العام للصفحة
لإنى بصراحة ما عرفتش إزاى أرفعهم كلهم (( الـ 13 تراك )) فى مشاركة واحدة.. ولا ده مش متاح ليا فى الوقت الحالى لأنى باشوف أعضاء بيرفعوا أكتر من 6 أغانى فى المشاركة الواحدة ؟!
ولا العيب فيا انا اللى لسه ما توصلتش إزاى أرفعهم كلهم فى مشاركة برجاء الإفادة ؟
وكمان انا حاولت أرفع 6 تراكات فى المشاركة التانية لكنى فشلت على مدار يومين فرفعت 3 تراكات فقط فاترفعوا بسهولة وكمان أخر 4 تراكات اللى فى المشاركة دى اترفعوا بسهولة.. ما هو الفرق !!!
وبعد إذن الإدارة الصورة اللى فى المشاركة الأولى حجمها تقريبا" مش مظبوط ومكبرة الصفحة بالعرض .. يا ريت لو كمان حجم الصورة يتظبط إن أمكن عشان شكلها فعلا" مش حلو وكمان الروابط حجمها كبير مع إنى صغرتها للحجم 2
وشكرا"
___
__
_
العرض الشجري